Свет
ОН бараат испраќање на нови мировници на Брегот на слоновата коска.
Потсекретарот на ОН за мировни операции Алан Ле Роа денеска изјави дека од Советот за безбедност ќе побара да одобри испраќање на околу две илјади нови мировници во Брегот на слоновата коска
„Имам намера да побарам дополнителни трупи и очекувам дека тоа ќе биде формализирано во текот на следните денови. Станува збор за од илјада до две илјади дополнителни војници“, изјави вчера вечер Алан Ле Роа по затворената седница на Советот за безбедност на ОН во Њујорк.На Брегот на Слоновата Коска моментално се наоѓаат околу 10 илјади сини шлемови, а секретарот за мировни операции посочи дека е потребно да се испратат дополнителни сили од повеќе причини, меѓу кои е и заштита на новоизбраниот претседател Аласан Куатара, кој се обидува од еден хотел во Абиџан да управува со земјата.Според потсекретарот за мировни операции, 15-те членки на Советот за безбедност реагирале позитивно на предлогот за зголемување на трупите.За да се реализира ваквото барање Советот за безбедност претходно треба да усвои резолуција со која ќе биде одобрено испраќањето на нови мировници во Брегот на Слоновата Коска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.