Свет
Путин на CNN кај Лари Кинг
Владимир Путин ќе даде интервју во живо за амаериканската телевизиска мрежа CNN, кога ќе гостува во емисијата на еден од најславните тв-водители, потврдфи за Риа Новости во вторникот портпаролот на рускиот премиер Дмитриј Песков
„Интервјуто ќе се снима вечерва, и ќе биде прикажан во 5 часот наутро по московско време (3 часот по македонско) во ноќта меѓу 1-ви и 2-ри декември 2“, изјавил портпаролот Дмитриј Песков за агенцијата.Песков истакнува дека интервјуто ќе биде доволно големо, во траење од 40 минути, но неговата тема треба да се утврди. Лари Кинг, инаку, се прослави по непредвидливите и незгодни прашања што им ги поставуа на своите гости, без разлика на нивниот ранг.Лари Кинг го интервјуираше Владимир Путин во септември 2000 г. од кога остана запаметено неговото прашање за тоа што се случило со руската подморница „Курск“. Путин, кој тогаш беше руски претседател, лаконски одговори „Таа потона“.Инаку потонувањето на руската нуклеарна пдоморниц „Курск“ во чие потонување загинаа сите 118 членови на екипажот се уште е голема мистерија за јавнсота. Причините за трагедијата се движат од теоријата за судир со шпионска американска подморница која ги следела воените маневри во Баренциовото Море спроведувани од руската воена морнарица, до експлозија на вооружувањето. Руските власти беа обвинувани дека можеле да ги спасат најголемиот дел од морнараите, но дека предоцна ја прифатија британската помош за да однесат спасувачки екипи до остатоците на „Курск“.Легендарниот Лари Кинг претходно соопшти дека неговата емисија која со 25-те години контиунирано емитување влезе во Гинисовата книга на рекорди, ќе престане да се емитува оваа есен. Во текот на својата долга кариера, Лари Кинг има поминато повеќе од четириесет илјади интервјуа со филмски ѕвезди, политичари, бизнисмени и јавни личности. Тој е добитник на бројни телевизиски и новинарски награди, како што е Emmy, Peabody и Cable Ace.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украински дрон удрил во станбена зграда во Белгород, има мртви
Едно лице загина кога украинско беспилотно летало удри во станбена зграда во рускиот град Белгород и одекна силна експлозија, изјави регионалниот гувернер Вјачеслав Гладков.
„Повредена е сопругата на починатиот, има расекотини на лицето и површна изгореница на бутот. Екипата за брза помош ја однела жената во регионалната клиничка болница. Како резултат на експлозијата, за жал, еден човек загина“, објави Гладков, а пренесува Риа Новости.
Друг жител со рана од шрапнел сам отишол во градската болница, додаде тој.
Оштетени се прозорците во пет стана, како и автомобил. Оперативните услуги се на лице место.
Европа
Бремена жена дошла на редовен преглед, лекарите по грешка ѝ направиле абортус во болница во Прага
Во трагичен инцидент претходно оваа недела во Универзитетската болница „Буловка“ во Прага 8 дошло до забуна кај лекарите за две жени што не биле од Прага, а тоа резултирало со абортус на бремена жена без нејзино знаење или желба, пренесуваат тамошните медиуми.
Здравствениот експерт вели дека, освен големата негрижа од страна на персоналот, за шокантниот настан придонела и јазичната бариера.
Кобната грешка се случила на 25 март, јавуваат чешките медиуми. Имено, една трудница дошла во болница на редовен преглед на бременоста. Меѓутоа, медицинските сестри, лекарите, гинеколозите и анестезиолозите ја помешале со друга трудница, која имала закажана киретажа (метод на абортус).
Така, бремената мајка била ставена под општа анестезија и лекарите по грешка ѝ направиле абортус.
„Министерството за здравство изразува најдлабоко жалење до пациентот и целото семејство“, рече портпаролот на Министерството, Онџеј Јакоб, во соопштението за печатот во четвртокот.
„Имаше неопростлива човечка грешка, а одговорните се разрешени“, додаде тој.
Од самата болница за информативниот портал „Новинки.чз“ изјавија дека се подготвени да платат отштета.
Според чешките медиуми, и двете пациентки биле странски државјанки, кои живееле во Чешка.
Официјалните лица не објавија никакви информации за идентитетот на жените.
Регион
Детаљно пребарани тунелите, каналите и шахтите, нема траги од Данка: се огласија српските полицајци
Специјалистички екипи за спасување од урнатини на Секторот за вонредни состојби од Белград и Нови Сад заедно со други припадници на МВР од раните утрински часови темелно ги пребаруваа тунелите, подземните канали и шахтите со вкупна должина од 4,5 километри во месноста Бањско Поле до градот Бор и не се пронајдени траги што би укажувале дека таму била двегодишната Данка Илиќ, пренесуваат српските медиуми.
По повеќе од 70 часа детаљно пребарување на теренот во Бањско Поле, припадниците на Министерството за внатрешни работи продолжуваат со интензивно и оперативно пронаоѓање на девојчето и утврдување сите факти и околности за исчезнувањето на детето, според последните извештаи.
Медиумите потсетуваат, од моментот на пријавување на исчезнувањето на 26 март во потрагата по исчезнатото девојче учествуваа стотина припадници на МВР, кои темелно и сеопфатно го прегледаа поширокиот и потесниот простор на ова место со вкупна површина од 10-ина квадратни километри.