Свет
Седумдесет загинати во напади на две џамии во Пакистан
Припадниците на специјалните полициски сили на успеале да се пробијат во две џамии и на муслиманската секта „ахмадии“ кои беа заземени од вооружени лица, јавила пакистанската национална телевизија
„Најмалку седумдесет луѓе загинаа“, изјавил во телефонски разговор за AFP, Саџад Бута, највисок претсавник на Лахоре кој има осум милионско население. Според информации од полициски извори, специјалците успеале да ја ослободат едната џамија по двочасовна борба, додека во втората се уште имало група милитанти која давала отпор а се претпоставува дека имаат и заложници, пренесува AFP. Во текот на престрелките се убиени најмалку 70 лица, од кои еден е напаѓач, додека двајца негови соборци биле живи заробени. На заробените биле откриени самоубиствени експлозивни појаси, пренесува Reuters.Претходно во петок, група добро вооружени милитанти со гранати нападнала две џамии кои ги посетуваат припадниците на сектата „ахмадии“ во Лахоре, додека во нив верниците се молеле. Потоа влегле и земале заложници. Според очевидци на локалните медиуми, во двете џамии за време на традиционалната петочна молитва имало околу две илјади луѓе.„Нема сомневање дека зад овој напад стојат групи кои се поврзани со талибаните, највероајтно локалната група Лашкар-е Џангави“, изјавил за РИА Новости по телефон, познатиот пакистански политички аналитичар и политиколог Аслам Догар.Во Пакистан се активни неколку сунитски терористички групи кои се залагаат Пакистан да стане држава во која ќе се почитува сунитскиот „правоверниот ислам“. Тие често преземаат крвави напади врз припадниците на другите муслимански секти, како пшв овој случај против „ахмадиите“. Во последните неколку години, ове групи воспоставија блиски врски со талибаните а најверојатно и со терористичката мрежа Ал Каеда.Една од најпознатите милитантни групи во Пакистан е Лaшкар-е Џангави (Војската на Џангави во превод), која е именувана во чест на еден од најпознатите сунитски радикали во земјатаСектата „ахмади“, во некои источни извори позната и како „кадиани“ или „ахмадија“, има почетоци во областа Пенџаб од крајот на 19-от век а за нејзин основач се смета Мирза Ахмад Ѓулам кој се обидувал да изгради верско движење кое ќе почива на синкретичката доктрина која нема да им се обраќа само на муслиманите, туку и на претставнциите на другите религии. Според различни проценки, денес оваа секта има четири милиони припадниц во 170 милионскиот Пакистан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Полска: Времето за разговор со Путин ќе дојде, но не сега
Полска предупреди дека Европската Унија не треба избрзано да ги обновува дипломатските канали со рускиот претседател Владимир Путин, нагласувајќи дека секој иден контакт со Москва мора да се води исклучиво преку институциите на Унијата.
Полскиот министер за надворешни работи Радослав Сикорски изјави во Брисел дека ЕУ веќе има јасна контакт-точка со Русија преку високата претставничка за надворешна политика Каја Калас и дека не треба да се создаваат нови механизми или посредници кои би можеле да го ослабат притисокот врз Кремљ.
„ЕУ веќе има свој глас. Тоа е Каја Калас“, рече Сикорски, додавајќи дека секој разговор со Москва мора да биде цврсто втемелен во заедничката политика на ЕУ, а не во иницијативи на поединечни земји.
Тој оцени дека „времето за разговор со Путин ќе дојде, но тоа не е денес“, предупредувајќи дека Европа не смее да наседне на, како што рече, триковите на Кремљ.
Дебатата се отвори откако францускиот претседател Емануел Макрон и италијанската премиерка Џорџа Мелони ја споменаа можноста за обновување директни комуникации со Москва, речиси четири години по почетокот на војната во Украина.
Фото: Depositphotos
Свет
Руски научници открија голема коронална дупка на Сонцето
На Сонцето се формира голема коронална дупка, според најновите податоци од Лабораторијата за сончева астрономија на Институтот за вселенски истражувања на Руската академија на науките и Институтот за соларно-терестријална физика, објавија денес руските медиуми.
Според податоците на таа лабораторија, дупката е висока околу еден милион километри, објави агенцијата Интерфакс.
Како што е наведено, појавата на бројни коронални дупки на Сонцето започнала во првите месеци од минатата година, веднаш по врвот на сончевиот циклус што се случил помеѓу октомври и декември 2024 година.
Ова доведе до зголемување од 60 проценти на бројот на магнетни бури минатата година, соопштија научниците.
„Севкупно, зголемувањето на бројот на магнетни бури би можело да продолжи уште најмалку две години, приближно до 2028 година, по што треба да започне брзо опаѓање на сите видови сончева активност, што би довело до сончев минимум околу 2029 и 2030 година“, се наведува во извештајот на лабораторијата, пренесе руската агенција Танјуг.
Регион
Вучиќ: Не ја напаѓам ЕУ, туку ја штитам Србија, нема да бидеме понижени
Претседателот на Србија, Александар Вучиќ, денес изјави дека е сигурен дека Србија ќе најде решение и ќе го забрза патот кон ЕУ, додавајќи дека не ги бојкотира членовите на Европскиот парламент, туку дека тие покажале големо непочитување кон земјата.
„Ја повикувам претседателката на Собранието повторно да го отвори дијалогот со невладиниот сектор, да разговараме за сè што е добро за земјата. Секако, не правете го она што директно е во спротивност со интересите на Србија, и тоа е мое барање“, изјави Вучиќ за „ТВ Пинк“.
„Мојот повик до г-ѓа Брнабиќ е да го повтори тој процес, да ги вклучи сите во тој процес“, додаде Вучиќ и нагласи дека се надева дека ќе се најде решение.
Запрашан за европратениците кои рекоа дека доаѓаат во Србија, иако разговорите со српските претставници не беа соодветно најавени, Вучиќ рече дека го бојкотира само Тонино Пицула.
„Ниту нè прашаа дали се добредојдени, ниту ни ги соопштија датумите, ќе беше убаво да прашаа дали претседателот е тука, а пред еден месец го закажаваа тоа. Не направија ништо од тоа, туку рекоа „тогаш ќе стигнеме“, а јас сè се договорив во Давос пред пет месеци“, истакна Вучиќ.
Во исто време, ги праша европратениците зошто не покажаа почит кон неговата земја, додавајќи дека тие, заедно со блокадерите, не сакаат дијалог.
„Ние сме на европскиот пат, но нема да бидеме понижени од некои европратеници, а моја работа е да го спречам тоа“, рече Вучиќ.
Тој истакна дека е единствениот од регионот што е почестен и дека е најавен на бизнис форумот во Давос на исто ниво како и светските лидери.
„Сите доаѓаат во Давос и сите сакаат да бидат слушнати, а пред сè сакам да слушам и да присуствувам на сите настани што се организираат. Обично само еден претседател е таму цел ден, а тоа сум јас, од рано наутро до вечер, бидејќи немаме пари да плаќаме за скапи хотели. Се наоѓаме на околу 20 километри од центарот на настанот“, рече Вучиќ.

