Свет
Австралиски весник објави писмо од Асанж
Основачот на Викиликс Џулијан Асанж испрати писмо до австралискиот весник „The Australian“ во кое порачува дека Викиликс заслужува заштита, а не напади и закани поради тоа што без страв објавува „факти за доброто на јавноста“
Во текстот објавен под наслов „Не го убивајте гласникот бидејќи открива непријатна вистина“, Асанж потсетува на 1958 година и младиот Роберт Мурдок, тогашен сопственик на два весника, кој напишал дека во „трката помеѓу тајноста и вистината, се чини дека вистината неизбежно победува“.„Демократските општества имаат потреба од силни медиуми, а Викиликс е дел од медиумите. Медиумите им помагаат на владите да останат чесни. Викиликс откри некои болни вистини за војните во Ирак и Авганистан и објави ексклузивни приказни за корпоративната корупција“, пишува Асанж.Според него Викиликс изнедри еден нов вид на новинарство, а тоа е научното новинарство. Идејата да се формира овој сајт била да се искористи интернет технологијата за објавување на вистината а еден нов начин.„Нема ништо полошо од тоа кога некоја влада го лаже народот со војна, барајќи од граѓаните за таа лага да го положат својот живот и своите пари. Доколку е војната оправдана, кажете ја вистината и народот нека одлучи дали ќе ја поддржи“, смета Асанж.Џулијан Асанж деновиве прима бројни пораки од сите краишта на светот. Некој бараат негова ликвидација, а други го бодрат и сметаа дека се потребни уште неколку „Џулијани“ за да не се претвори светот во една голема диктатура.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украина ги повлекува тенковите Абрамс од борба: Пет од нив веќе се уништени во руските напади
Украина ги повлече од борбата тенковите Абрамс М1А1 испратени до неа од САД, делумно затоа што нападите со руски беспилотни летала ја попречија работата на тие тенкови и затоа што тие се цел на напади, изјавија за АП двајца американски воени претставници.
Засега, тенковите се преместени од првите линии на фронтот, а САД ќе соработуваат со Украинците за да најдат нова тактика за користење на тие тенкови, изјавија заменик-претседателот на Здружениот генералштаб, адмирал Кристофер Грејди и неименуван претставник на одбраната.
САД одобрија испраќање 31 тенк Абрамс во Украина во јануари 2023 година, откако украинските власти побараа нивна испорака, тврдејќи дека тенковите, кои чинат по околу 10 милиони долари, се од витално значење за пробивање на руските борбени линии.
Оттогаш фронтот значително се промени, особено поради употребата на руски извидувачки беспилотни летала, што им отежна на украинските сили да ги заштитат тенковите Абрамс од руски напади, бидејќи беспилотните летала брзо ги откриваат, наведува АП.
Агенцијата додава дека пет од 31 тенк Абрамс веќе се уништени во руските напади.
Свет
Јенс Столтенберг: Украина се уште може да ја добие војната против Русија
Генералниот секретар на НАТО Јенс Столтенберг изјави дека Украина се уште може да победи во војната против Русија, но дека сојузниците ќе мора повеќе да се ангажираат за Киев да ја добие поддршката што ја вети Алијансата.
Во четвртокот, на состанокот на непрофитната организација „Атлантски мост“ во Берлин, Столтенберг рече дека членките на НАТО сега треба да го претворат она што и го ветија и обврзаа на Украина во итна испорака на оружје и муниција, објави Киев Индипендент.
„Во последните месеци, членките на НАТО не ја дадоа поддршката што ја ветија“, рече Столтенберг.
Свет
Во Аргентина откриен нов вид диносаурус
Аргентинските палеонтолози објавија дека откриле нов вид диносаурус, наречен Chakisaurus nekul, кој живеел пред околу 90 милиони години во областа на денешна Патагонија.
Chakisaurus nekula е тревојаден диносаурус со средна големина, а фосилот е пронајден во природниот резерват Пуебло Бланко, во јужната провинција Рио Негро, каде што претходно биле пронајдени бројни остатоци од други диносауруси, цицачи и риби.
Се смета дека најголемиот чакисаурус достигнал големина од три метри во должина и 70 сантиметри во висина, а новите студии покажуваат дека овој тип на диносаурус трчал брзо и имал невообичаено закривена опашка, наведува Ројтерс.