Свет
Неутрализирана бомба во близина на седиштето на НАТО во Брисел

Воените деминери неутрализирале двестотини килограми тешка авиобомба заостаната од Втората светска војна, откриена на градилиштето на новото седиштето на НАТО во Брисел, објавија локалните медиуми.Бомбата била пронајдена при изведување на почетокот на градежните работи, поточно при ископот на земја во понеделникот, а во текот на ноќта деминерите ја започнале операцијата за неутрализирање на бомбата.Прес-службата на НАТО во вторникот потврди дека и покрај спроведувањето на специјалните операции во близина на сегашниот штаб на НАТО, не била преземена евакуација на персоналот, но бил забранет влезот во комплексот.Исто така при изведувањето на операцијата на деминирање, бил запрен сообраќајот на булеварот „Леополд Трети“ во белгиската престолнина, кој минува во близина на плацот на кој се одвиваат градежните работи.Првото свечено поставување камен темелни на новиот административен комплекс на НАТО, кој ќе чини околу 460 милиони евра, беше извршено во септември годинава, а градежните работи е предвидено да завршат до есента 2015 г.Седиштето на НАТО сега се состои од комплекс на трикатни монтажни објекти, кои се изградени набрзина во 1967 г. по повлекувањето на Франција од воената организација на НАТО и, поради тоа, се јави потребата да се пресели седиштето на Алијансата од Париз во Брисел.Новиот административен комплекс на НАТО во Брисел ќе зафаќа вкупна површина од 250 илјади квадратни метри и ќе биде изграден неколку стотини метри од сегашното седиште на НАТО. /крај/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Утре ќе разговарам со Путин, има добри шанси да ја завршиме војната

Американскиот претседател Доналд Трамп најави дека утре ќе разговара со рускиот претседател Владимир Путин за можниот крај на тригодишната војна во Украина, по позитивниот исход од разговорите меѓу американските и руските претставници во Москва.
„Во вторник ќе разговарам со претседателот Путин. За време на викендот беше завршена многу работа. Сакаме да видиме дали можеме да ја завршиме оваа војна. Можеби можеме, можеби не можеме, но мислам дека шансите се добри“, рече Трамп за време на летот од Флорида до Вашингтон. Трамп ќе се обиде да добие поддршка од Путин за предложениот 30-дневен прекин на огнот што Украина го прифати минатата недела.
„Ќе разговараме за територии и за енергетски капацитети. Мислам дека веќе разговаравме многу за тоа со двете страни, и Украина и Русија“, рече Трамп на прашањето што ќе вклучуваат разговорите за прекин на огнот.
Американскиот државен секретар Марко Рубио и рускиот министер за надворешни работи Сергеј Лавров завчера разговараа за „следните чекори“ во предложениот прекин на огнот во Украина, пишува Политико.
Регион
(Видео) Осум од повредените во Кочани се во „Пирогов“ во Софија, три се деца, сите се во тешка состојба

Осум од повредените во пожарот во дискотеката „Пулс“ во Кочани се во тешка состојба во Софија во болницата „Пирогов“. Од нив три се деца на возраст од 15-16 години – две девојчиња и едно момче, објави БГНЕС.
Ова утрово го соопшти д-р Валентин Димитров, директор на „Пирогов“ – една од болниците каде што беа пренесени дел од повредените во трагичниот инцидент во Македонија, пренесе БГНЕС.
Уште петмина од примените во „Пирогов“ – четири мажи и една жена се во тешка општа состојба. Едно од децата е на интензивна нега. Тројца се интубирани. Изгореници има на горните екстремитети и лицето, објасни д-р Димитров.
Останатите повредени во Кочани, транспортирани во Бугарија, се сместени во Варна и Пловдив.
Д-р Валентин Димитров најави дека во моментов нема итна потреба од дарување крв за настраданите, но секогаш има потреба од крводарители. Тој апелираше да не престанува крводарителството. За повредените од Кочани, центрите за крв во Пловдив, Стара Загора и Софија се подготвени да одговорат на она што е потребно.
Регион
(Видео) Тројца пациенти од Кочани се примени во болница во Варна

Тројца повредени во пожарот во Кочани вчера се примени на Клиниката за изгореници при ВМА-Варна, јави Бгнес.
Тие беа пренесени во Варна со воениот авион Спартан, кој првично слета во Софија, каде што пет пациенти беа сместени во болницата Пирогов.
Бугарија се обврза на лекување на 14 повредени во пожарот во Кочани.
Во пожарот што избувна во дискотека во Кочани животот го загубија 59 лица.