Свет
Затворени плажите во Шарм-ел Шеик заради ајкули

Министерството за туризам на Египет во неделата уште еднаш ги затвори за капење сите плажи на одморалиштето Шарм ел-Шеик на Црвеното Море откако се случи уште еден напад на ајкула врз туристи во близина на брегот, јави египетскито портал Masravi
Во неделата, 70-годишна туристка од Германија почина од каснување на ајкула, која ја нападнала жената во близина на брегот кај хотелот „Hyatt Regency“ во делот Наама-беј крај Шарм ел-Шеик. Жената починала уште додека се наоѓала во морето како последица од болниот шок и големото губење крв откако ајкулата и ја откинала раката до лакотот а и нанесла и голема рана на десната нога.По наредба на египетското министерството за туризам плажите ќе бидат затворени се додека целосно не се елиминра опасноста од нови напади од морските предатори.Во исто време, министерството за животна средина на Египет итно формирало специјална комисија која ќе ги поучувааат нападите на ајкулте врз луѓето во Црвеното Море, за да се откријат причините за оваа ретка појава за овој крај и нивно отстранување.Во текот на изминатата седмица во египетскиот Шарм-ел-Шеик беа регистрирани неколку напади на ајкула на туристи. Меѓу повредените, тројца се Руси кои се хоспитализирани во египетскиот главен град Каиро со многу повреди на и ампутации на екстремитетите. Како што забележуваат египетските стручњаци, вреди да се забележи дека ајкулите ги напаѓаат луѓето кои речиси се директно на брегот.Од вторникот до саботата, егиептски специјалисти со бродови ги пребаруваат водите на морето во близина на хотелите во Шарм барајќи ги ајкулите човекојадци. Притоа беа фатени два големи примерока, а египетската влада тврдејќи дека опасноста минала, во саботата официјално ги отвори плажите за пливање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Захарова: Одбивањето на Киев да ги преземе телата е доказ за неговата неонацистичка природа

Портпаролката на Министерството за надворешни работи на Русија, Марија Захарова, повторно го коментираше одбивањето на Киев да ги врати телата на своите војници и истакна дека ова е „најстрашниот доказ за неговата неонацистичка, дехуманизирана природа“.
„Фактот што тие не ги земаат телата на своите војници, верувам, е најстрашниот доказ за нивната неонацистичка дехуманизирана природа“, изјави Захарова за радио „Спутник“.
Захарова го привлече вниманието на фактот дека Киев не поднел никакви барања за одложување на приемот на телата.
„Како одговор на ова, не се слушна ниту мрморење ниту барање, на пример – бидејќи на украинската страна ѝ недостасуваат научни и технички способности, бидејќи станува збор за идентификација, зачувување – преземањето да се одложи или, да речеме, да се спроведе во серии, или, да речеме, да се преземат оние што, според наша гледна точка, се успешно идентификувани. Ништо од тоа. Директно отфрлање, кое се претвора во потсмев, не кон нас, туку кон нив“, рече таа.
Коментирајќи го одбивањето на Киев да ги преземе телата на војниците на украинските вооружени сили, Захарова истакна дека во светот нема пример за „таква традиција“.
„Се прашував, можеби во варварската традиција, можеби меѓу варварите, тоа е толку колективен концепт, не беше ли вообичаено да се земат телата на паднатите војници? Ништо слично: дури и меѓу варварите беше задолжително да се погребуваат со почести војниците кои се бореле за интересите на својата заедница. Не постои таква традиција, разбирате ли? Светот живее од античко време, а ниеден народ не постигнал таков резултат“, изјави таа.
Претходно помошникот на рускиот претседател и шеф на руската делегација на преговорите со Украина, Владимир Медински, изјави дека, во согласност со договорите од Истанбул, на 6 јуни руската страна започна со спроведување на хуманитарната операција за префрлање на повеќе од 6.000 тела на загинати украински војници во Украина, како и размена на ранетите и тешко болните воени заробеници и воените заробеници под 25 години.
Сепак, Киев неочекувано го одложи приемот на телата и размената на воени заробеници на неодредено време, пренесува Танјуг.
Свет
Иран: Доколку дојде до воен конфликт, ќе ги нападнеме американските бази во регионот

Доколку нуклеарните преговори не успеат и дојде до конфликт со САД, Иран ќе ги нападне американските бази во регионот, изјави денес министерот за одбрана Азиз Насирзаде, неколку дена пред планираната шеста рунда разговори меѓу двете страни за нуклеарната програма на Иран.
„Некои претставници од другата страна се закануваат со конфликт ако разговорите не вродат со плод. Ако ни се наметне конфликт сите американски бази се во наш дофат и ние смело ќе ги таргетираме во земјите домаќини“, изјави Насирзаде на прес-конференција.
Американскиот претседател Доналд Трамп повеќе пати се закани дека ќе го бомбардира Иран ако не постигне нов нуклеарен договор.
Следната рунда разговори треба да се одржи оваа недела. Трамп ги најави разговорите за четврток, додека Техеран вели дека тие ќе се одржат во недела во Оман.
Се очекува Иран да понуди контрапредлог на американската понуда за договор што Техеран го отфрли.
Трамп одговори дека Иран станува „сè поагресивен“ во разговорите.
Насирзаде потсети дека Техеран неодамна тестирал ракета со боева глава од два тона и дека нема да прифати никакви ограничувања. Врховниот лидер на теократската Исламска Република, ајатолахот Али Хамнеи, во февруари изјави дека Иран ќе продолжи да ги развива своите воени капацитети, вклучително и своите ракети.
Регион
Ученик од седмо одделение приведен во Србија: донел нож и список за отстрел во училиште

Ученик од основното училиште „Јован Стерија Поповиќ“ во Нов Белград е однесен во полиција на разговор, објави српски Блиц.
Се сомнева дека вчера во училиштето донел список за убивање и нож.
Момчето е испрашувано од полицијата по наредба на Вишото јавно обвинителство во Белград, а се вели дека станува збор за ученик во седмо одделение.
Сите околности на инцидентот сè уште се утврдуваат, а деталите не се познати.