Свет
Во престрелка со армијата убиен мексиканскиот нарко-бос Езекиел Карденас
Еден од најголемите мексикански наркобарони Езекиел Карденас е убиен во петокот за време на престрелка со полицијата во градот Матаморос на границата со американската држава Тексас, јавува Reuters повикувајќи се на локалнaта телевизиска станица Milenio
Езекиел Карденас Џулиен познат и како Тони Торента беше еден од најголемите наркобарони во Мексико по апсењето и екстрадиција во САД во 2007 г., на неговиот брат, поранешниот лидер на Заливскиот (Голфски) мексикански наркокартел, Озиел Карденас.Претставници на мексиканската армија ја потврдиле смртта на Езекиел Карденас, но не се објавени детали со судирот меѓу војската и припадниците на неговиот картел.Agence France Ppresse пишува дека во операцијата за апсење на Езекиел Карденас учествувале 150 припадници на елитните единици на мексиканската војска, кои во сојузната држава Тамаулипас во североисточниот дел во земјата, во градот Матаморос на самата граница со САД воделе вистинска повеќечасовна војна со припадниците на Заливскиот наркокартел.Притоа се наведува дека во престрелката загинал и еден новинар од дневен весник. Карлос Алберто Гуахардо Ромеро кој ја следел операцијата за локалниот весник El Expresо е 12-от професионален новинар убиен оваа година во Мексико, каде во врска со војните на наркокартелите од 2000 г. досега се убиени повеќе од 70 новинари. За апсењето на Езекил Карденас по апсењето на неговиот брат Озиел Карденас во 2003 г. кој во 2007 г. им беше предаден на САД, Вашингтон нудеше награда од пет милиони долари а мексиканската влада 2,5 милиони долари. Сојузната држава Тамаулипас е центар на судирите на ривалските – Заливскиот картел и на картелот Зетас кои се борат за контрола над трговијата со дрога на богатиот американски пазар, првиот светски потрошувач на кокаин. Експертите проценуваат дека секоја година преку Мексико во САД, Европа и Азија се пренесува дрога во вредност од околу 40 милијарди долари.Во војната меѓу бандите за превласт на територијата, насилството не се намали ниту откако беа ангажирани и силни федерални и воени единици. Во 2006 г. претседателот Фелипе Калдерон ја ангажираше и армјата со 60 илјади припадници, во запирање на крвопролевањата. Но тоа не помогна, туку и полцајците и војниците и нивните семејства станаа цели на бруталните банди Во војната од 2006 г. досега во пресметките во Мексико се убиени околу 28 илјади лица. Мексико е главната транзитна точка за шверцување кокаин од Јужна Америка во САД и истовремено е еден од најголемите светски производители на хероин и марихуана.Мексиканскиот претседател Фелипе Калдерон по доаѓањето на власт во 2006 г., и објави војна на организираниот криминал и трговците со дрога. Со оглед на широко распространетата корупција меѓу владините претставници и полицијата за борба против трговијата со дрога Калдерон беше принуден да отвори широк фронт, па во областите што се граничат со САД испратија 60-те илјади војници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Масовни протести и исклучен интернет во Иран, Хамнеи со остар говор: „Ги уништуваат сопствените улици за да го усреќат Трамп“
Врховниот лидер на Иран, ајатолах Али Хамнеи, ги осуди демонстрантите во говор што беше емитуван на државната телевизија.
Врховниот лидер (86) на Иран изјави дека демонстрантите „ги уништуваат сопствените улици за да го усреќат претседателот на друга земја“, алудирајќи на американскиот претседател Доналд Трамп.
„Сите треба да знаат дека Исламската Република дојде на власт со крвта на стотици илјади чесни луѓе и нема да попушти пред саботери“, порача Хамнеи во обраќањето на државната телевизија.
Тој додаде дека постојат многу проблеми во рамки на Соединетите Американски Држави, пренесе Иран интернешнел. Хамнеи ги повика поддржувачите да останат обединети.
„Драги млади луѓе, зачувајте ја подготвеноста и единството. Обединета нација ќе го победи секој непријател“, порача иранскиот верски лидер.
Вчера иранските власти го ограничија пристапот до интернет во Техеран и во некои други региони, на 12-тиот ден од масовните протести против владата.
Massive protest in Tehran, Iran. People had enough. Not much mainstream media coverage. Why? pic.twitter.com/RqIikXbW94
— Lily Tang Williams (@Lily4Liberty) January 8, 2026
Два извора потврдија дека интернетот во престолнината бил во прекин, додека организацијата NetBlocks, која ја следи достапноста на мрежата, соопшти дека нејзините податоци покажуваат оти Техеран и други делови на Иран влегуваат во „дигитален мрак“, со пад на поврзаноста кај повеќе провајдери.
Извор на CBS News наведе дека на улиците на Техеран има „огромни, досега невидени маси луѓе“, додавајќи дека поголемиот дел од граѓаните немаат пристап до интернет, додека на помал број корисници со постабилни деловни сметки врската сè уште им е достапна.
Аналитичарите оценуваат дека обемот на овој одѕив може да одреди дали протестите, кои траат 12 дена, ќе стивнат како претходните бранови незадоволство или ќе прераснат во сериозен предизвик за власта, со можност за поширока репресија.
Протестите започнаа на 28 декември поради економската криза и претставуваат најзначаен предизвик за иранската влада во последните неколку години, истакнува АП.
Свет
По руските удари, Зеленски повторно бара повеќе противвоздушна одбрана
Украинскиот претседател, Володимир Зеленски, по руските воздушни удари и употребата на ракетата „Орешник“, повторно побара од западните земји да ѝ испорачаат на Украина повеќе средства за противвоздушна одбрана.
„Денешниот удар најсилно ги потсетува сите наши партнери дека поддршката за ПВО за Украина е постојан приоритет“, напиша тој на својот канал на Телеграм.
Во петокот Министерството за одбрана соопшти дека руските сили употребиле ракети „Орешник“ во рамки на масовен удар врз критични објекти во Украина, како одговор на нападот врз резиденцијата на Владимир Путин.
Медиумите известија за серија експлозии во Киев и Лавов. Според градоначалникот на украинската престолнина, Виталиј Кличко, во градот има оштетувања на критичната инфраструктура. Во одделни делови се регистрирани и прекини во снабдувањето со електрична енергија.
Фото:Depositphotos
Европа
(Видео) Трагедија во Турција: куп снег падна од покрив и усмрти 21-годишна девојка, несреќата снимена од безбедносни камери
Невидена трагедија се случи во турскиот град Битлис, кога куп снег падна од покрив и уби девојка.
Трагедијата се случи во вторник, 6 јануари, кога снег од покривот падна врз 21-годишната Ајше Идер додека одеше по тротоарот, објавија турските медиуми.
Ајше Идер беше тешко повредена во инцидентот, а снегот се натрупа врз неа двапати, соборувајќи ја на земја. Минувачите веднаш истрчаа да ѝ помогнат, дури и ризикувајќи го сопствениот живот кога снегот падна на земја по трет пат.
📹Bitlis'in Tatvan ilçesinde çatıdan düşen kar ve buz kütlesinin altında kalan 21 yaşındaki Ayşe İder hayatını kaybetti https://t.co/Bcs5z4BaDF pic.twitter.com/4rqQ9yeEvi
— Habertürk (@Haberturk) January 6, 2026
Младата девојка, на која ѝ беше укажана прва помош од медицински екипи испратени на местото на настанот, а потоа однесена во државната болница Татван, не можеше да се спаси. И покрај сите напори им подлегна на повредите.
Инцидентот, кој беше снимен и од безбедносните камери, и смртта на младата девојка, која се подготвуваше за приемен испит на универзитет, предизвикаа голема тага во округот Татван. Телото на Ајше Идер, кое беше преземено од болницата наутро, беше погребано на гробиштата Кучукшу.

