Свет
Њујорк како Скопје – паралелни собири за и против џамијата
Откако скопјани се изнагледаа и изнаслушаа аргументи „за“ и „против“ изградба на црква на централниот градски плоштад, „модата“ ги зафати и њујорчани кои во недела организираа два собира за џамијата во близина на урнатите Кули близначки од Светскиот трговски центар
Приврзаниците и противниците на изградбата на големиот исламски центар со џамија во непосредна близина на местото каде некогаш се издигнуваат кулите на Светскиот трговски центар урнати во терористичкиот напад од 11-ти септември 2001 г. во недела протестираа во центарот на Менхетен. Како што пренесува Reuters, до судир меѓу двете страните во наелектризираната атмосфера не дошло заради бројното полициско обезбедување.Полицијата го одржувала редот, покрај со бројната присутност и со подигнување барикади со што бил спречен блискиот контакт меѓу двете групи. Противниците на изградбата на џамијата на Менхетен носеле блузи со натписи „Не за џамијата“, фотографии од терористичките напади пеејќи го хитот на Брус Спрингстин „Born in the USA“. Како што пренесува CNN, бил забележан и натписот „Не се сите муслимани терористи, но сите терористи беа муслимани“. Според проценките на телевизијата, поборниците за изградба на џамијата ги имало околу 250 додека бројката на противниците е процената на 450. Натписите на транспарентите што ги носеле поддржувачите на изградбата на исламскиот верски центар, главно биле во одбран на уставното право на слобода на вероисповедта. Планот за изградба на исламски културен центар на местото каде во терористичкиот напад за кој се обвинети исламистичките радикали на Ал Каеда загинаа околу три илјади луѓе, поттикна во САД жестока јавна полемика, од која не е поштеден ниту американскиот претседател Барак Обама кој позитивно се изрази за слободата на изградбата на споменатиот центар. Републиканците оваа тема ја употребија за директни напад врз Обама, но неговата изјава не наиде на одобрување и кај неговите демократи, кои пред претстојните избори ќе се борат да ја задржат предноста во Конгресот. Покрај тоа, последните анкети заради искажаниот став на Обама, покажуваат дека се’ повеќе Американци погрешно сметаат дека нивниот претседател е муслиман.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.