Свет
Либан мора да го поддржи Хезболах
Сирискиот претседател Асад го повика либанскиот премиер Саад Харири да ја поддржи милитантната исламистичка организација од Либан, Хезболах за да го сочува мирот во својата земја, пренесува Associated Press
Претседателот на Сирија, Башар Асад повикот го упати при нивната средба денеска во Дамаск. Двајцата државници имаа заеднички појадок пред зори, наречен „сухур“, што е последниот оброк пред да изгрее сонцето и да започне забраната за јадење во муслиманскиот свет месец Рамазан.Харири повеќепати го посети Дамаск оваа година, како знак на обновеното сириско влијание во Либан по завршувањето на речиси тридецениското воено присуство во земјата во 2005 година.Познавачите велат дека зачестените посети на Харири се знак за потребата од сириска поддршка , бидејќи неговите западни сојузници се премногу зафатени со домашните проблеми. Сирија ја поддржува Хезболах , која држи голем дел од либанската влада на национално помирување.Минатата недела избија улични борби меѓу шиитските борци од Хезболах и една мала сунитска група, при што загинаа четворица луѓе и повторно се разгоре секташкото насилство во земјата.Денеска попладне Харири треба да раководи со првата средба на новиот комитет формиран за да се изнајдат начини престолнината на Либан, Бејрут, да се ослободи од огромно количество оружје натрупано во децениите минати во воени конфликти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.
Свет
Еден загинат и 11 повредени во руски напад со дронови врз Киев, меѓу нив и дете
Најмалку едно лице загина синоќа, а 11 се повредени во руски напад со дронови врз Киев, соопштија градските власти.
Градоначалникот Виталиј Кличко изјави дека меѓу повредените е тринаесетгодишно момче.
Воената администрација на Киев ги предупреди жителите и на заканата од напад со балистички ракети и ги повика да останат во затворен простор.
Шефот на воената администрација на Кијева, Тимур Ткаченко изјави дека еден човек загинал во нападот, како и дека бројот на повредени не е конечен.

