Свет
Загина заменик-началникот на руското воено разузнавање

Заменик-началникот на Главната разузнавачка агенција (ГРА) на Генералштабот на вооружените сили на Русија, генерал-мајор Јуриј Иванов, јавија руските агенции
„Пред неколку дена, при капење загина генерал-мајор Јуриј Иванов, рекол изворот на агенциите“, без да ги прецизира околностите и местото каде загинал генералот. Во некрологот, објавено во весникот Краснаја ѕвезда, се вели дека Иванов е роден во градот Волск, Саратовска област.Дипломирал на Киевска виша воена командна школа. Служел во Јужната група војници и во Далечниот воен округ. По завршувањето во 1992 година на воената академија Фрунзе, тој е назначен во Сибирскиот воен округ, каде што бил командант во зоната на конфликтот во Таџикистан. Во 2000 г. завршил Воената академија на Генералштабот на руските вооружени сили, по што извршувал борбени задачи во северен Кавказ.„Пред неколку денови генералот Јуриј Иванов починал додека се капел“, изјавил воен извор за агенцијата РИА Новости, кој не ги прецизирал околностите и местото на смртта на 52-годишниот генерал.Дневиот весник Комерсант на своето онлајн издание наведува дека заменикот директор „трагично починал“.Главната разузнавачка управ (ГРУ) при Генералштабот на руските воени сили е основана во 1918 г. и секогаш беше сметана за противтежа на злогласната тајна советска служба КГБ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Тројца пациенти од Кочани се примени во болница во Варна

Тројца повредени во пожарот во Кочани вчера се примени на Клиниката за изгореници при ВМА-Варна, јави Бгнес.
Тие беа пренесени во Варна со воениот авион Спартан, кој првично слета во Софија, каде што пет пациенти беа сместени во болницата Пирогов.
Бугарија се обврза на лекување на 14 повредени во пожарот во Кочани.
Во пожарот што избувна во дискотека во Кочани животот го загубија 59 лица.
Европа
Русија го објави главниот услов за мировните преговори: „Ќе бараме челични гаранции“

Рускиот заменик министер за надворешни работи Александар Грушко во изјава за рускиот медиум „Известија“ кажа дека Русија во мировните преговори ќе бара гаранции од земјите на НАТО дека нема да ја прифати Украина во својот сојуз, односно дека Украина мора да остане неутрална.
„Ќе бараме челичните безбедносни гаранции да станат дел од овој договор. Една од овие гаранции е неутралниот статус на Украина, односно одбивањето на земјите од НАТО да ја примат Украина во алијансата“, рече Грушко.
Заменик-шефот на руската дипломатија го повтори ставот на Кремљ дека се противи дури и на пристигнувањето војници од земјите-членки на НАТО во Украина како дел од меѓународните мировни сили, откако Франција и Велика Британија изразија подготвеност да испратат свои војници во мировна мисија која ќе го надгледува прекинот на огнот.
„Не е важно под која ознака силите на НАТО пристигнуваат во Украина: било да е тоа Европската унија, НАТО или националниот капацитет. Доколку се појават таму, тоа ќе значи дека тие се распоредени во зоната на конфликтот со сите последици за тие контингенти како страни во конфликтот“, рече Грушко, додавајќи:
„Можеме да зборуваме само за распоредување невооружени набљудувачи, цивилна мисија која ќе го надгледува спроведувањето на одредени аспекти од договорот или механизмите за гаранција откако ќе се постигне договор. Дотогаш, сето тоа е само воздух“, рече тој.
Свет
Медведев се заканува со војна со НАТО: Консултирајте се со Трамп

Поранешниот руски претседател Дмитриј Медведев се закани со војна против НАТО доколку европските земји продолжат да инсистираат на своите планови за испраќање мировни сили во Украина.
Macron and Starmer are playing dumb. Time and again they are told that peacekeepers must be from non-NATO states. No, we will send tens of thousands – just lay it out – you want to give military aid to the neo-Nazis in Kiev. That means war with NATO. Consult with Trump, scumbags.
— Dmitry Medvedev (@MedvedevRussiaE) March 16, 2025
„Францускиот претседател Емануел Макрон и британскиот премиер Кир Стармер ‘се прават глупави’, напиша Медведев на Икс, кој е заменик-претседател на рускиот Совет за безбедност.
„Постојано им се кажува дека мировниците мора да бидат од земји кои не се членки на НАТО“, напиша тој. „Сакате да им дадете воена помош на неонацистите во Киев. Тоа значи војна со НАТО. Консултирајте се со Трамп“, додаде тој.