Свет
Во Киргистан ниедна партија без значајна предност

Според делумните резултати од парламентарните избори во Кригистан, од петина отсто од преброените гласови пети, ниедна партија не се издвоила во убедливо водствт, соопшти во недела навечер изборната комисија
Како што пренесува AFP, првичните резултати покажувале дека според овие резултати кои се темелат на пребројаните гласачки ливчиња од 470 од вкупно 2.333 избирачки места кои беа отворени во неделата. во водство е партијата Атао-јоурт со 10,5 отсто од гласовите, Социјалдемократската партија имала 7,98 отсто, партијата Республика којашто ја води бизнисменот Омурбек Бабанов освоила 7,17 отсто, партијата Ар-Намис на поранешниот проруски премиер Феликс Кулов 6,8 отсто и партијата Ата-Мекен освоила 6,41 отсто од гласовите.Овие партии успеале да ги надминат потребниот праг за влез во парламентот кој изнесува пет отсто. Според излезните анкети, во водство е партијата Ар-Намис на Феликс Кулов со повеќе од 22 отсто од гласовите, додека втора е партијата на социјалдемократите со 20,7 отсто од гласовите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Со Путин е договорен прекин на огнот за енергетските и инфраструктурните објекти

Американскиот претседател Доналд Трамп изјави дека во денешниот телефонски разговор со неговиот руски колега Владимир Путин се договорил за итен прекин на огнот меѓу Русија и Украина во сите енергетски и инфраструктурни објекти.
„Се согласивме на итен прекин на огнот на сите енергетски и инфраструктурни објекти, со разбирање дека ќе работиме брзо за да постигнеме целосен прекин на огнот и, на крајот, да ставиме крај на оваа многу страшна војна меѓу Русија и Украина. Оваа војна никогаш немаше да започне ако јас бев претседател“, рече Трамп на Truth Social.
Тој додаде дека имал „многу добар и продуктивен“ разговор со Путин и дека разговарале за „многу елементи од мировниот договор, вклучувајќи го и фактот дека илјадници војници умираат“.
„Тој процес сега е во полна сила и ефект, и се надеваме, заради човештвото, дека ќе ја завршиме работата“, рече Трамп.
Свет
Гутереш ги повика Израел и Хамас целосно да го почитуваат прекинот на огнот во Газа

Генералниот секретар на Обединетите нации Антонио Гутереш денеска ги повика Израел и палестинската милитантна група Хамас целосно да го почитуваат прекинот на огнот во Појасот Газа.
Тој рече дека Палестинците во Појасот Газа се подложени на „неподносливо страдање“ додека израелските напади продолжуваат немилосрдно.
Гутереш им рече на новинарите во Женева дека улогата на ОН е меѓународната заедница да изврши притисок врз Израел и Хамас целосно да го почитуваат прекинот на огнот во Појасот Газа, пренесе Ал Џезира.
Министерството за здравство на Хамас објави дека повеќе од 400 луѓе, главно палестински деца и жени, биле убиени во текот на ноќта во израелските напади врз Појасот Газа.
Свет
Ница ја погоди земјотрес со јачина од 4,1 степени

Земјотрес со јачина од 4,1 степени според Рихтер вечерва ја погоди областа во близина на францускиот град Ница, соопшти Европскиот медитерански сеизмолошки центар (EMSC).
Земјотресот се случил на 16 километри северно од Ница, каде живеат околу 340.000 жители, додава EMSC.
Земјотресот се случил на длабочина од десет километри.