Свет
Ахмадинеџад им нуди помош на САд да излезат од изолација

Иранскиот претседател Махмуд Ахмадинеџад во петок му испрати писмо на својот американски колега Барак Обама, во кое му вели дека Иран е единствената опција за успех на претседателството на Обама, пренесува CNN
„Единствениот начин Обама да остане на власт и да биде успешен е соработката со Иран. Мина времето кога САД можеа да му наштетат на Иран“, порачува Ахмадинеџад и додава дека не е Иран во изолација, туку САД.„Не ни требате ништо да сторите за ние да излеземе од изолацијата, туку ние сакаме да ви помогнеме вам да излезете од меѓународната изолација. Некогаш САД беа на врвот на својата слава. Сега пропаѓаат. Имаат многу економски и културни проблеми. Имаат безброј безбедносни проблеми ширум светот, а нивното влијание во Ирак и во Авганистан исчезнува“, тврди Ахмадинеџад. Тој вели и дека Америка сака да доминира со Блискиот исток, но тоа нема да може да го стори без Иран. „Во писмото му порачав дека промената на врвот во САД е добродојдена за Иран, но ние нема да прифатиме површински промени“, вели Ахмадинеџад, мислејќи на односите на САД со Израел. Во 2006 година, Ахмадинеџад му пиша писмо и на тогашниот претседател Џорџ Буш, во кое предложи „нови начини“ за да се прекине застојот во односите предизвикан од иранската нуклеарна програма. Тоа беше прва јавно признаена комуникација помеѓу лидери на двете земји од 1980 година наваму, непосредно по успехот на исламската револуција и протерувањето на иранскиот шах Реза пахлави во 1979 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Папата Франциско: Болеста ми помогна појасно да ја видам апсурдноста на војната

Папата Франциско, кој беше хоспитализиран поради пневмонија, преку писмо повика на прекин на војните и на дипломатски решенија за конфликтите.
Во писмото до весникот „Кориере дела сера“ папата рече дека неговата долга болест му помогнала да му стане уште појасна апсурдноста на војната и го обновил својот повик до дипломатијата и меѓународните организации да најдат нова виталност и кредибилитет.
Папата укажа и на важноста на зборовите велејќи дека „мора да ги разоружаме зборовите, да ги разоружаме умовите и да ја разоружаме Земјата“. Претходно денеска, Бакингемската палата потврди дека кралот Чарлс ќе се сретне со папата Франциско меѓу 7 и 10 април и покрај болеста на католичкиот водач.
Папата (88) беше примен во римската болница „Гемели“ на 14 февруари со тешка респираторна инфекција и оттогаш не е виден во јавноста, пренесува „Танјуг“.
Регион
Во хрватскиот Сабор едноминутно молчење за загинатите во Македонија

Хрватскиот Сабор, денеска, со едноминутно молчење им оддаде почит на 59-те лица што завчера загинаа во пожарот во Кочани, Македонија.
„Загубени се многу млади животи и во име на хрватскиот Сабор сакам да изразам сочувство до семејствата на жртвите и да им посакам брзо закрепнување на повредените“, изјави претседателот на Собранието, Гордан Јандроковиќ.
Во пожарот што завчера избувна во „Пулс“ во Кочани загинаа 59 млади лица, а повеќе од 150 се повредени.
Свет
Кремљ го објави времето за почеток на разговорите Трамп – Путин

Кремљ потврди дека телефонскиот разговор меѓу Владимир Путин и Доналд Трамп ќе се одржи денеска, со почеток во 14 часот по македонско време (16 часот по московско време).
Американскиот претседател пред телефонскиот разговор со Путин изјави дека многу елементи од мировниот договор во Украина се веќе договорени со неговиот руски колега.
Во своето ноќно обраќање во понеделникот украинскиот претседател Володимир Зеленски го обвини Путин за продолжување на војната. „Овој предлог можеше одамна да се спроведе“, рече тој додавајќи дека „секој ден во време на војна значи човечки животи“.