Свет
Осуден банкарот што дотури информации до WikiLeaks

Швајцарскиот суд во средата го осуди поранешниот банкар Рудолф Елмер, кој се прочу по доставувањето до фамозната интернет страница илјадници документи за големи даночни затајувања како виновен за кршење на правилата за безбедност на банката и го осуди на парична казна од 7.200 швајцарски франци
Како што јави Reuters, казната за поранешниот швајцарски банкар Рудолф Елмер вклучува и двегодишна условна казна за повторување на делото, што се смета за поблага казна отколку што предлагаше обвинителството – осум месеци во затвор и две илјади франци парична казна. Во текот на судењето во Цирих, Елмер кој во 2002 г. беше отпуштен од работа во банката „Julius Baer“, изјавил дека одлуката да ги украдат доверливите информации ја донел како одговор на вознемирувањето на работното од страна на неговиот поранешен работодавец. Елмер додал дека со откривањето на тајните банкарски информации за даночните власти, медиумите а потоа и до WikiLeaks, тој се обидел да разобличи големи бизнисмени и влијателни политичари коишто затајувале даноци. Педесет ипет-годишниот Елмер мина еден месец во истражен притвор во 2005 г. кога првпат беше подигнато обвинение против него.„Јас сум критичар на системот и сакам да ја кажам на јавноста вистината што се случува во овие лигави оази“, изјави Елмер кој на Кајмански Острови ја водел филијалата на швајцарската банка со услуги за богатите клиенти.Елмер на прес-конференција пред судењето изјави дека банката кон него и неговото семејство спроведувала „психотерор“ и му нуделе награда од 500 илјади франци да молчи. Меѓутоа Елемр кој работел за уште две значајни швајцарски панки Credit Suisse и KPMG негирал дека му се заканувал на работодавачот, и изјавил дека тој никогаш не добил пари за откривање доверливи информации за клиенти на банката. Во понеделникот, Елмер во Лондон на основачот Џулијан Асанж на фамозната интернет страница која се прослави со објавувањето на тајните документи на американската армија за војните во Ирак и во Авганистан, како и тајната преписка меѓу дипломатсктие претставници на САД ширум светот и Стејт департментот, му даде дискови со информации за повеќе од две илјади офшор банкарски сметки на јавните личности од САД и Велика Британија и некои азиски земји. Како што претходно самиот Елмер рече во итнервјуто за Reuters, WikiLeaks бил неговата последна надеж да и ги пренесе на јавноста информациите за даночното затајување.Инаку миантат година една од најголемите швајцарски банки USB под притисок на американските судови и Вашингтон беше принудена да ја прекрши фамозната швајцараска банкарска гаранција содржана и во тамошните закони, и до американските правосудни власти да достави 4.500 банкарски досиеја за америкаснки државјани кои затајувале даноци со префрлање пари на оф-шор компании, купувања скапи подароци итн. Под истиот притисок се наоѓаат уште швајцарски банки, а властите протестираа зашто сметаат дека кршењето на славната швјцарска банкарска тајна може да влијае врз кредибилитетот на швајцарскиот банкарски систем.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Заменик началникот на ВМА: Состојбата на пациентите од Македонија е тешка

Заменикот началник на воената медицинска академија, Иван Лековиќ, денес изјави дека шест пациенти биле транспортирани во оваа здравствена установа и дека еден пациент е згрижен во воената болница во Ниш и посочи дека сите се во тешка и сериозна состојба.
Во изјавата на Министерството за одбрана се наведува дека пациентите биле транспортирани во три медицински возила и транспортниот авион на српската армија и дека еден пациент е згрижен во воената медицинска болница во Ниш. Сите пациенти кои биле примени во Воената медицинска академија се на помлада возраст, од 1998 до 2007 година, и тие се на единици за интензивно леќење, а нивната состојба е тешка и сериозна. „Ги преземавме сите мерки на интензивно лечење и ги искористивме сите наши ресурси за да им помогнеме на овие луѓе и да им помогнеме на луѓето од Северна Македонија“, рече Лековиќ.
Зборувајќи за процесот на повреди тој истакна дека сите пациенти биле во многу сериозна состојба.
„Покрај изгорениците што ги имаат сите, пациентите имаат и знаци и симптоми на труење од чадот, како и инхалациони повреди, односно оштетување на органи за дишење со топол воздух и материјали од пожарот. Лечењето е долготрајно, изискува бројни операции, вклучување на бројни други специјалисти – пулмолози, кардиолози, невролози, пластични хирурзи“, рече Лековиќ, според тамошните медиуми.
Тој додаде дека сите оперативни интервенции се изведуваат во повеќе акти и дека ќе треба да направат одредени засеци, да ги елиминираат овие оштетени површини и да ги покриваат изгорените површини со различни видови трансплантации.
„Сето тоа бара време и многу напор“, рече полковникот Лековиќ, додавајќи дека пациентот кој бил примен во болницата во Ниш, бил опериран и дека е во сериозна состојба.
Тој изјавил дека тие испратиле тим од шест члена до Македонија, кој се состои од двајца хирурзи пластичари, анестезиолог, анестетичар и двајца медицински техничари.
„Тие останаа во Скопје за да им помагаат на колегите од Северна Македонија во операцијата на пациентите. Ќе бидат таму сè додека е потребно“, истакна Лековиќ.
Македонија
Вучиќ ги посети повредените од пожарот во дискотеката од Македонија: Ќе биде добро, лекарите велат да не се грижите

Српскиот претседател Александар Вучиќ ги посети повредените во пожарот од дискотеката во Северна Македонија кои се на лекување во Клиничкиот центар на Србија.
„Ќе биде добро. Лекарите велат да не се грижите“, му кажа претседателот на еден од повредените, кој лежи во болнички кревет покриен со завои.
– Ви благодарам, тие се одлични лекари – одгови младиот пациент.
„Само држете се, ви посакувам се најдобро, не плачете, ќе бидете добро“, и рече претседателот на девојка додавајќи дека состојбата е донекаде сериозна, но нејзиниот живот не е во опасност.
„Имав можност да ги посетам луѓето кои беа повредени во страшната трагедија во Македонија. Тука лежат 9, во КЦС“, забележа тој на почетокот.
– Степенот на изгореници се движи од 4 проценти до многу повисоко ниво, за да не се исплашат семејствата. Најголем проблем за неколку пациенти се повредите на белите дробови. Но, тука. Невозможно е да се најдат подобри услови некаде во Европа. „Ќе ни дојдат уште 12 пациенти, со што вкупниот број ќе се искачи на 29“, нагласи Вучиќ.
„Уште еднаш изразувам сочувство до братскиот македонски народ“, рече тој.
Слушнавте, потсети претседателот, млад човек на триесет години кој рече „само да можам ова да го преживеам“.
Во Србија синоќа пристигнале 17 повредени, а се очекува да пристигнат уште 12.
Македонија
Утре ден на жалост и во БиХ поради трагедијата во Македонија

Владата на Босна и Херцеговина на денешната итна седница донесе одлука со која 18 март 2025 година го прогласи за Ден на жалост во Федерацијата Босна и Херцеговина поради трагедијата во Северна Македонија.
Оваа одлука е донесена за да се изрази сочувство до семејствата на жртвите од трагедијата што се случи на 15 март 2025 година во градот Кочани, Северна Македонија, кога најмалку 59 лица ги загубија животите во пожар.
Денот на жалост се одбележува со задолжително истакнување на знамето на Босна и Херцеговина на половина копје, или на јарболот, на зградите на законодавните, извршните и судските власти, јавните институции, институциите и другите правни лица на територијата на Федерацијата БиХ.
На Денот на жалост не може да се одржуваат културно-забавни програми на јавни места во Федерацијата БиХ, а медиумите на територијата на Федерацијата БиХ се обврзани да ја усогласат и прилагодат својата програмска содржина на Денот на жалоста.