Свет
Во Алжир обиди за протестно самозапалување
Случаи на четири лица кои се обиделе да извршат самоубиство со самозапалување се регистрирани во последните неколку дена во различни области на Алжир, објавија на алжирските медиуми
На овој начин луѓето го искажат својот протест од лошата социјална состојба, големата невработеност во Алжир и недостигот од простор за домување во државата. Според полицијата, обидете за самозапалување се случиле во провинциите Тебесаa, Џиџел, Бумердес како и во главниот град. Возраста на самоубијците се движи меѓу 27 и 40 години. По насилствата и промената на власта во Тунис, за што во западните медиуми веќе се употребува терминот „револуција на јасминот“, во целиот регион на африканскиот север се интензивираа антирежимските протести. Демонстрации за поддршка на настаните во Тунис, и во знак на протест против нивните влади, заради високите цени на намирниците и лошите услови за живеење веќе се одржаа во Мавританија, Мароко, Алжир. Во Алжир, еден бран демонстрации со социјална заднина се совпадна со немирите во Тунис. Демонстрациите, во кои учесници се главно млади луѓе стануваат посмасовни и се шират во повеќето регионит во Северна Африка. Според Министерството за внатрешни работи на Алжир, во судирите на демонстрантите со полицијата во повеќе градови загинале три лица, околу 800 биле повредени, а околу илјада луѓе беа уапсени. Материјална штета се проценува од повече милиони долари. По интервенција на владата, жестоките операции на полицијата и ветувањата за намалување на цените на храната, ситуацијата во Алжир е стабилизирана. Сепак, поради новите обиди за разгорување на ситуацијата во земјата по настаните во Тунис, каде што на немирите ја зафатија целата земја, кои исто така започнаа со саможртвата на еден млад човек во провинцијата, алжирски безбедносни сили се во состојба на готовност. Во Алжир, земја со речиси 35-милионско население, околу 23 отсто од граѓаните живеат под нивото на сиромаштијата. Невработеноста, достигнувајќи просек од 13 отсто, најсилно се чувствува кај младите луѓе – околу 20 проценти. Во земја хронично има недостиг од простор за домување, особено за младите семејства. Вреди да се спомене дека Алжир е еден од најголемите извозници на нафта и гас во Африка, членка е на ОПЕК и на Форумот на земјите извознички на гас. Во 2010 г, приходите на Алжир од извозот на енергија изнесува 55,7 милијарди долари Во почетокот на 2010 г., владата на Алжир го одобри планот за развој на инфраструктурата за 2010-2014, во кој се предвидува инвестиција од 286 милијарди долари. Станува збор за изградба на железничка пруга и на патишта, како и хидро проекти. Според владините планови треба да бидат изградени два милиона станбени единици и да се создадат три милиона нови работни места. Проектите покриваат области како што се земјоделството, енергетиката, образованието, спортот и културата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.