Свет
Во нов напад врз христијаните во Ирак најмалку тројца убиени
Тројца се убиен а триесетина ирачки христијани се ранети при напад со минофрлачи врз куќи на христијани во повеќе делови на Багдад, десетина дена откако во Католичката црква загинаа 46 верници, соопштија ирачките безбедносни сили
Као што јавува дописникот на Reuters од ирачката престолнина, нападите го обновија стравувањето кај христијанското малцинство дека сунитските исламистички бунтовници се обидуваат да ги протераат од нивната татковина и да предизвикаат дестабилизација провоцирајќи секташка војна, додека политичките лидери во Ирак се уште не можат да најдат заеднички јазик за формирање на новата влада, иако парламентарните избори завршија во март годинава.Напаѓачи активирале бомби и стрелале со минофрлачки гранати во повеќе од десетина напади врз христијански цели во ирачкиот главен град во вторникот доцна навечер и рано наутро во средата, јавија безбедносните извори.Ирачки полициски извор соопштиле за тројца мртви и 37 повредени, додека извор од мнистерството за внатрешни работи соопштил дека загинале четири лица а 33 биле ранети. Двата извора побарале да останат анонимни.„Што да правиме? Тие ги гонат христијаните во секоја населба во Багдад. Не можеме да сториме нешто да ги спречиме, туку ни преостанува да се молиме на Бога дека ќе престанат овие злосторства“, изјвил Емануел III Дели, Калдискиот патријарх на Багдад за Reuters во телефонско итнервју.Меѓурелигиозните и меѓусекташките тензии се на високо ниво во претежно муслиманскиот Ирак, бидејќи на изборите во март кои завршија без јасен победник, што создаде простор за калкулации на шиитските, сунитските и курдските фракции за позиции во новата влада, но од друга страна ги зголеми страхувањата од обновување на насилствата.Бунтовниците поврзани со Ал каеда ја презедоа одговорноста за серијата неодамнешни напади кои се појавија за да го вратат меѓусекташкото крвопролевање што го опустоши Ирак во 2003 г. по американската инвазија а кои почнаа да се намалува пред три години.Педесет идва заложника и полицајци беа убиени на 31-ви октомври во напад на соборната црква „Пресвета Богородица на Спасението“ во централниот дел на Багдад, по што ирачката влада вети дека ќе ја засили безбедноста на христијаните.Тој напад следеше два дена откако одекнаа серија експлозии во главно шиитските области во гавлиот град на Ирак во кои загинаа најмалку 63 луѓе.Нападите биле изведени во јужниот дел на областа Доура, во Сара Кемп во источниот дел на градот, Адамија на север, Мансур во западниот дел, Карада во центарот на Багдад и во другите области.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Лекари во Загреб вградиле мозочен стимулатор на маж со Паркинсонова болест : „Може да вози велосипед, да плива“
Уште еден голем успех на хрватските лекари. Тим хирурзи во болницата Дубрава прв во овој дел од Европа вгради мозочен стимулатор. Пред еден месец новата технологија ја примил загрепчанец кој поради Паркинсоновата болест речиси станал неподвижен.
„Поентата на таа електрода е што стимулира дел од мозокот и на тој начин ја подобруваме клиничката слика, а батеријата освен што стимулира, купува и информации од тој дел од мозокот што го стимулираме и на тој начин можеме да ги подобриме симптомите“, изјави неврохирургот Фади Алмахарик за RTL.
Во КБ Дубрава изминативе 24 години се врши длабока мозочна стимулација, но првиот пациент беше опериран со оваа најнова технологија на крајот на март. Станува збор за 67-годишен загрепчанец со Паркинсонова болест, кој сега е пуштен на домашно закрепнување.
„Во договор со неврологот, стимулацијата се вклучува, терапијата се намалува, пациентот веднаш по вклучувањето на стимулацијата покажува знаци на моторно подобрување. Беше отпуштен дома на физикална терапија и дополнително прилагодување на стимулацијата“, изјави неврохирургот Марина Рагуж.
Веднаш штом ги отстранивме шевовите по 10 дена, почнавме со стимулација и денес пациентот може да вози велосипед, да плива, да се врати на своето секојдневие“, вели хирургот.
Свет
Русите уапсија двајца нивни војници за грозоморни злосторства
Двајца руски војници се приведени под сомнение дека убиле пет лица во окупираниот дел од областа Херсон. Александар Осипов и Александар Кајгородцев веќе ги признале злосторствата што ги направиле во селата Подо-Калиновка и Абрикосовка, пишува рускиот медиум Ура.ру.
Меѓу жртвите се двајца полицајци и началникот на селото Љубов Тимчак, кој е назначен од Русија. Телото на началникот било пронајдено во средата, а на него биле видливи рани од огнено оружје, оган и експлозивни направи.
Полицијата набрзо добила дојава од заменик началникот на округот Алешински за откривање на уште две изгорени и осакатени тела на маж и жена. Безбедносните сили ги уапсиле осомничените истиот ден, а набрзо се испоставило дека станува збор за руските војници Александар Осипов и Александар Кајгородцев.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.