Свет
Единаесет мртви во судир на мексиканската војска со наркобандите

На север од Мексико во четвртокот доцна навечер дошло до жестока пресметка меѓу припадници на мексиканската армија и членови на локалана банда на нарко картел во која биле убиени 11 лица, пренесе AFP
Вооружени мажи стрелале врз воен конвој во градот Сантјаго Папасквиар во сојузната држава Дуранга, соопштила воената команда. Притоа нема податоци за тоа на чија страна се жртвите.Неколку напаѓачи од бандата за кои постои соменвање дека се членови од врвот на нарко картел успеале да побегнат, се додава во армиското соопштение, пренесува агенцијата. Досега во војната меѓу бандите и нарко картелите за превласт во контролирањето на територијата и во нивните судири и напади врз припадници на мексиканскта полиција и војска, загинаа 28 илјади луѓе. Војната беснее отако на претседателската функција стапи Фелипе Калдерон кој им објави војна на наркокартелите ангажирајќи 50 илјади војници како засилување на полицијата.Претседателот Калдерон претходно во четвртокот побара од гувернерите на сојузните мексикански држави поголема поддршка во борбата против организираниот криминал и криумчарите на дроги. Поддршката на сојузната влада на оваа војна против нарко картелите се покажува како недоволна, особено во државите каде гувернерите не и припаѓаат на владејачката партија на Калдерон. Се пожестоката војна и се поголемата бруталност во меѓусебните пресметки, предизвикаа некои мексикански политичари меѓу кои е и поранешниот претседател Винсент Фокс да предложат легалиирање на трговијата со дроги, за да се урнат цените со што би опаднала и големата заработка која е главната причина за крвавите пресметки меѓу бандите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Вучиќ во посета на повредените од пожарот во дискотеката во Кочани

Претседателот на Србија Александар Вучиќ денеска ќе ги посети повредените од пожарот во дискотека во Кочани, соопшти Канцеларијата за односи со медиумите на претседателот на Србија.
Тој ќе ги посети повредените во 15 часот во Универзитетскиот клинички центар на Србија.
Во Србија синоќа од Македонија пристигнале 17 повредени, а се очекува да пристигнат уште 12.
Македонија
Србија испраќа нов авион за транспорт на уште 12 пациенти од пожарот во Македонија

На барање на Владата на Република Северна Македонија, денеска продолжува помошта и евакуацијата на повредените во пожарот во Кочани, соопшти српското министерството за одбрана.
„За целите на медицинска евакуација, уште еден авион на српската армија CASA C-295 со четворица лекари и четворица медицински техничари полета за Северна Македонија. Планирано е 12 пациенти да бидат евакуирани со авион. Потсетуваме дека синоќа 12 пациенти кои беа лекувани во Воено-медицинската академија и Клиничкиот центар на Србија, исто така, се превезени со воздухопловство на Србија“.
Покрај авионот, денеска во Северна Македонија беше испратено и амбулантно возило со медицински тим од Воената болница во Ниш за да ги превезе пациентите кои ќе бидат хоспитализирани во таа болница, пренесуваат тамошните медиуми.
Шест членови на Воено-медицинската академија останаа во Северна Македонија – двајца хирурзи, анестезиолог и двајца медицински техничари – инструментари за да им пружат помош на повредените.
Со авион на српската армија во неделата вечерта во Белград беа пренесени 12 пациенти.
По трагедијата во Кочани, 18 март во Србија е прогласен за Ден на жалост.
Регион
Ден на жалост во Црна Гора поради трагедијата во Кочани: „Толку несреќи на малиот Балкан за кратко време“

Во Црна Гора денеска е Ден на жалост по невидената трагедија во Македонија, кога во пожар во дискотека во Кочани загинаа најмалку 59 лица, а над 100 беа повредени. Знамињата на сите државни институции од утрово се спуштени на половина копје, а граѓаните во неверување по хоророт што се случи.
„Ова е наша братска земја, наша Македонија. Сите овие изгубени животи се огромна тага и огромна трагедија. Толку млади луѓе загинаа. Сето ова многу не погодува, толку многу несреќи на малиот Балкан, за кратко време“, вели за РИНА Ивана Б. од Подгорица.
Парламентот на Црна Гора изрази сочувство до семејствата на жртвите и граѓаните на Северна Македонија.
Сочувство изрази и премиерот Милојко Спајиќ кој изјави дека веста за трагичниот настан ја примил со голема тага.
„Владата на Црна Гора е подготвена да застане покрај пријателскиот народ на Северна Македонија на сите неопходни начини во ова тешко време. Изразувам длабоко сочувство до семејствата на жртвите, а на повредените им посакувам брзо закрепнување. Нашите мисли и молитви се со Северна Македонија“, рече Спајиќ.
Во Србија утре е прогласен ден на жалост по трагедијата во Македонија.