Свет
Кавако Силва реизбран за претседател на Португалија

Досегашниот португалски претседател Анибал Кавако Силва повторно е избран за шеф на земјата по првиот круг од претседателските избори, откако освои повеќе од 53 отсто од гласовите, покажуваат официјалните податоци по пребројувањето на речиси 99 отсто од гласовите.На второ место меѓу шесте претседателски кандидати е Мануел Алегре предложен од владејачките португалски социјалисти кој освоил 19 отсто од гласовите.Инаку овие избори беа проследени со рекорден процент на апстиненција на гласачите во цела Португалија. Повеќе од 53 отсто од избирачите не излегоа на избирачките места што е најмногу откако во 1974 година во Португалија беше воведена демократијата.Се очекува дека 71-годишниот економист Анибал Кавако Силва, кој беше предложен од опозициската Социјалдемократска партија на десниот центар, да ги поддржи настојувањата на социјалистот премиер Жосе Сократес за намалување на буџетскиот дефицит со остри мерки за штедење што треба да помогнат земјата да се извлече од големата должничка криза.Претседателската функција во Португалија е повеќе церемонијална, но на претседателот му се дадени овластувања да го смени премиерот и да го распушти парламентот. По падот на диктатурата во 1974 г., сите претседателски кандидати се избирани по два мандата.Кавако Силва десет години, од 1985 г. до 1995 г. беше премиер на Португалија./крај/афп/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Со Путин е договорен прекин на огнот за енергетските и инфраструктурните објекти

Американскиот претседател Доналд Трамп изјави дека во денешниот телефонски разговор со неговиот руски колега Владимир Путин се договорил за итен прекин на огнот меѓу Русија и Украина во сите енергетски и инфраструктурни објекти.
„Се согласивме на итен прекин на огнот на сите енергетски и инфраструктурни објекти, со разбирање дека ќе работиме брзо за да постигнеме целосен прекин на огнот и, на крајот, да ставиме крај на оваа многу страшна војна меѓу Русија и Украина. Оваа војна никогаш немаше да започне ако јас бев претседател“, рече Трамп на Truth Social.
Тој додаде дека имал „многу добар и продуктивен“ разговор со Путин и дека разговарале за „многу елементи од мировниот договор, вклучувајќи го и фактот дека илјадници војници умираат“.
„Тој процес сега е во полна сила и ефект, и се надеваме, заради човештвото, дека ќе ја завршиме работата“, рече Трамп.
Свет
Гутереш ги повика Израел и Хамас целосно да го почитуваат прекинот на огнот во Газа

Генералниот секретар на Обединетите нации Антонио Гутереш денеска ги повика Израел и палестинската милитантна група Хамас целосно да го почитуваат прекинот на огнот во Појасот Газа.
Тој рече дека Палестинците во Појасот Газа се подложени на „неподносливо страдање“ додека израелските напади продолжуваат немилосрдно.
Гутереш им рече на новинарите во Женева дека улогата на ОН е меѓународната заедница да изврши притисок врз Израел и Хамас целосно да го почитуваат прекинот на огнот во Појасот Газа, пренесе Ал Џезира.
Министерството за здравство на Хамас објави дека повеќе од 400 луѓе, главно палестински деца и жени, биле убиени во текот на ноќта во израелските напади врз Појасот Газа.
Свет
Ница ја погоди земјотрес со јачина од 4,1 степени

Земјотрес со јачина од 4,1 степени според Рихтер вечерва ја погоди областа во близина на францускиот град Ница, соопшти Европскиот медитерански сеизмолошки центар (EMSC).
Земјотресот се случил на 16 километри северно од Ница, каде живеат околу 340.000 жители, додава EMSC.
Земјотресот се случил на длабочина од десет километри.