Свет
Владата не брка од центрите и си чисти образ

Владата си го чисти образот пред меѓународната заедница со тоа што ни го брише статусот на раселени лица.
РАСЕЛЕНИТЕ ОД ТЕТОВСКО РЕАГИРААТ
Владата си го чисти образот пред меѓународната заедница со тоа што ни го брише статусот на раселени лица. Сакаат да покажат дека веќе нема внатрешно раселени лица, иако нема услови да се вратиме во нашите домови. Кој ќе не прими во Европа со бегалци во својата земја, реагираат раселените од тетовскиот крај на одлуката на Министерството за труд и социјална политика, да им биде укинат статусот раселени лица.
– Врз својот народ вршат притисок. Ни велеа да гласаме за нив оти тие ќе ги направеле нашите домови безбедни, ни велеа да не излегуваме на референдумот за повторно да не дојде до етнички конфликт. Кој ја гарантира нашата безбедност? Едвај чекаат да стапнеме во нашите домови и да кренат раце од нас. Имав свој дуќан, а сега сум просјак, се жали еден тетовец сместен во Студентскиот дом “Пелагонија” во Скопје.
Тој вели дека на неговото и на неколку други семејства веќе две години им е укинат надоместокот за исхрана и дека само престојуваат во домот. На другите семејства кои се хранеле во студентскиот дом од неделата, тоа право им е укинато со известување од заменикот-министер за труд и социјална политика.
Тие велат дека известувањето што го добиле нема правно дејство.
– Со тој лист хартија не можеме да се жалиме. Во судот ни велат дека нема одлука според која ние сме го добиле статусот “раселени лица” и дека според тоа правно ништо не ни одзеле. Ни велат дека сето тоа е политика. Од дома не избркаа маскирани вооружени лица и ни ги уништија куќите – велат раселените од Тетовско.
Тетовци се жалат дека некои од семејствата кои се вратени во своите домови го злоупотребуваат статусот “раселени лица”. Тие ја повикуваат Антикорупциската комисија да провери според кои критериуми Министерството за труд и социјална политика пререгистрира и ги отпишува внатрешно раселените лица.
(В.В.А)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Министерство за одбрана на САД: Испраќањето војници во Лос Анџелес ќе нè чини околу 134 милиони долари

Проценетите трошоци за распоредување на Националната гарда и маринците во Лос Анџелес се 134 милиони долари (117,3 милиони евра), според Брин Мекдонел, специјален помошник на секретарот Хегсет, објави Ен-би-си Њуз.
Таа рече дека тие трошоци се главно поврзани со патување, сместување и оброци.
Таа одговараше на прашање од претставникот Пит Агилар, демократ од Калифорнија, кој побара проценка на трошоците за распоредување на Националната гарда и маринците како одговор на протестите во Лос Анџелес.
Свет
(Видео) Демократите до секретарот за одбрана на Трамп: „Каде да ги најдеме парите за испраќање војници во Лос Анџелес?“

За време на денешното сослушување во Одборот за доделување средства во Претставничкиот дом, американскиот министер за одбрана Пит Хегсет беше принуден да објасни како ќе се финансира распоредувањето на Националната гарда и маринците во Лос Анџелес, објави Си-ен-ен.
Хегсет рече дека Министерството за одбрана „ќе има можност да покрива итни случаи“ според барањето за буџет за фискалната 2026 година.
Претставничката од Минесота, Бети Меколум, највисоката демократска членка во поткомитетот, го притисна Хегсет за детали за тоа како најновиот потег на администрацијата ќе влијае на буџетот.
„Колкава е моменталната цена на она што се случува во Калифорнија и како тоа ќе влијае на овој буџет или на буџетот според кој моментално работиме?“, праша Меколум за време на денешното сослушување. „Каде, господине, ќе ги најдете средствата во вашиот ограничен буџет за покривање на овие распоредувања за остатокот од оваа фискална година и какви празнини остава тоа?“
I’m proud to say that Pete Hegseth is a Minnesotan.pic.twitter.com/LOIuV8UBuk
— Dustin Grage (@GrageDustin) June 10, 2025
Хегсет првично избегна директен одговор, повторувајќи дека верува оти Службата за имиграција и царина „има право безбедно да спроведува операции во секоја држава и јурисдикција во земјата“, осврнувајќи се на протестите во Минеаполис во 2020 година, кога, според него, Националната гарда била мобилизирана „премногу доцна“.
Мекколум и републиканскиот претставник Кевин Калверт од Калифорнија, претседател на поткомитетот, го натераа дополнително да даде одговор.
Хегсет на крајот одговори дека според новото барање за буџет, Министерството за одбрана „ќе има средства за покривање на вонредни состојби, особено оние важни како одржувањето на законот и редот во голем американски град“.
Свет
(Фото) Маринците пристигнаа во Лос Анџелес

Стотици американски маринци пристигнаа во Лос Анџелес, а подоцна денес се очекуваат уште, по наредба на претседателот Доналд Трамп, кој претходно распореди 4.000 војници на Националната гарда за да ги смират протестите и покрај противењето на локалните лидери.
Немирите беснеат во градот со денови откако администрацијата на Трамп започна серија имиграциски рации во петокот, иако локалните власти изјавија дека протестите вчера биле во голема мера мирни.
Marines with 2nd Battalion, 7th Marines, who were placed in an alert status over the weekend to support #USNORTHCOM mission, prepare to depart for the greater Los Angeles area June 9. pic.twitter.com/xUDw0byvqd
— U.S. Northern Command (@USNorthernCmd) June 9, 2025
Околу половина од околу 700 маринци на кои Трамп им нареди да влезат во Лос Анџелес пристигнаа доцна синоќа, а останатите ќе влезат во градот денес, изјави американски функционер за Ројтерс.
Карен Бас, градоначалничката на Лос Анџелес, изјави за телевизијата KABC дека повеќе од 100 лица биле уапсени во понеделник, но дека повеќето од демонстрантите биле ненасилни.
Во текот на викендот, демонстрантите фрлаа камења и други предмети кон полицајците и возилата и запалија неколку автомобили. Полицијата одговори со шок бомби и солзавец.