Свет
Најмалку 15 загинати и 70 ранети во експлозија во Владикавказ
Најмалку четири лица загинаа во експлозија во централниот пазар во Владикавказ, a околу 50 се повредени, соопштија властите на Северна Осетија, пренесе РИА Новости
Според последните информации од Владикавказ, произлезени од изјавата на републичкиот министер за здравство, хоспитализирани биле повеќе 70 ранети лица.Портпаролот на министерството за внатрешни работи на Северна Осетија за руските агенции изјавил дека станува збор за класичен терористички напад со експлозивна направа која била поставена на влезот од централниот пазар во градот. Притоа тој потврдил дека има загинати најмалку 15 лица.Како што пренеува дописникот на агенцијата, имало многу повеќе ранети чија бројка се’ уште не може да се утврди. Полицијата го чистела пазарот од многуте пазарувачи и продавачи, страхувајќи дека е можна и втора подметната експлозија. Овој пазар инаку е еден од најголемите на кој доаѓаат продавачи и купувачи од целиот регион на Владикавказ.На местото на инцидентот пронајдено е обезглавеното тело на бомбашот-самоубиец, кој го активирал експлозивот. Се претпоставува дека во автомобилот имало од 30 до 40 килограми експлозив.Според последните извештаи, инцидент се случил во близина на главниот влез на пазарот каде експлодирала направа со моќност рамна на десет килограми тротил. Агенцијата Интефакс пренесува дека бројката загинати се’ уште не е потврдена и дека има повеќе десетици ранети од експлозијата која се склучила во 11.30 часот по локално време. Полициски извор за агенцијата изјавил дека најверојатно станува збор за експлозивна направа со сатен механизам која се активирала кога на пазарот имало најмногу луѓе. . На местото на нападот пристигнал и претседателот на Северна Осетија, Тајмураз Мамсуров и другите високи републички функционериНајкрвавиот терористички акт на овој пазар се случи во март 1999 г., Тогаш загинаа 52 луѓе а 160 беа тешко ранети. За овој напад кој се случи во буквално истото време како и сега, Врховниот суд на Северна Осетија, осуди четворца напаѓачи, еден на доќивотен затвор, двајца на 23 години и еден на 10 години затвор. На пазарот „Фалој“ исто така во Владикавказ, на 10 ноември 2001 г., загинаа пет лица а повеќе од стотина беа ранети со различни степени на тежина.на повредит.На 28 април 2002 г, во близина на централниот пазар во Владикавказ, во терористички напад животите ги загубија седум лица и неколку десетици луѓе беа повредени.На 6-ти ноември 2008 г, во центарот на главниот град на Северна Осетија се случи силна во близина на влезот на централниот пазар, предизвикана од бомбаш-самоубиец кога загинаа 11 луѓе и 40 беа повредени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Америка и испраќа на Украина скап пакет оружје, откриeно што може да има во него
Веќе во петок, САД би можеле да објават нов пакет оружје за помош на Украина во вредност од шест милијарди долари, објави порталот Политико, цитирајќи неименуван американски функционер.
Според официјални лица, пакетот оружје вклучува контраартилериски радар, тактички возила, пресретнувачи Патриот, беспилотни летала, артилерија, прецизна муниција и системи против беспилотни летала.
На почетокот на неделава Претставничкиот дом на американскиот Конгрес донесе закон за пакет воена помош за Украина, Израел и кинескиот регион Тајван во вредност од 95 милијарди долари, од кои 61 милијарда долари се наменети за помош на Украина.
Лидерот на Демократите во Сенатот Чак Шумер изјави дека оставил порака за украинскиот претседател Володимир Зеленски, која гласи: „Завршивме. Сега – победи“.
„Овој предлог-закон е една од најважните мерки усвоени од Конгресот долго време за заштита на американската безбедност и безбедноста на западните демократии“, рече Шумер.
Регион
Лекари во Загреб вградиле мозочен стимулатор на маж со Паркинсонова болест : „Може да вози велосипед, да плива“
Уште еден голем успех на хрватските лекари. Тим хирурзи во болницата Дубрава прв во овој дел од Европа вгради мозочен стимулатор. Пред еден месец новата технологија ја примил загрепчанец кој поради Паркинсоновата болест речиси станал неподвижен.
„Поентата на таа електрода е што стимулира дел од мозокот и на тој начин ја подобруваме клиничката слика, а батеријата освен што стимулира, купува и информации од тој дел од мозокот што го стимулираме и на тој начин можеме да ги подобриме симптомите“, изјави неврохирургот Фади Алмахарик за RTL.
Во КБ Дубрава изминативе 24 години се врши длабока мозочна стимулација, но првиот пациент беше опериран со оваа најнова технологија на крајот на март. Станува збор за 67-годишен загрепчанец со Паркинсонова болест, кој сега е пуштен на домашно закрепнување.
„Во договор со неврологот, стимулацијата се вклучува, терапијата се намалува, пациентот веднаш по вклучувањето на стимулацијата покажува знаци на моторно подобрување. Беше отпуштен дома на физикална терапија и дополнително прилагодување на стимулацијата“, изјави неврохирургот Марина Рагуж.
Веднаш штом ги отстранивме шевовите по 10 дена, почнавме со стимулација и денес пациентот може да вози велосипед, да плива, да се врати на своето секојдневие“, вели хирургот.
Свет
Русите уапсија двајца нивни војници за грозоморни злосторства
Двајца руски војници се приведени под сомнение дека убиле пет лица во окупираниот дел од областа Херсон. Александар Осипов и Александар Кајгородцев веќе ги признале злосторствата што ги направиле во селата Подо-Калиновка и Абрикосовка, пишува рускиот медиум Ура.ру.
Меѓу жртвите се двајца полицајци и началникот на селото Љубов Тимчак, кој е назначен од Русија. Телото на началникот било пронајдено во средата, а на него биле видливи рани од огнено оружје, оган и експлозивни направи.
Полицијата набрзо добила дојава од заменик началникот на округот Алешински за откривање на уште две изгорени и осакатени тела на маж и жена. Безбедносните сили ги уапсиле осомничените истиот ден, а набрзо се испоставило дека станува збор за руските војници Александар Осипов и Александар Кајгородцев.