Верно куче речиси една недела чекало пред болница во Турција, додека не излегол неговиот сопственик, каде се лекувал. Женката по име Бончук, што на турски јазик значи бисер, била наградена за својата верност со емотивна средба со сопственикот Кемал Сентурк (68), кога конечно излегол од болницата во градот Трабзон, во североисотчна Турција.

Loyal dog waits for six days outside Turkey hospital for her sick owner https://t.co/lSREeLWHiR pic.twitter.com/1rD4tb4TUA

— CP24 (@CP24) January 23, 2021

Сентурк бил пренесен во болница на 14 јануари, поради мозочна емболија, а Бончук, која го добила името по нејзините кафеави очи, го следела возилото на брзата помош. Оттогаш, таа се враќала секој ден и чекала пред болницата, а вработените понекогаш ја хранеле.

Ќерката на Сентурк неколку пати се обидела да ја врати дома, но секој пат бегала за да се врати пред болницата.

Dog spent days outside Turkish hospital waiting for owner https://t.co/KtMIEA79MN pic.twitter.com/WQfsqFkADs

— Andy Vermaut (@AndyVermaut) January 22, 2021

Кога Сентурк конечно излегол од болницата оваа недела, Бончук истрчала околу неговата инвалидска количка, скокнала да ја погали и замавнувала со опашката, раскажуваат од болницата.

„ Човек се чувствува многу среќен поради тоа. Тоа куче ни е премногу блиско, како човечко суштество, и јас сум многу среќен поради тоа”, рекол Сентурк.

Луѓето кои примиле вакцина против Ковид-19 сепак може да го пренесат вирусот на други и треба да продолжат да ги следат мерките за „локдаун“, предупреди главниот британски специјалист за грип.

Пишувајќи во „Сандеј телеграф“, професорот Џонатан Ван-Там појаснува дека научниците „сè уште не го знаат влијанието на вакцината врз трансмисијата“. Тој вели дека вакцините нудат „надеж“, но стапките на инфекции мора брзо да се намалат.

Оваа недела ќе се отворат уште 32 места за вакцини низ Англија. Ван-Там додава дека „ниту една вакцина никогаш не била ефикасна“ 100%, така што нема гарантирана заштита.

Тој предупредува дека е можно човек повторно да се зарази со вирусот во период од две до три недели по добивањето на вакцината. Па според него, „подобро е“ да се дозволи „најмалку три недели“ за имунолошкиот одговор во целост да се развие кај постарите луѓе.

„ Дури и откако ќе ги примите и двете дози на вакцината, сепак може да му пренесете Ковид-19 на некој друг и синџирите на пренесување ќе продолжат. Ако го промените однесувањето, се уште би можеле да го ширите вирусот, да го одржувате високиот број на случаи и да ги изложувате на ризик другите, на кои исто така им е потребна вакцината, но се подолу во редот за вакцинација“ нагласува професорот Ван-Там.

Докторите ги повикаа здравствените власти во Англија да го намалат јазот помеѓу првата и втората доза на вакцината Фајзер-БионТех. Максималното чекање беше продолжено од три на 12 недели со цел да се добие првата доза на повеќе луѓе низ Велика Британија.

Но, Британското лекарско здружение соопшти дека политиката е „тешко да се оправда“ и дека јазот треба да се намали на шест недели, бидејќи постои загриженост дека вакцината може да стане помалку ефикасна.

Рускиот фонд задолжен за производство на вакцината Спутник V (РДИФ) објави дека компанијата потпишала договор за производство на руската вакцина на турскиот пазар.

Како што е наведено, руската компанија започнала со пренесување на технологијата на производство на турскиот пазар по потпишувањето на договорот.

„ РДИФ потпиша договор со водечкиот турски фармацевтски производител за производство на вакцината Спутник В во Турција, со што започнува процесот на трансфер на технологија“, соопшти РДИФ во изјава за руските медиуми.

Претставниците на фондот истакнаа дека потенцијалниот обем на производство на руските вакцини во Турција може да изнесува неколку милиони дози годишно, а официјални лица од двете земји веќе разговараат за можно проширување на производството во иднина.

„ Вакцината Спутник V ќе биде доставена на пазарот во Турција, но и во други земји. Нашите партнери од Турција покажуваат голем интерес за оваа вакцина”, додаваат од РДИФ.

Покрај договорот за производство на руска вакцина, Турција претходно потпиша договори за набавка на кинески вакцини од „Синовак“, а првите пратки пристигнаа во земјата минатата недела, кога започна процесот на вакцинација на населението.

Според планот, Турција има намера да вакцинира 50 милиони жители до јуни 2021 година, со што се спречува растот на нови случаи на инфекција со коронавирус. Вакцинацијата во Турција ќе се изврши во четири чекори. Во првиот чекор, вакцинирани се здравствените работници, луѓето постари од 65 години и возрасните кои живеат во пренатрупани области. Ова е проследено со работници во важни услуги, луѓе над 50 години и лица со најмалку едно хронично заболување.

Во третата фаза, вакцините ќе бидат дадени на лица на возраст под 50 години со најмалку едно хронично заболување и млади луѓе, додека во последната фаза, сите преостанати турски државјани ќе бидат вакцинирани.