Свет
Ху Џинтао најмоќниот човек на светот
Американскиот магазин Forbes, за најмоќен човек на светот за оваа година го прогласи кинескиот претседател Ху Џинтао. Тој е на прво место пред американскиот претседател Барак Обама
Според магазинот, Ху Џинтао е „водечки политички лидер на голем број луѓе отколку било каде на друго место во светот, кој речиси на диктаторски начин контролира повеќе од 1,3 милијарда луѓе или една петина од вкупниот број на светската популација“.„За разлика од своите западни колеги, Ху Џинтао може да пренасочува реки, гради метрополи, затвара дисиденти и цензурира интернет без да се меша здодевната бирократија – судовите“ – пишува магазинот.Обама падна од првото место по слабите изборни резултати на демократите на изборите за американскиот Конгрес.Саудискиот крал Абдула ал Сауд, кој исто така е пример, дојде неочекувано до третото место. Тој е опишан како „апсолутен владетел на пустинското кралство кое има најголеми резерви на нафта во светот и две најсвети локации на исламот“.Рускиот премиер Владимир Путин го зазеде четвртото место и е далеку пред претседателот Димитриј Медведев, кој е дванаесетти на листата. Форбс истакнува дека Путин „ и понатаму ги влече конците“.Петти е папата Бенедикт Шеснаесети, како „најголем земски авторитет над 1,1 милијарда души или над шестина од светската популација“.Шеста по ред е германската канцеларка Ангела Меркел, која магазинот ја нарече „најмоќната жена на планетата“.Седми на листа е британскиот премиер Дејвид Камерон, потоа следи претседателот на американските Федерални резерви Бен Бернанке, девети е претседателот на индиската партија на националниот Конгрес Соња Ганди, а десетото место го заземаат копретседалелот на фондација „Бил и Мелинда Гејтс“, Бил Гејтс.Листата од 68 најмоќни луѓе на светот од 6,8 милијарда жители на Земјата направена е врз основа на моќ и влијание, а не на морална загриженост, што објаснува зошто Осама Бин Ладен се наоѓа на 57 место.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.