Свет
Маринците им плаќаат на авганистанските фармери да го уништат афионот
Со намалувањето на интензитетот на борбите во поранешното талибанско упориште Марџа, аммериканските маринци сега се вртат кон елиминирање на главниот извор на приходи на бунтоовниците, опиумот, јавува агенцијата Reuters
Но, наместо самите да ги уништуваат тајните полиња со афион, маринците развиваат нова тактика: им плаќаат на селаните тие да си ги уништат сопствените посеви. Марџа со години беше едно од најголемите упоришта на талибанците, каде што имаа речиси целосна власт. Во фебруари, трупите на НАТО извршија офанзива и ги протераа бунтовничките сили. Она што ја праву Марџа толку важна е нејзината стратешка локалција. Сместена во непосредна близина на престолнината Кабул, Марџа е опколена со плодно обработливо земјиште, испресечено со канали кои ги наводнуваат посевиите со афион. Поради тоа, Марџа долго време беше средиште на наркобизнисот во провинцијата Хелманд, каде што се наоѓа. Минатата година, Авганистан произведе 90 процети од вкупната количина на опиум во светот, супстанца од која потоа се произведува дрогата хероин. Најмалку 60 проценти од оваа количина беше произведена во провинцијата Хелманд. Сега, на само неколку недели пред почетокот на жетвата, кога се очекува прилив од најмалку 60.000 сезонски работници кои ќе работат на полињата, маринците во Марџа започнуваат со нова шема, според која фармерите самите би си ги уништувале посевите, а за тоа би добиле пари и материјал за алтернативно производство. „Ова е целосно доброволна програма и тоа е најважниот аспект во целата работа. Ние нема ниту да им го допреме афионот, а ако се одлучат да го уништат,ќе добијат по 300 долари за еден хектар“, вели мајор Џим Кофман, офицер за цивилни врски, кој го надгледува проектот. Според шемата, која започна да се спроведува пред една недела, фармерите треба да дојдат до една од испоставите на маринците, каде што им се остава една недела да ги преораат нивите. По проверката, маринците им ги исплаќаат парите и им даваат ѓубриво и семенски материјал за садење на алтернативни земјоделски култури.„Засега, реакцијата на селаните е добра. Само во нашата испостава до сега се пријавенни преку една илјада џариби (традиционална авганистаннска мерка, еднаква на една петтина од хектар)“, вели Кофман. Проектот веднаш привлече силни критики, кои велат дека процесот се сведува на купување на дрога со парите на американските даночни обврзници, со што не се согласува мајорот Кофман. „Американската влада никогаш не плаќала и нема да плаќа за дрога. Ова е земјоделска транзициска програма. Ние не плаќаме за производот, туку за земјата. Ако селаните имаат засадено жито, или памук, или што и да е и ако решат да го уништат тоа, ќе добијат и пари и ѓубриво и семиња“, вели Кофман. Тој додаде дека шемата ќе важи само за годинава и дека на фармерите догодина нема да им биде дозволено да садат афион, но одби да каже што ќе се случи ако фармерите, сепак, се вратат кон незаконскиот посев. Маринците признаваат дека парите кои им ги даваат на селаните се многу помалку од она што би го добиле за афионот, но имајќи предвид дека на војниците им е дозволено да го заппленуваат афионот штом селаните ќе го ожнеат, некои селани на овој начин ќе си ги намалат загубите.„Ова е многу добра програма, сигурен сум дека ќе успее“, вели Галабудин Кан, локален фармер. Другите фармери кои чекаа да се пријават за шемата се криеја од новинарите, знак за се уште силното влијание на талибанците во областа. На еден пекар во Марџа неодамна му беше исечена главата затоа што им продалл леб на авганистанските војници. Иако одѕивот на почетокот на шемата е многу скромен, мајорот Кофман и натаму е оптиммист.„Целото ова општество е базирано на кажан збор и затоа ви гарантирам дека штом првата група ги расчисти своите полиња и ги добие парите, ѓубривата и семињата и другите селани ќе навалат да се приклучат“, вели тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Турската полиција уапси повеќе од 1.000 лица во безбедносна операција во Истанбул
Турската полиција уапси 1.022 лица за време на големата безбедносна операција „Мир Истанбул“ спроведена низ Истанбул, објавија властите.
Операцијата започна доцна синоќа, со поддршка на полициски хеликоптери и бродови на поморската полиција, објавија турските медиуми.
Речиси 3.000 полицајци се распоредени низ целиот град, поставувајќи контролни пунктови, проверувајќи јавни места и извршувајќи проверки на идентитетот, пренесува Танјуг.
Проверени се повеќе од 363.000 лица, додека 528 лица се приведени под сомнение за разни прекршоци. За време на операцијата, конфискувано е нелегално огнено оружје, празни пиштоли, пушки, муниција, над еден килограм наркотици и готовина поврзана со продажба на дрога.
Исто така, биле проверени речиси 200 компании и извршени се обемни сообраќајни контроли.
Службениците истакнуваат дека операцијата е дел од континуираните напори за зајакнување на јавната безбедност во најголемиот град во Турција.
Фото: ЕПА
Свет
(Видео) Трамп до американска новинарка: Дали си глупава?
Американскиот претседател Доналд Трамп нарече американска новинарка „глупава“ откако таа му постави прашање за безбедносните проверки на авганистанските бегалци на прес-конференција, јавуваат американските медиуми.
„Дали си глупав човек?“, праша Трамп за време на говорот од неговата резиденција Мар а Лаго во Флорида, објавува „Њујорк пост“.
Инцидентот се случил кога една новинарка го прашала американскиот претседател зошто го обвинува својот претходник Џозеф Бајден, иако токму членови на администрацијата на Трамп тврделе дека Авганистанците што емигрирале во Соединетите Американски Држави биле темелно проверени, вклучувајќи го и Авганистанецот Рахманула Лаканвал, осомничен за пукање врз двајца припадници на Националната гарда во средата.
🚨 HOLY CRAP — Trump just blew up at reporters on live TV.
A journalist pressed him on why he’s blaming Biden for the D.C. National Guard attack, and Trump snapped:
“Are you a STUPID PERSON?”
“They LET HIM IN… they came on a plane with thousands who shouldn’t be here!”
“You’re… pic.twitter.com/p24NOhb1do— Brian Allen (@allenanalysis) November 28, 2025
„Затоа што ги пуштија внатре. Тие бегалци пристигнаа со илјадници други луѓе кои не треба да бидат тука, а вие поставувате такви прашања само затоа што сте глупав човек“, и се обрати Трамп на новинарката.
Во средата, Трамп го критикуваше и „Њујорк тајмс“ за статијата што се фокусираше на неговата возраст и зголемените знаци на замор, нарекувајќи го авторот на статијата „новинар од втор ред кој е грд одвнатре и однадвор“.
Порано овој месец, тој го нарече новинарот на Блумберг „свиња“, а друг „ужасна личност“, потсетуваат медиумите.
Фото: ЕПА
Свет
Трамп го прашаа дали ќе дојде на погребот на гардистката: „Ја сакам Западна Вирџинија, одлични луѓе“
По трагичната смрт на членката на Националната гарда Сара Бекстром, американскиот претседател Доналд Трамп беше прашан дали ќе присуствува на погребот. Бекстром почина како резултат на повредите во пукањето што се случи завчера во близина на Белата куќа, пишува unilad.com.
Дваесетгодишната Бекстром беше една од двајцата членови на Националната гарда на Западна Вирџинија кои беа застрелани од авганистански државјанин. И двајцата беа во критична состојба по нападот, но Бекстром им подлегна на повредите. Друг ранет гардист, 24-годишниот водник Ендру Волф, сè уште се „бори за живот“, како што рече самиот Трамп.
За време на неговиот традиционален телефонски разговор за Денот на благодарноста со американските војници, Трамп ја сподели тажната вест. „Таа штотуку почина“, рече тој. „Таа повеќе не е со нас. Таа сега нè гледа со потценување. Нејзините родители се со неа“, додаде тој. Претседателот ја опиша Бекстром како „неверојатна личност, извонредна во секој поглед“.
Кога новинарите го прашаа дали ќе присуствува на погребот, Трамп одговори дека тоа е можност што би ја разгледал. „Тоа е секако нешто што можам да го замислам“, рече тој. „Ја сакам Западна Вирџинија и ја освоив Западна Вирџинија повеќе од кој било претседател каде било“, додаде тој.
„Тоа се одлични луѓе. Ги сакам луѓето од Западна Вирџинија, ги сакам луѓето од нашата земја, но не размислував за тоа“, рече американскиот претседател. За потсетување, осомничениот за пукањето беше идентификуван како 29-годишниот Рахманул Лаканвал. Според извори на Асошиејтед Прес, Лаканвал работел во специјална авганистанска воена единица поддржана од ЦИА пред да емигрира од Авганистан.
Струмичанецот кој со шприц сакаше насилно да ѝ вбризга на сопругата пестицид ќе одговара за обид за убиство
Струмичанец со шприц сакал насилно да ѝ вбризга на сопругата пестицид. Таа почнала да вика, а двете малолетни деца слушнале...
Водата во ООУ „Димо Хаџи Димов“ е исправна и може непречено да се употребува, велат од „Водовод“ по труењето во училиштето
Од ЈП Водовод и канализација – Скопје информираат дека по извршениот вонреден мониторинг, водата во ООУ „Димо Хаџи Димов“ во...
(Фото) Отстранета дивоградба на улица „Орце Николов“, Герасимовски најави расчистување на бесправните објекти
Во рамките на обемната акција за отстранување дивоградби, Општина Центар ја урна нелегалната доградба на деловен објект на улица „Орце...
Норвешки ветеран: НАТО влегува во фаза на распаѓање
Во блиска иднина, НАТО не само што би можел да ослабне, туку и да престане да постои како релевантен воено-политички...
Жителите на Чучер-Сандево тргнаа во наплата на изборните ветувања: ја бараат ветената канализација од градоначалникот Зоран Бајовски
Со уредно платени комуналии за куќите жителите на четири улици, кои припаѓаат на Општина Чучер-Сандево, иако се многу поблиску до...
Путин постави клучен услов за завршување на војната, Зеленски го отфрла
Рускиот претседател, Владимир Путин, вчера изјави дека ќе ја запре офанзивата во Украина само ако Киев се повлече од териториите...
Трамп со драстична мерка: „Трајно ја забранувам миграцијата од третиот свет“
Претседателот на САД, Доналд Трамп, најави драстична мерка – трајно суспендирање на миграцијата од сите земји од третиот свет. Шокантната...
Зеленски: Украинските и американските делегации ќе изработат „формула за мир“ оваа недела
Украинскиот претседател, Володимир Зеленски, денес изјави дека украинските и американските делегации ќе се состанат оваа недела за да ја изработат...
Мицкоски: Ако се жалат судиите со 3-4.000 евра месечни примања, тогаш како им е на дечињата во градинка кои немаат играчки за играње
Реновираме градинки, училишта, цениме дека е поголем приоритет отколку да ги зголемиме платите на судиите и обвинителите. Мислиме дека е...
Поради превенција од свлечиште на Водно надлежните на итна координација
Поради превенција за активирање на свлечиштето на падините на Водно, во близина на улиците „Белградска“ и „Партенија Зографски“, и реалната...
Филков до СДСМ: Груевски има политички азил, се занимавате со циркус, а не со реална работа
Министерот за правда Игор Филков одговарајќи на пратеничко прашање од Миле Талески од СДСМ, зошто не се бара екстрадиција на...
Мицкоски: Главен фокус в година ќе бидат капиталните инвестиции, целта е да дојдеме до раст на БДП над 4 отсто проценти
Премиерот Христијан Мицкоски на денешната седница во Собранието за пратенички прашања истакна дека в година главен фокус на Владата ќе...
Нема да биде екстрадиран: Ацо Боцевски, 28 години по убиството, живее во Грција и издава соби
Солунскиот жалбен совет одлучи да не го екстрадира во Македонија 60-годишниот Ацо Боцевски, познат под прекарот Циганот, осуден на повеќегодишна...
(Видео) Тешка сообраќајна несреќа во Србија: четири лица загинаа во судир на комбе и работна машина – валјак
Во тешка сообраќајна несреќа што се случи рано утрово, околу 6:20 часот, на патот помеѓу Ириг и Рума во Србија,...
(Видео) Сообраќајна несреќа во центарот на Скопје: пешак удрен од автомобил пред гимназијата „Јосип Броз-Тито“
Во текот на вчерашниот ден на улицата „Димитрие Чуповски“ пред гимназијата „Јосип Броз Тито“ во центарот на Скопје се случи...
Суспендирана миграцијата од Авганистан во САД откога Авганистанец застрела припадници на Националната гарда во близина на Белата куќа
Двајца припадници на Националната гарда на Западна Вирџинија се во критична состојба откако вооружен човек отвори оган врз нив во...
(Видео) Нови податоци: најмалку 55 лица загинаа во пожарот во облакодер во Хонг Конг
Бројот на жртви од катастрофалниот пожар што зафати станбен облакодер во Хонг Конг се искачи на најмалку 55, потврди противпожарната...
Двајца гардисти застрелани во близина на Белата куќа; Трамп: Животното што го изврши злосторството ќе ја плати највисоката цена
Двајцата војници на американската Национална гарда кои беа застрелани во близина на Белата куќа во среда се во критична состојба,...
Девојка убиена, млад маж повреден во напад на ајкула во Австралија
Една жена загина, а еден маж е сериозно повреден во напад од ајкула во близина на популарно место за сурфање...
Хамас побара евакуација на своите борци што останаа заробени во тунелите
Палестинската екстремистичка група Хамас ги повика земјите-посредници да извршат притисок врз Израел да им дозволи на десетици нејзини борци да...
