Свет
Заврши референдумот за независност на јужен Судан
Избирачките места во Џуба, престолнината на полуавтономната покраина на јужен Судан се затворени во саботата навечер а комисијата за спроведување на референдумот објави дека веднаш по затворањето почнува и пребројувањето на гласовите
„Гласањето е завршено, ливчињата ќе бидат чувани на безбедно место, а пребројувањето ќе почне уште вечерва“, изјавил Џозеф Карин, претставник на изборната комисија во Џуба за AFP. Комисијата соопшти дека на референдумот излегле повеќе од 80 отсто од четирите милиони гласачи.„Тоа е извонреден резултат имајќи ги предвид сите меѓународни нормативи. Следев повеќе избори во оваа земја и можам да кажам дека овие беа најмирни и најдобро организирани“, го цитира агенцијата претседателот на комисијата за спроведување на референдумот, Мохамед Ибрахим Калил.Уште во четвртокот беше соопштено дека одѕивот на избирачите во текот на референдумот кој траеше една седмица изнесува повеќе од 60 проценти, што беше доволно за валидност на плебисцитот. Се очекува првите резултати да бидат соопштени во следните неколку денови, а конечниот исход од референдумот треба да биде соопштен во првата половина од февруари. Победата на поддржувачите на независноста на јужните судански покраини според аналитичарите не е доведена во прашање, а како што известуваат и светските агенции таква атмосфера владее и меѓу населението. Единствено се очекува колкав ќе биде процентот на поддршката што ќе ја добијат политичарите коишто се залагаа за отцепувањето на јужните покраини од унитарниот Судан. Инаку централната влада на Судан не водеше никаква кампања за убедување на населението од југот за останување во унитарната заедница. Аналитичарите очекуваат мнозинскиот христијански, со нафта богат јужен Судан да се одвои од претежно муслиманскиот север, а власта на север вети дека доколку референдумот успее, ќе дозволи мирно да се одвои јужниот дел.Во саботата според дописниците на агенциите во Картум, главниот град на Судан, атмосферата не била весела, по се’ поизвесното делење на најфолемата африканска држава, во кој северот има 32 милиона а на југот живеат девет милиони население. Се’ поизвесното изгласување на независноста ќе значи дека ќе биде формирана 193-та држава во светот која според најавите ќе биде втемелен во април, кога според мировниот договор со кој заврши граѓанската војна во југот на Судан, истекува шестгодишниот преоден период. Конфликтите во Судан без прекин траат веќе неколку децении. Граѓанската војна меѓу северот и југот на Судан којашто траеше од 1955 до 1972 г. заврши во обезбедувањето на одреден степен на автономија и внатрешно управување за јужните држави. Примирјето траеше околу десет години, по што вооружениот конфликт ги обнови Народната армија за солободување на Судан.Мировните преговори меѓу бунтовниците од југот и владата во 2003 и 2004 г., дојдоа до посакуваните резултати за мир. Во 2005 г., двете страни потпишаа сеопфатен мировен договор, според кој на 9 јануари 2011 г. ќе се одржи референдум. На плебисцитот населението од јужниот дел на Судан ќе одлучи дали да остане во составот на унитарниот Судан или да ќе формираат независна држава.Покрај Народната армија за ослободување на Судан, во јужниот дел на земјата дејствуваат уште неколку бунтовнички групи, кои истакнуваат свои барања. И покрај мировниот договор од 2005 г., се’ уште има спорадични судири меѓу нив.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел: Макрон не е добредојден додека не ја преиспита одлуката за признавање на Палестина
Израелскиот министер за надворешни работи Гидеон Саар изјави дека посетата на францускиот претседател Емануел Макрон на Израел не е на дневен ред додека не ја преиспита својата одлука за признавање на палестинска држава.
Во телефонски разговор со неговиот француски колега Жан-Ноел Баро, Саар ја повика Франција да ја „преиспита“ својата иницијатива за признавање на палестинска држава, според соопштението на израелското Министерство за надворешни работи.
„Додека Франција ги продолжува своите напори и иницијативи што се спротивни на интересите на Израел, таквата посета нема да биде можна“, рече Саар.
Кон крајот на јули, францускиот претседател објави дека Франција ќе ја признае Палестина како држава на Генералното собрание на ОН во септември. Повеќе од десетина западни земји, вклучувајќи ги Канада, Австралија, Белгија и Словенија, се придружија и ги повикаа другите земји од целиот свет да го сторат истото.
Одлуката предизвика тензии меѓу двете земји, а израелскиот премиер Бенјамин Нетанјаху минатиот месец го обвини францускиот претседател за „разгорување на пламенот на антисемитизмот“ во Франција.
Израелската национална телевизија Кан вчера објави дека Нетанјаху го одбил барањето на Емануел Макрон да го посети Израел, цитирајќи го поранешниот француски пратеник Мејер Хабиб.
Во разговор со францускиот министер за надворешни работи Баро, израелскиот министер за надворешни работи рече дека француската иницијатива „ја загрозува стабилноста на Блискиот Исток и ги поткопува националните и безбедносните интереси на Израел“.
Свет
Путин призна дека на Русија ѝ се заканува недостиг на гас
Рускиот претседател Владимир Путин изјави дека Русија се соочува со недостиг на гас, резултат на повеќемесечната кампања на украински напади врз енергетската инфраструктура на земјата, објави „Киев Индепендент“, повикувајќи се на „Москва Тајмс“.
Изјавата доаѓа во време кога Украина се обидува да изврши економски притисок врз Русија и да ја поткопа нејзината способност да ја финансира војната.
Зборувајќи на Источниот економски форум во Владивосток, Путин рече дека знаците на недостиг на гас се веќе видливи на рускиот Далечен Исток. Тој рече дека снабдувањето со нови бизниси може да биде предизвик и дека се очекува значително зголемување на побарувачката на гас во Далечниот Источен Федерален округ во наредните години.
Путин не ги прецизираше причините за потенцијалниот недостиг, но предложи префрлање на резерви на јаглен, за кои тврди дека „ќе траат речиси илјада години“.
Од почетокот на инвазијата во 2022 година, Украина таргетираше десетици рафинерии, складишта на нафта и воено-индустриски објекти со дронови со долг дострел за да ги попречи воените напори на Москва. Киев неодамна ги засили нападите пред можните мировни преговори, кои следеа по средбата на американскиот претседател Доналд Трамп со Владимир Путин во Алјаска на 15 август и со претседателот Володимир Зеленски во Вашингтон на 18 август.
Нападите ја нарушија способноста на Русија да рафинира и извезува нафта и предизвикаа недостиг на бензин во некои руски региони, како и во окупираниот Крим.
Во меѓувреме, по три години војна во Украина, Европа објави план за забрана на целиот увоз на руски гас.
Свет
Вашингтон го тужеше Трамп: „Присилната окупација мора да престане“
Вашингтон ја тужеше администрацијата на Доналд Трамп поради распоредувањето на Националната гарда во главниот град на САД.
Тужбата, поднесена во федералниот суд, бара од судот да издаде наредба со која се забранува распоредувањето на Националната гарда. Одлуката за распоредување се смета за неуставна и крши неколку федерални закони.
„Вооружените војници не треба да ги надгледуваат американските граѓани на американска почва“, напиша главниот обвинител на округот Колумбија, Брајан Швалб, на X.
„Присилната воена окупација на Вашингтон е кршење на нашата локална автономија и основни слободи. Мора да престане“, додаде тој.
Откако се врати во Белата куќа во јануари, американскиот претседател Доналд Трамп се обиде да ја прошири улогата на војската на американска територија, што критичарите го сметаат за опасно проширување на извршната власт што може да поттикне тензии меѓу војската и обичните граѓани.
Алиу потврди дека Кардиохирургија не прави операции оти нема анестезиолози и најави ад хок решение: лекари од Словенија ќе ги пополнуваат празнините
Со билатерален договор за мобилност на лекари и медицински сестри меѓу Словенија и Македонија ќе се пополнуваат празнините во нашиот...
10-годишно момче нападнато во училиштен ходник од врсници, го навредувале и му се заканувале, а снимале и со телефон
Врсничко насилство е регистрирано во полицискиот билтен, што се случило вчера во Основно училиште во скопската населба Карпош. Според информацијата,...
Тројца пешаци удрени со автомобили за еден ден во Скопје, едниот возач побегнал
Во текот на еден ден, тројца пешаци беа удрени од автомобили на различни локации во градот. Првиот инцидент се случи...
Пријавени осум случаи на непотребни операции на срце, ќе ги оценуваат и експерти од Словенија, Италија и Австрија
Јавна здравствена установа пријавила осум случи за извршени непотребни кардиохируршки интервенции во интерната комисија што ја формира Министерството за здравство...
Бројот на жртви во несреќата во Лисабон се зголеми на 17, повредени 21 лице
Бројот на повредени во несреќата во Лисабон, кога жичницата „Глорија“ излета од шините, се искачи на 17, а 21 лице...
Златен медал за Македонија на Европската јуниорска олимпијада по информатика во Бугарија
На 9-тата по ред Европска јуниорска олимпијада по информатика (ЕЈОИ 2025), која од 29-ти август до 4-ти септември се одржува...
Кривична пријава против петмина вработени во Агенцијата за храна и ветеринарство: не се појавувале на работа, а примале плата
СВР Куманово поднесе кривична пријава против Р.Е.(51) од село Слупчане, општина Липково, З.А.(59) од Скопје, Н.Б.(61) од Битола, А.Б.(59) од...
Нетанјаху ја одби посетата на Макрон на Израел по објавата дека ќе ја признаат Палестина
Израелскиот премиер Бенјамин Нетанјаху го отфрли барањето на францускиот претседател Емануел Макрон да го посети Израел пред очекуваното признавање на...
Ким по средбата со Путин: Целосно ја поддржуваме Русија, тоа е наша братска должност
Севернокорејскиот лидер Ким Џонг Ун изјави дека неговата земја ќе продолжи „целосно да ја поддржува“ Русија и нејзината војска како...
Захарова: Странска војска во Украина е неприфатлива, нема да разговараме за тоа
Русија не планира да разговара за распоредување на странски трупи во Украина во кој било формат и го смета за...
(Видео) Португалија во шок по несреќата со жичницата, 15 мртви: „Се движеше со полна брзина“
Португалија е во шок бидејќи 15 лица загинаа кога жичницата „Глорија“, стара 140 години, една од главните туристички атракции во...
(Видео) Сајкоски: ВМРО-ДПМНЕ оди на сигурна победа на локалните избори и работи за добро на граѓаните
Вчера вечер ИК на ВМРО-ДПМНЕ одржа редовна седница на која се дискутираше за состојбата во државата и растот на економијата...
Путин: Ако Зеленски е подготвен за состанок нека дојде во Москва
Рускиот претседател Владимир Путин денес изјави дека не ја исклучува можноста за средба со украинскиот претседател Володимир Зеленски и предложи...
Калас: Во Пекинг се собра автократски сојуз кој го доведува во прашање меѓународниот поредок
Високиот претставник на Европската Унија за надворешна политика, Каја Калас, денес изјави дека претседателите на Кина, Шји Џјингпинг, Русија, Владимир...
Сиљановска наместо да ги брани државните интереси, повторно е мегафон на ВМРО-ДПМНЕ, велат од СДСМ
Претседателката Гордана Сиљановска-Давкова уште еднаш покажа дека не е претседател на сите граѓани, туку гласноговорник на ВМРО-ДПМНЕ и нејзините дневнополитички...
Прилепчанец фатен со 35 килограми марихуана: пред 20 дена излегол од затвор за трговија со трога
На регионалниот пат Битола- Прилеп денеска полициски службеници, во рамки на засилените активности во борбата против недозволена трговија со дрога,...
Претседателката со остри критики: По толку бели линии апсурдно е да се зборува за црвени линии, ние и референдумски резултат не почитувавме
Претседателката Гордана Сиљановска – Давкова вели дека не го разбира предлогот на СДСМ за изготвување резолуција со црвени линии. Таа...
Мерц: Путин е најголемиот воен злосторник на денешницата
Кремљ денеска соопшти дека ставовите на германскиот канцелар Фридрих Мерц за мировните преговори за Украина треба да се игнорираат откога...
(Видео) Петрушевски: Коцевски е главната карика во синџирот на СДС за прислушувањето на Мицкоски, на новинари и на бизнисмени
СДС го прислушкувале претседателот Мицкоски, новинари и бизнисмени за да се одржат на власт, ги користeле службите за партиски цели,...
(Видео) Кузеска: Итна декласификација за случајот со АНБ
СДСМ бара итна декласификација на целата документација поврзана со случајот што власта се обиде да го претстави како наводна афера...
