Свет
Уапсени четири лица во врска со нападот на Тајмс сквер

Пакистанските власти уапсиле најмалку четири лица под сомневање дека соработувале со Фејсал Шахзад, кој е обвинет за неуспешниот обид да крене во воздух автомобил-бомба на њујоршкиот Тајмс сквер на 26 март
Еден од приведените е син на сопственик на кетеринг компанија, која доставува храна за елитни криленти, вклучително и амбасади, пренесуват светските агенции повикувајќи се на локалните меиуми.Американската амбасада во Исламабад се сомнева дека компанијата одржува врски со терористи. Според висок пакистански претставник, засега не е утврдено дали приведените биле директно вовлечени во планот на атентаротот.Триесетгодишниот Фејсал Шахзад, натурализиран Американец роден во Пакистан, подигна обвинение за обид за употреба на оружје за масовно уништување и обид за убивање и ранување лица во САД. Тој е обвинет дека во саботата навечер ја донел бомбата од домашно производство направена од бензин, гас пропан, пиротехники средства на Тајмс сквер.Тој во февруари годинава се вратил во САД по петмесечен престој во Пакистан, а во изјавата пред судот навел дека престојувал кај неговите родители. Постојат сомневања дека таму стапил во контакт со Ал Каеда или со талибаните.Фејсал Шахзад, беше уапсен на њујоршкиот меѓународен аеродром „Џ.Ф. Кенеди“ пред да одлета за Дубаи. Како што било наведено во документацијата дадена пред судот, тој изјавил дека самиот ја подготвил аматерската експлзоивна направа и ја довезол на познатата туристичка дестинација во Њујорк.Пакистанските власти во вторникот во Карачи уапсиле едно лице за кое се сомневаат дека е поврзано со неуспешниот атентат на њујоршки Тајмс сквер, изјавиле разузнавачки извори. Денеска пакистански разузнавачки извори соопштија дека имаат индициите дека Шахзад не дејствувал сам, а медиумите шпекулираат дека во врска со овој неуспешен напад е уапсено уште едно лие во Карачи.Пакистанските талибани уште во неделата ја преземаа одговорноста за обидот за крвав бомбашки напад на њујоршкиот Такмс сквер, со изјава објавена на исламистичка интернет страница . Во изјавата на Терик-е-Талибанк, како што се нарекуваат палестинските талибани, беше наведено дека обидот за бомбашки напад бил одмазда за убиството на двајца исламисти и муслимански маченици.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Макрон: Иднината на Украина не може да се одлучи без Украинците

Само неколку дена пред планираната средба меѓу рускиот претседател Владимир Путин и американскиот претседател Доналд Трамп, францускиот претседател Емануел Макрон нагласи дека Украина мора да биде вклучена во сите разговори за нејзината иднина.
„Иднината на Украина не може да се одлучи без Украинците, кои се борат за својата слобода и безбедност повеќе од три години“, напиша Макрон на X.
„Бидејќи и нивната безбедност е во прашање, Европејците исто така мора да бидат дел од решението, рече тој.
Макрон претходно разговараше по телефон со украинскиот претседател Володимир Зеленски, германскиот канцелар Фридрих Мерц и британскиот премиер Кир Стармер, напиша тој.
По разговорот со Макрон, Зеленски напиша на X: „Украина, Франција и сите наши партнери се подготвени да работат што е можно попродуктивно за вистински мир“.
Трамп треба да се сретне со Путин во Алјаска во петок. Според „Волстрит џурнал“, Путин бара целосна руска контрола врз источните региони на Украина, Донецк и Луганск, што Зеленски категорично го отфрла.
Свет
Ердоган за Газа: Одлуката на Израел е неприфатлива, поддршката за Палестина продолжува

Одлуката на Израел да преземе воена контрола врз Газа е апсолутно неприфатлива, му рекол турскиот претседател Реџеп Таип Ердоган на палестинскиот претседател Махмуд Абас во телефонски разговор, пренесува Анадолу.
Според турската Дирекција за комуникации, тие разговарале за израелските напади врз Газа и за најновите случувања во регионот.
За време на разговорот, Ердоган повторил дека Турција ќе продолжи да стои зад Палестина.
Нарекувајќи ги изјавите на Франција, Велика Британија и Канада за можното признавање на палестинска држава достојни за внимание, Ердоган го истакна растечкиот бран критики кон Израел на Западот и додаде дека Турција ќе продолжи со своите напори за мир во регионот.
Свет
Идентификувани останките од три жртви од нападите на 11 септември

Останките од три жртви од нападите на 11 септември се идентификувани благодарение на напредокот во ДНК технологијата.
Службениците во четврток објавија дека ги идентификувале останките на 26-годишниот трговец со валути Рајан Д. Фицџералд, 72-годишната пензионирана директорка на непрофитна организација Барбара А. Китинг и уште една жена, чие име се чува во тајност на барање на нејзиното семејство.
Останките се идентификувани преку подобрено ДНК тестирање на останките пронајдени во урнатините по нападите на 11 септември 2001 година, соопшти канцеларијата на медицинскиот испитувач во Њујорк. Останките на Китинг и жената, чиј идентитет не е објавен, се пронајдени во 2001 година, а останките на Фицџералд се пронајдени следната година.
Китинг се враќала дома во Калифорнија со летот на „Американ ерлајнс“ кога членови на Ал Каеда го киднапирааа и намерно го удрија во северната кула на Светскиот трговски центар. Парче од нејзината банкарска картичка било пронајдено во остатоците.
Во нападите од 11 септември, два авиона се урнаа во Кулите Близначки во Њујорк, трет се урна во Пентагон, а четвртиот се урна во Пенсилванија. Вкупно 2.977 луѓе загинаа, од кои 2.753 во Њујорк. Околу 1.100 жртви остануваат неидентификувани, соопшти канцеларијата на медицинскиот испитувач.
Во 24-те години од терористичките напади, нови останки се идентификувани благодарение на напредокот во технологијата.