Бројката жртви од несреќата на најголемата техно журка во германскиот град Дуизбург се зголеми на 20 лица а бројката повредени што ја соопштија локалните власти изнесува 512, пренесе Reuters

Оваа информација за медиумите ја соопштила премиерката на федералната држава Северна Рајна-Вестфалија, Ханелоре Крафт. Претходно беше соопштено за 19 загинати и 340 повредени. Во последниот извештај се додава и дека 43 учесници на манифестацијата која викендов собра 1,4 милиони посетители од целиот свет се наоѓаат во критична состојба.Нациоанлноста и полот на последната жертва не се соопштени а досеа беше објавено дека загинаа 11 жени и осум мажи, од кои седум се странци, две лица од Шпанија и по една од Австралија, Босна и Херцеговина, Кина, Италија и Хоалндија. Причина за стампедото според досегашните извештаи е паниката која се јавила во тунелот кој водел до старата железничка станица во градот каде се одржуваше годинешново издание на Love Parade кога лицата кои работеле на фестивалот го затвориле излезот на тунелот, кој води кон локацијата каде се одржувал настанот, затоа што  бил преполн. Влезот на тунелот меѓутоа не бил затворен и луѓето продолжувале да влегуваат во него..Авторот на идејата за Парадата, познатиот диџеј Доктор Моте, целата вина ја префрлил на организаторите на манифестацијата. Организаторитет на манифестацијата објвија во недела дека саботното издание на најголмиот фестивал на техномузиката е последно.Традицијата на оваа манифестација која ќе ги собира младите и љубителите на музиката почна во 1989 г. во Берлин кога во тогаш Западен Берлин се собраа 150 поклоници на техно музиката.„Парадата на љубовта’ или Love Parade се одржува од 1989 г. и е најголемата светска техно журка,  почната како демонстрација за мир, толеранција и разбирање низ љубов и музика. Од 1989 г. до 2006 г. се одржуваше секоја година во Берлин, пред да се пресели во Рурската област во 2007 г. Најголем број на учесници е забележен во 1999 г. кога учествувале 1,5 милион луѓе.Во 1990-те парадата беше сметана за најголема берлинска атракција која привлекуваше многу туристи од цел свет и ја промовираше германската престолнина како најпривлечно место за младите.Секоја година повеќе од милион учесници се собираат од цел свет во поворка која е долга повеќе километри на која се танцува, но се употребува и алкохол и недозволени супстанци, како што се екстази, кокаин и амфетамини. Групите за заштита на околината бараа од организаторите во Берлин бараа поставување огради за да не се уништуваат цвеќињата и дрвјата, но организаторите одбија затоа што сметаа дека тоа претставува опасност за учесниците на манифестацијата. Парадата се пресели од Берлин, откако започна спорот за дозволите за одржување и обврските на организаторите.