Свет
Шел евакуираше 300 луѓе од платформа во Мексиканскиот залив

Околу 300 работници на нафтената компанија Shell се евакуирано од нафтена платформа во Мексиканскиот залив заради приближувањето на тропската бура Алекс, јави Reuters повикувајќи се на соопштение од компанијата
Како што е наведено во соопштението на компанијата, евакуацијата на 300-те работници нема драстично да се одрази врз количеството на транспортираната нафта. Нафтените компании од Мексиканскиот залив снабдуваат околу четвртина од вкупното количество потребно за САД во нафта и 11 отсто од потребите од природен гас. Првиот во сезоната на урагани во 2010 г. нарешени и тропски бури се формираше минатата сабота во Атлантикот во регионот на полуостровот Јукатан, кој ги дели Карибското Море и Мексиканскиот залив.Стручњаците од Центарот за прогнозирање урагани при Националната хидрометеоролошка служба на САД National Hurricane Center) во Мајами засега на новата бура и го дадеа името „Алекс“ Како што пренесува порталот на CNN, бурата може многу лошо да влијае врз еколошките состојби во Мексиканскиот залив каде веќе два месеца BP безуспешно се обидува да се справи со истекувањето на нафта од морското дно откако се запали и потона нејзината нафтена платформа. Американските синоптичари и екологисти страхуваат дека поради големите бранови на брегот од сојузната држава Флорида може да дојде до обновување на приливот од загадени вода и нафтена и да се зголеми површината на нафтената дамка во Мексиканскиот залив.Сезоната на урагани во Атлантикот официјално почнува на 1-ви јуни. Називот тропска бура се дава кога ветровите што ја придружуваат дуваат со брзина од 62 километри на час. Бурата станува ураган кога брзината на ветровите ќе надминат 119 километри на час, а според карактеристиките и категоризацијата им се даваат имиња како што е сега „Алекс“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Мајка и очув во Србија малтретирале 7-годишно девојче, гаселе цигари од неа

Маж и жена се уапсени во белградското предградие Палилула под сомнение дека извршиле насилство врз седумгодишно девојче.
„Нова.рс“ јавува дека надлежното обвинителство наредило С. Д. (24) и К. А. (36) да се задржат во притвор поради сомнение дека заедно извршиле семејно насилство. Набргу ќе бидат слушнати, а српските медиуми утринава објавија дека тие се мајка и очув на малтретираното девојче.
Насилството го пријавила мајката, а кога полицијата пристигнала во нивната куќа, го затекнала девојчето во многу лоша психичка и физичка состојба. Таа имала повреди на целото тело, од кои некои наводно биле предизвикани од гасење цигари на кожата.
Родителите се уапсени на самото место, а детето е пренесено на Ургентниот центар во Белград, каде што му биле констатирани тешки физички повреди, по што е пренесено во Заводот за мајка и дете. Истрагата е во тек.
Регион
Ученичка во хрватско училиште се заканувала со масакр, направила список: „Ќе добиеш куршум во челото“

Во Славонија се појави видео на кое се гледа како ученичка од осмо одделение се заканува дека ќе ги убие своите соученици и составува список на ученици, кои биле цел, дознава „24 седам“.
Здравствениот инспекторат на Министерството сѐ уште го разгледува досието на напаѓачот во загрепското училиште.
Ученичката се фотографирала со пиштол, се заканувала на социјалните мрежи, децата ги нарекувала „Непалци“ и се заканувала со крвопролевање. Наводно било иритирана што тој ден некои луѓе ја задевале во автобусот на пат кон училиште.
Училиштето ги известило надлежните, а полицијата обезбедила патрола. Ученичката е привремено суспендирана од настава на седум дена.
Неофицијално, девојчето потекнува од семејство под надзор на Центарот за социјална работа. Училиштето и полицијата сѐ уште немаат официјално соопштение, а во тек е итен состанок на надлежните одделенија.
Свет
Во несреќа за време на фестивал на огнот во Иран загинаa најмалку 21 лице, повредени над 6.000 луѓе

Најмалку 21 лице загина, а 6.419 се повредени за време на прославата на иранскиот огнен фестивал „Чахаршанбе Сури“.
Фестивалските прослави почнаа синоќа со огнови, пиротехнички средства, па дури и рачно изработени експлозивни направи. И покрај предупредувањата на полицијата дека ќе користат беспилотни летала за следење на употребата на пиротехника, во инцидентите се забележани неколку смртни случаи.
Иранската итна медицинска помош објави дека 21 смртен случај се регистрирани во Иран, а 6.419 повредени лица побарале лекарска помош. Меѓу повредените, 18 лица се во тешка состојба, а најмногу инциденти се регистрирани во Техеран, источен и западен Азербејџан.
„Чахаршанбе Сури“ се слави во последната среда вечерта пред Новруз, персиската Нова година, што го означува доаѓањето на пролетта.
Популарен меѓу децата и младите, настанот вклучува прескокнување оган, огномети и рачно изработени експлозиви, кои често предизвикуваат сериозни несреќи. Секоја година прославите и подготовките резултираат со десетици смртни случаи и илјадници повредени во Иран.