Свет
Партијата на Путин за погребување на телото на Ленин
Владејачката партија Единствена Русија (ЕР) не ја отфрла можноста од поднесување на иницијатива балсамираното тело на Владимир Илич Ленин да се изнесе од мавзолејот на Црвениот плоштад во Москва и да се погребе
Висок функционер на партијата Единствена Русија, Андреј Воробјов во понеделникот за агенцијата РИА Новости рече дека оваа иницијатива е актуелна.Партијата минатата недела на својот сајт постави линк http://goodbyelenin.ru, каде што посетителите можат да гласаат дали се за погребување на телото на Ленин или не.Досега гласале повеќе од 262 илјади граѓани, од кои околу 70 отсто се изјасниле за, а 30 отсто против.Погребувањето на Ленин „од христијански и човечки побуди“ го поддржува и Либерално-демократската партија на Владимир Жириновски, а сличен став има и Руската православна црква.Единствено за останување на Ленин во мавзолејот се залагаат комунистите.Се’ посилни се шпекулациите дека телото на Владимир Илич Ленин наскоро ќе биде изнесено од мавзолејот на Црвениот плоштад во Москва, откако официјалните изјави ги демантираа изјавите дека лидерот на советската револуција засекогаш ќе остане тука.Тврдокорните комунисти во петокот одбележаа 87 години од смртта на Ленин, додека другите политички личности ја одбележаа годишнината така што ја обновија расправата за тоа што да се прави со неговото тело.Одлуката за тоа дали гробницата ќе биде отстранета од Црвениот плоштад ќе ја донесе политичкото раководство на земјата, рекол неименуван извор од Кремљ.Заменикот претседател на владејачката партија, Обединета Русија, Владимир Медински, напишал на итнернет страницата на партијата дека присуството на Ленин во срцето на земјата е потполно апсурдно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украина ги повлекува тенковите Абрамс од борба: Пет од нив веќе се уништени во руските напади
Украина ги повлече од борбата тенковите Абрамс М1А1 испратени до неа од САД, делумно затоа што нападите со руски беспилотни летала ја попречија работата на тие тенкови и затоа што тие се цел на напади, изјавија за АП двајца американски воени претставници.
Засега, тенковите се преместени од првите линии на фронтот, а САД ќе соработуваат со Украинците за да најдат нова тактика за користење на тие тенкови, изјавија заменик-претседателот на Здружениот генералштаб, адмирал Кристофер Грејди и неименуван претставник на одбраната.
САД одобрија испраќање 31 тенк Абрамс во Украина во јануари 2023 година, откако украинските власти побараа нивна испорака, тврдејќи дека тенковите, кои чинат по околу 10 милиони долари, се од витално значење за пробивање на руските борбени линии.
Оттогаш фронтот значително се промени, особено поради употребата на руски извидувачки беспилотни летала, што им отежна на украинските сили да ги заштитат тенковите Абрамс од руски напади, бидејќи беспилотните летала брзо ги откриваат, наведува АП.
Агенцијата додава дека пет од 31 тенк Абрамс веќе се уништени во руските напади.
Свет
Јенс Столтенберг: Украина се уште може да ја добие војната против Русија
Генералниот секретар на НАТО Јенс Столтенберг изјави дека Украина се уште може да победи во војната против Русија, но дека сојузниците ќе мора повеќе да се ангажираат за Киев да ја добие поддршката што ја вети Алијансата.
Во четвртокот, на состанокот на непрофитната организација „Атлантски мост“ во Берлин, Столтенберг рече дека членките на НАТО сега треба да го претворат она што и го ветија и обврзаа на Украина во итна испорака на оружје и муниција, објави Киев Индипендент.
„Во последните месеци, членките на НАТО не ја дадоа поддршката што ја ветија“, рече Столтенберг.
Свет
Во Аргентина откриен нов вид диносаурус
Аргентинските палеонтолози објавија дека откриле нов вид диносаурус, наречен Chakisaurus nekul, кој живеел пред околу 90 милиони години во областа на денешна Патагонија.
Chakisaurus nekula е тревојаден диносаурус со средна големина, а фосилот е пронајден во природниот резерват Пуебло Бланко, во јужната провинција Рио Негро, каде што претходно биле пронајдени бројни остатоци од други диносауруси, цицачи и риби.
Се смета дека најголемиот чакисаурус достигнал големина од три метри во должина и 70 сантиметри во висина, а новите студии покажуваат дека овој тип на диносаурус трчал брзо и имал невообичаено закривена опашка, наведува Ројтерс.