Свет
Хамас и натаму поставува услови за влез на помошта во Газа

Палестинската организација нема да дозволи влез на продуктите кои Израел ги заплени од хуманитарниот конвој кој се обиде да ја мине тригодишната поморска блокада на појасот Газа, се додека не бидат исполнети одредени услови
Ахмед ал-Курд, министер за социјални прашања во владата на Хамас кој ја има управата во Газа, изјавил дека Израел мора да ги ослободи сите активисти од бродовите и потоа да ја достави запленетата помош, и тоа не само дел туку целата. Тој ја обвинил израелската држава дека ги задржал батериите за инвалидските колички и тони цемент. Според Тал Авив, градежните материјали се едни од работите што не смеат да се внесат во палестинските енклави во Газа. Но, ал-Курд вели дека бидејќи Турција го органзирала конвојот со хуманитарна помош, таа треба да реши дали продууктите ќе влезат во Газа. лот Претходно, претставникот на израелските власти, Ги Инбар изјавил дека осум камиони натоварени со продуктите од бродовите се наоѓаат на преминот Карем Шалом и дека чекаат за влез во појасот Газа. Инбар го демантирал тврдењето на ал-Курд дека Израел запленил некои од стоките на бродовите, пренесува AFP.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Румен Радев: Бугарија може да прифати уште повредени од Кочани

Претседателот на Бугарија, Румен Радев изрази сочувство до роднините на загинатите во Кочани, пренесе БГНЕС.
Шефот на Бугарија се потпиша во книгата на жалост во Амбасадата на Република Северна Македонија.
Тој најави дека Бугарија може да прифати повеќе пациенти доколку на Скопје му треба поголема медицинска помош.
„Бугарија е подготвена и ќе продолжи да помага за се што е потребно. Во моментов чекаме македонската страна да одлучи дали има потреба од преземање на уште 10 жртви од трагедијата. „Спартан“ и медицинските екипи се во готовност, па ќе пружиме помош“, најави Радев.
Оваа трагедија покажува дека луѓето од двете страни на границата можат и мора да се потпираат еден на друг, но не само во вакви денови како денешните, туку заради нашата заедничка европска иднина, заклучи претседателот на Бугарија.
Денеска е Ден на национална жалост во спомен на загинатите во пожарот во дискотеката „Пулс“ во Кочани. Животот го загубија 59 лица, над 155 се повредени.
Регион
Објавена е нова снимка од уривањето на настрешницата во Нови Сад

Во моментот кога се урна настрешницата на железничката станица во Нови Сад, при што загинаа 15 лица, во главното фоаје имаше околу 35 луѓе кои чекаа да купат билети или чекаа воз. Никој од нив не е повреден, според снимките од надзорните камери кои ги објави Форбс Србија.
На снимката се гледа дека главното лоби не било градилиште само на хартија, со оглед на тоа што барањето за работа на објектот било потврдено дури на 16 октомври 2024 година. Тоа било навистина градилиште бидејќи патниците стоеле во зграда каде што се уште се работи, пишува Форбс Србија.
Како што може да се види на снимката која е објавена, новоизградената галерија не била отворена за патниците и другите посетители на станицата во моментот на уривање на настрешницата. Преку скалите беше поставена карактеристична темнозелена градежна фолија. Исто така, се гледа дека недостасува дел од оградата на скалите на новата галерија.
Покрај тоа, значителен дел од фоајето беше заграден со лента, а на подот имаше и градежна фолија. Тие се показател дека се уште се работи и дека овие делови од зградата не биле достапни за патниците. Пример за работа во тек дури и во моментот на уривање на настрешницата е скелето поставено во близина на лифтот. Овој лифт, наменет првенствено за лицата со посебни потреби, заедно со галеријата беше една од новите функции во фоајето, се додава во текстот на Форбс Србија.
Како што може да се види на снимката, патниците различно реагирале на несреќата. Со оглед на големата тежина на бетонската конструкција на настрешница, имаше силно движење на воздухот и се подигна голема количина прашина. Ова ги исплашило некои патници, па побегнале. Од друга страна, имаше и такви кои немо гледаа, но и такви кои останаа во ред за влезници.
Повеќето од нив по 15 до 20 секунди набрзина го напуштиле фоајето. Во останатиот дел од снимката, до која имал пристап Форбс Србија, може да се види дека некои вработени во станицата се обиделе да им помогнат на оние кои се нашле под настрешницата. Од внатре се обиделе да стигнат до повредените.
Исто така, на снимката се гледа дека меѓу првите во главното лоби пристигнале градежни работници. Не е јасно од кој дел од зградата дошле, освен што се симнале по скалите од катот погоре, каде што се наоѓаат платформите. Сепак, ова може да биде уште еден показател дека се уште се работи во зградата. Многу брзо, по само една минута, во главното фоаје се појавија првиот полицаец и двајца обезбедувачи. Набрзо пристигнала брзата помош и други полицајци.
Македонија
Клиничкиот центар во Србија ја соопшти состојбата на пациентите од пожарот во Кочани

Вчера во Ургентниот центар на КЦС во пожарот што избувна во дискотеката во Кочани пристигнаа осум посериозно повредени пациенти, што изнесува вкупно 17. За нивната состојба утрово во изјава говореше Милан Стојичиќ, директор на Клиниката за пластична и реконструктивна хирургија, КЦС.
– Сите пациенти имаат сериозни повреди опасни по живот. Од осумте, тројца се на респиратор, што значи дека им е потребна механичка вентилација. Површината на телото погодена од повреди на изгореници се движи до 25%. Нагласувам дека имаат симптоми на интоксикација и изгореници на дишните патишта и затоа се опасни за живот. По приемот се започна со дијагностички и терапевтски процедури. Од осуммина, седум се лекувани во услови на операциона сала – изјави Стојичиќ за РТС.
Во тек се и консултации со неврохирурзи, ОРЛ специјалисти, пулмолози, како и радиолошки прегледи.
– Сите беа згрижени во текот на ноќта, тие се стабилни, со стабилни витални параметри. Што се однесува до пациентите оперирани претходниот ден, тие се хемодинамски стабилни, нивниот третман продолжува, што секако ќе потрае долго – потенцира овој лекар.
Објасни дека некои пациенти ќе бидат подложени на операција. „Денеска продолжува нивното лекување во операционите сали и планот е да бидат оперирани во наредните денови.
– Некои ќе се третираат конзервативно, други оперативно. А тој хируршки третман веќе е планиран за утре или задутре. Детални информации ќе имаме денеска бидејќи денеска проценуваме кои се кандидати за хируршки третман. А доколку има потреба од донатори на кожа ќе ве информираме за тоа – изјави Стојичиќ.