Долниот дом на руската Дума може да го ратификува новиот договор за ограничување на стратешкото вооружување ткн. нов START веќе во петок, најави првиот руски парламентарец Борис Гризлов.

Претседателот на руската Дума, Борис Гризлов, рекол дека Долниот дом на парламентот би можел да гласа за конечната ратификација на Договорот за намалување на стратешкото вооружување веќе во петок, доколку ратификацијата на американскиот Сенат „не влијае врз текстот на договорот“, пренесува РИА Новости.Гризлов додал дека рускиот парламент се уште не го примил текстот на резолуцијата прифатена во Сенатот, која се очекува во Москва да стигне во текот на четвртокот.„Постои информација дека резолуцијата содржи неколку услови. Ако условите (коишто ги поставил американскиот Сенат за ратификација на СТАРТ-от во средата), не влијае на главниот текст од договорот, ние можеме да го ратификуваме уште утре“, рекол Гризлов цитиран од Agence Frence Presse.„Ако, пак, од друга страна, американскиот документ не соодветствува на очекувањето на руската страна, постои можност за неколку сценарија според кои би можеле да се одвиваат натаму случувањата. Би можеле прво во првото читање да го прифатиме Законот за ратификација, а потоа и амандманите на текстот“, изјавил претседателот на Думата, пренесува руската агенција Итар-Тасс.Во средата американскиот Сенат со 71 глас „за“ и 26 „против“, го ратификуваше новиот СТАРТ договор со кој за една третина се намалува бројот на нуклеарните боеви глави во арсеналите на двете држави, а за половина се намалуваат системите за нивна испорака.Новиот СТАРТ за третина го намалува и бројот на разместените стратешки нуклеарни боеви глави на двете страни, на 1.550 парчиња од сегашниото ограничување на по 2.220 за секоја од државите.За половина се намалув аи бројката на интерконтиненталните проектили и стратешките бомбардери во секојод двете држави, на ппо 700 и по 100 во резерва. Договорот повтроно го воспоставува и системот за верификација и проверка на нуклеарниот арсенал на секоја од страните на 18 пати годишно каков постоеше и со стариот СТАРТ кој важеше до декември 2009 г. Договорот за новиот СТАРТ, на 8-ми април годинава во чешката престолнина Прага го потпишаа америакнскиот и рускиот претседател Барак Обама и Дмитриј Медведев. Неговото конечно стапување на сила ќе се случи откако ќе го ратификува и долниот дом  на рускиот парламент, што се очекува во најскоро време. Новиот СТАРТ и ќе го замени стариот договор сега познат како СТАРТ 1 кој истече во 2009 г. а за кој се вели дека ја обезбеди стабилноста меѓу двете неуклеарни сили чии арсенали го сочинуваат 95 отсто од светското нуклеарно вооружување.