Во доверлива белешка на американската државна секретарка Хилари Клинтон за амбасадите на САД во земјите од Персискиот залив, Саудиска Арабија и другите држави во регионот се опишани како „банкомати за терористите“

Ова се содржи во најновите материјали што ги поседува фамозната интернет страница WikiLeaks, која почна со објавувањето на 250 илјади тајни документи на американските дипломати и Стејт департментот во кои и ма оценки за многу држави во светот и навредливи и непријатни карактеристики за светските лидери.Така, како што пренесува во понеделникот британски Guardian, американската државна секретарка Хилари Клинтон во белешката од декември 2009 г. укажува на неуспехот на земјите од Персискиот залив да ги блокираат финансирањата на терористичките групи како што е Ал Каеда, ота на талибанското движење, на пакистанската екстремна организација Лашкар-е-Таиба итн.Саудиска Арабија е најгоелмиот светкис извор за финансирање на милитантните групи, но саудиската влада е бескорисна во запирањето н протокот на овие пари, навела Клинтон.„Мора да се стори повеќе, имајќи предвид дека Саудиска Арабија останува клучна база за финансирањето на Ал Каеда, талибаните, Лашкар-е-Таиба и другите терористички групи“, рекла државната секретарка на САД, како што депешата Guardian. Притоа Клинтон апелира до американските дипломати да ги удвојат нивните напори за да го спречат протокот на тие пари од земјите од Персискиот залив до екстремистите во Пакистан и во Авганистан. „Донаторите во Саудиска Арабија претставуваат најзначаен извор на финансирање за сунитските терористички групи низ целиот свет“, стои меѓу другото во белешката на Хилари Клинтон.Покрај Саудиска Арабија, американската државна секретарка одбележала уште три арапски држави како извори за финансирање на радикалните милитантни групи,а тоа се Кувајт, Катар и Обединетите Арапски Емирати. Како што наведува британскиот весник, овие доверливи документи откриваат дека насилството во Авганистан и Пакистан делумно е поттикнато и од богатите конзервативни донатори од државите во Персискиот залив, а дека нивните влади прават многу малку да ги спречат во тоа. Проблемот бил особено изразен во Саудиска Арабија во која милитантите доаѓаат заедно со милионите аџии и основаат лажни компании а да соберат пари, се наведува во белешките што ги објавува WikiLeaks.