Израел почна да шири информации дека израелските командоси од единицата „Шајетет 13“, која се качи на бродот „Мави Мармара“ ноќта на 30 мај биле вооружени само со „пеинтбол“ пушки, тогаш Израелците сериозно го потцениле отпорот, анализира институтот STRATFOR

Тука се отвораат две прашања. Како прво, STRATFOR до сега нема слушнато дека „пеинтболот“ се трансформирал од тренинг муниција (за што исклучително многу се користи) во оперативно корисна несмртоносна технологија, како што се гумените куршуми. Она што е клучно за тоа дали еден вид на муниција може да кутне напаѓач или не е составот на муницијата и силата која го исфрла, а „пеинболот“ во тој поглед е далеку зад другите проектили кои веќе се на располагање. И дури и да биле употребени „пеинтбол“ пушки, многу е необично Израел да донесе одллука да испрати командоси на толку густо наполнет брод (на „Мармара“ се наоѓале преку 600 активисти) со недокажана или одвај докажана технологија, особено ако се земе предвид дека Израел е земја со огромно искуство токму во вакви ситуации на контролирање на голема толпа луѓе. Но, многу поважно од тоа дали има вистина во овие тврдења е тоа за што оваа информација се залага. Израелците, кои редовно мораат да се справуваат не само со про-палестински активисти, туку и со Палестинците и со тврдокорните еврејски доселеници, се многу свесни и за предизвиците на справување со непријателски цивилни толпи и за тоа како таквиот судир може да биде изманипулиран за јавна консумпција. Но, да се тврди дека високоценета израелска единица за специјални операции се качила на брод со околу 600 активисти, подготвени за ваква разврска и при тоа се вооружиле само со „пеинтбол“ пушки и боева муниција само за полуавтоматските пиштоли, а сепак некако успеале да убијат 20 луѓе и да ранат уште многу други (иако и бројката на жртвите е многу спорна), некако не делува многу веродостојно. Можно е овие тврдења и да се во суштина вистинити и Израелците темелно да го потцениле отпорот на кој ќе наидат, што е многу тешко да се поверува со оглед на израелското искуство со вакви ситуации. Не е можно Израелците да не знаеле дека на брод полн со лабаво поврзани активисти кои доаѓаат од сите страни на светот, мора да има и такви кои се подготвени насилно да им се спротивстават на израелските војници.Израел, всушност,со тврдењето дека припадници на таква прочуена единица како „Шајетет 13“ отпочнале операција вооружени со „пеинтбол“ пушки се обидува да го намали ефектот на палестинската медиумска кампања, со која се тврди дека заземањето на бродот било злобен напад на невоооружени цивили, со што ќе се изгуби пропагандната вредност на кампањата.Целата ситуација беше покрената со намера да се предизвикаат далекусежни геополитички последици. Про-палестинските активисти многу јасно фрлија мамка за Израелците да претераат со реакцијата и, ако се суди според реакцијата на медиумите, на улчичните демонстранти, на политичарите од Европа, Турција и од Блискиот исток,успеаја во тоа. Но, последната поента која вреди да се спомене е дека, земено предвид веќе споменатото израелско искуство со ваквите ситуации, ова не е суштинската намена на единицата „Шајетет 13“: тие се специајлизирани за многу поагресивни операции на заземње на многу понепријателски бродови и затоа цивилниот отпор не е токму нејзиното поле на експертиза. Обидот да се искористи на неубиствен начин една од поубиствените единици на израелското Министерство за одбрана, можеби придонесе кон избувнувањето на насилството, но што и да се случило, јасно е дека овие командоси биле фрлени во многу лоша тактичка ситуација.