Свет
Пронајдено телото на Качински и двете „црни кутии“
Телото на загинатиот послки претседател Лех Качински е пронајдено на местот на несреќата како и двете „црни кутии“ останати во урнатините на авионот кој утрово се урна крај Смоленск, пренесе РИА Новости
За агенцијата оваа информација ја потврдил висок државен службеник, Другите поединости не се објавуваат , освен дек ан алице место биле иднетификувани уште неколку тела. Пронаоѓањето на двете „црни кутии“, на претседателскиот авион „Тупољев 154“ го соопшти рускиот министер за вонредни состојби Сергеј Шојгу, додавајќи дека веќе почнало нивното преслушување и експертиза.Портпаролот на партијата Право и праведност (PiS) во меѓувреме изјави дека братот близнак на претседателот и поранешен премиер на Полска, Јарослав Качински, исто така отпатувал за Смоленск.„Скршен е од трагедијата, но храбар“, изјавил портпаролот Мариуш Блашчак.Неговата состојба е потешка затоа што нивната 84-годишна мајка повеќе од цел месец е во болница во тешка сосотјба, што биал и причината Јарослав да остане дома. Според последните официјални информации на руското министерство за вонредни сосотјби дека во авионот се наоѓале 96 лица, од кои 88 членови на државната делегација кои патувала на 70-годишнината на масакрот во Катинската шума од 1940 г., која е 20 километри од Смоленск. Приближувајќи се кон воениот аеродром во Смоленск, авионот се урнал на два километра пред пистата. Според руските медиуми пилотот уште од белоруската контрола на летањето бил предупредуван да се спушти во Минск, бидејќи над Смоленск видливоста била многу мала, а авионот закачил во блиските дрвја откако по четврти пат се обидел да се приземји. Како што јавуват руските агенции со истрагата од местото на несреќата ќе ракјоводи лично рускиот премиер Владимир Путин, а ќе присуствува и неговиот полски колега Доналд Туск.Рсуката истрага разгелдува ти можни причини за несреќата: лошите временски услови, човечка грешка или техничка грешка. Полска ќе спроведе своја независна истрага.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Се уморил од грабежот: крадец провалил во стан во Русија, а потоа заспал во него
Крадец заспал во стан во рускиот град Благовешченск откако го ограбил.
Сопственичката го пронашла во таква состојба откако се вратила дома од работа, објави Одделот на Министерството за внатрешни работи на Амурскиот регион.
Жената пријавила во полиција дека, по враќањето од ноќната смена, пронашла непознат маж во својот дом, пренесува РИА Новости.
„Се покажа дека крадецот влегол во куќата низ прозорецот во текот на ноќта, со намера да изврши кражба, знаејќи дека сопствениците не се таму. Осомничениот ги спакувал телевизорот и моторната пила во чантите, но, претпоставувајќи дека сопственичката ќе биде отсутна долго време, решил да се одмори и заспал. Сопственичката на куќата го пронашла во таква состојба кога се вратила од работа“, се наведува во извештајот.
Полицијата го привела осомничениот за обид за кражба на станот.
Станува збор за 45-годишен локален жител со претходно криминално досие за кражба и трговија со дрога.
Против него е покрената кривична постапка, а РИА потсетува дека обидот за кражба извршен со нелегално влегување во дом носи казна затвор до шест години.
Како превентивна мерка, на крадецот му е дадена писмена обврска да не го напушта просторот и да се однесува соодветно.
Фото: принтскрин
Свет
Паника во американската воена база поради сомнителен пакет
Неколку лица се разболеле и биле однесени во болница откако сомнителен пакет со бел прав бил доставен до воздухопловната база „Ендрус“ во американската држава Мериленд, според официјални лица и извори запознаени со истрагата, пренесува CNN.
Според соопштението од базата Ендрус, инцидентот се случил кога едно лице го отворило пакетот, што довело до евакуација на две згради и воспоставување безбедносен кордон, пренесува CNN.
Тимовите за итна интервенција реагирале брзо и утврдиле дека нема непосредна закана, по што случајот бил предаден на Канцеларијата за специјални истраги.
Неколку лица кои биле во контакт со пакетот, или во негова близина, биле транспортирани во медицинскиот центар во рамките на базата.
Првичниот тест не открил присуство на опасни супстанции, но истрагата продолжува.
Сè уште не се познати степенот и природата на симптомите кај оние кои се разболеле.
Тимот за опасни материјали го напуштил местото на настанот синоќа.
Просторијата каде што бил отворен пликот – во зградата каде што се наоѓа Центарот за подготвеност на Националната гарда – е сè уште затворена.
Базата „Ендрус“, која се наоѓа во близина на Вашингтон, е позната, меѓу другото, по тоа што се користи за патувања на американскиот претседател, потпретседателот и членовите на кабинетот.
Лидерот на Соединетите Американски Држави, Доналд Трамп, беше во базата еден ден пред инцидентот, во средат, пренесуваат светските медиуми.
Фото: принтскрин
Свет
(Видео) Заплови „Фуџијан“, најновиот и најмоќен кинески носач на авиони
Најновиот кинески носач на авиони „Фуџијан“ официјално е пуштен во служба, што претставува значаен чекор во напорите на Пекинг да ја достигне поморската моќ на САД, јави кинеската државна телевизија CCTV. На церемонијата на островот Хаинан присуствувал и претседателот Шји Џинпинг, кој симболично го активирал катапултот на палубата.
„Фуџијан“ е трет и технолошки најнапреден носач на авиони во кинеската флота, прв опремен со електромагнетни катапулти (EMALS) – технологија што досега ја поседува само американскиот „USS Gerald R. Ford“. Со тоа се овозможува полетување на авиони со поголем товар и поголем дострел.
President Xi Jinping on Wednesday attended the commissioning and flag-presenting ceremony of the Fujian, China's first aircraft carrier equipped with electromagnetic catapults, in south China's Hainan Province, according to Xinhua.
Xi, also general secretary of the Communist… pic.twitter.com/uTKFz6n1pD
— Global Times (@globaltimesnews) November 7, 2025
Иако користи конвенционален погон, за разлика од американските нуклеарни носачи, „Фуџијан“ со истиснина од 80.000 тони се смета за најмоќниот кинески брод досега и извор на национална гордост. Во Кина веќе се гради и четврти носач, познат како „Тип 004“, кој се очекува да има и нуклеарен погон.

