Актуелниот белоруски претседател Александар Лукашенко е пред нова победа на претседателките избори, бидејќи излезните анкети покажуваат дека е во водство со 72,03 отсто од гласовите, а неговиот најблизок конкурент Андреј Саников има 6,33 отсто.

Како што изјавил шефот на аналитичкиот центар EKOOM, Сергеј Мусиенко, според податоците до 13 часот Александар Лукашенко е во водство со 72,03 отсто од гласовите, Григориј Костусев има 1,49, Алексеј Михалевич – 0,84, Владимир Нилјаев – 4,49, Јарослав Романчук – 3,36, Виталиј Риманишевскиј – 1,64, Андреј Саников – 6,33, Николај Саткевич – 1,6, Виктор Терештенко – 1,96 и  Дмитриј Ус -. 0,47 . Можноста да се гласа против сите претседателски кандидати, пак, ја искористиле 5,75 отсто од гласачите.Истражувањето  на изборот на гласачите било спроведено на сто избирачки места а биле анкетираните 4.431 лица. За да победи уште во првиот круг од претседателските избори, Лукашено траба да освои повеќе од 50 отсто од гласовите на избирачите коишто излегле на изборите. Во вториот круг, според белорускиот изборен закон, одат двајцата кандидати и со најмногу освоени гласови во првиот круг, а крајниот победник се утврдува со освојување на просто мнозинство од гласовите. Исто така, според законот, изборите се признаваат како регуларни, ако на нив излезат повеќе од 50 проценти од гласачите во избирачкиот список во Белорусија, во кој се запишани 7.095.000 гласачи. Како што објавила Централната изборна комисија на прес-конфренција, изборите се одржуваат без поголеми нарушувања. Првпат по повеќе години белоруската изборна комисија во недела наутро добила само еден приговор – за тоа дека на набљудувачите не им било дозволено да присустуваат на едно гласачкото место. Ова се четврти претседателски избори во Белорусија. На листата со кандидати за претседател има девет претенденти меѓу кои најголемиот фаворит е актуелниот претседател Александар Лукашенко, кој на чело на земјата дојде во 1994 г. а беше реизбран и во 2001 и во 2006 г. За лседење на претседателските избори во Белорусија има акредитирано 930 меѓународни изборни набљудувачи и околу 18 илајди домашни набљудувачи, а изборите ги покриваат повеќе од 600 странски новинари