Свет
Револверашката младост на Силвио Берлускони
Италијанскиот весник L´espresso во вторник објавува досега непознати фотографии од младоста на актуелниот премиер Силвио Берлускони кој позира додека на неговото работно биро лежи пиштол „магнум-357“
Во 1977 г., во периодот кога е направена фотографијата, сега милијардерот и премиер на Италија, Силвио Берлускони бил амбициозен и перспективен претприемник, а неговата земја живееше во постојан страв од кидnапирања и атентати кои ги изведуваа екстремно левичарските организации од кој најопасна беше Црвените бригади. Фотографиите според весникот се откриени сосема случајно додека деновиве бил расчистуван фотографски дуќан и дигитализирање на фототеката на авторот. Неделникот L´espresso објавувајќи ја оваа фотографија објавува и интервју со нејзиниот автор, фотографот Алберто Ровери. Повод за настанувањето на фотографијата според Ровери е самата појава на Берлускони во претприемничките кругови кој во тоа време ја водел изградбата на новата миланска населба позната како проектот Милано и неговата најава да влезе во медиумите со купувањето на Il Giornale и отворањето приватна телевизиска станица. Ровери рекол дека во разговорот никој не смеел да ги попречува, а Берлускони дури го одбил и телефонскиот повик од тогашниот градоначалник на Милано. Единствениот кому му било дозволено да го прекине интервјуто бил Мерчело дел Ури кој деновиве е осуден за мафијашко здружување. Во тоа опасно време кога од богатите се барале големи откупи, покрај екстремистите, киднапирања вршела и мафијата, кај Берлускони бил вработен Виторио Мањано од Палермо, кој подоцна е осуден како мафијаш за две убиства. Берслускони подоцна негираше дека знаел дека Мањано бил припадник на мафијата, но сведокот Гаспаре Мутоло Аспарино и самиот мафијаш, рекол дека тие години требало да го киднапираат човекот што го градел Милано 2, значи самиот Берлускони. Аспарино рекол дека за грабнувањето на Берслускони биле ангажирани 18 души, но дека кога разбрале оти негов телохранител станал Мањано се откажале.Кабиентот на италијанскиот премиер за весникот немал коментар ниту на фотографиите, ниту на интервјуто.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.