Свет
Илјадници го дочекаа „Мави Мармара“ во Истанбул
Илјадници луѓе во истанбулското пристаниште го дочекаа враќањето на бродот „Мави Мармара“ кој во мај се обиде да ја мине израелската поморска блокада за појасот Газа носејќи хуманитарна помош и оттогаш траеше неговото враќање. „Мави Мармара“ во мај, заедно со уште пет бродови од Флотилата на хуманоста сакаше да ја пробие блокадата на појасот Газа која што ја контролира палестинското исламистичко движење Хамас. На бродот имаше и тројца македонски државјани активисти на хуманитарната организација ИХХ, којашто од европските и американските власти е осомничена за соработка со терористички организации.Израелските командоси тогаш упаднаа на бродот и во инцидентот загинаа девет турски државјани. И двете страни досега меѓусебно се обвинуваат за предизвикување на крвавиот инцидент. Флотилата сакаше да однесе разни продукти во Газа, но израелските власти не дозволуваа, туку сите бродови мора да пристигнат во Ашдерот од каде по ригорозната проверка на стоката што ја пренесуваат, меѓу кои се и градежни материјали, со камиони по сувоземен пат ја пренесуваат во Газа.Бродот „Мави Мармара“ досега беше на поправка. Овој инцидент ги расипа дотогаш одличните турско-израелски односи. Турција побара официјално извинување од Тел Авив и отштети за семејствата на загинатите активисти. Израел одбива да го стори тоа, тврдејќи дека станува збор за провокација и напад врз неговите војници. Потоа Израел под влијание на целокупната светска јавност ги омекна ригорозните услови за внесување стоки во Газа, што е воведено во 2007 година. Денеска во истанбулското пристаниште имало илјадници луѓе со палестински и турски знамиња кои го дочекале бродот со повиците „Алах е голем“, додека стотици про-палестински активисти на чамци го дочекале впловувањето на бродот во пристаништето./крај/афп/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.