Свет
Од НАТО знаеле дека Тачи е криминалец

Британскиот весник „Гардијан“ објави наводи од тајните документи на НАТО, во кои косовскиот премиер Хашим Тачи е означен како една од „најголемите ѕверки“ во синџирот на организираниот криминал.
Објавувањето на информациите се случува денес кога во Парламентарното собрание на Советот на Европа се расправа за резолуцијата на Дик Марти, за трговијата со човечки органи на Косово и во Албанија.
„Гардијан“ пишува и за високиот функционер од партијата на Тачи, Џавид Халити, кого специјалниот известувач Марти го означи како припадник на таканаречената Дреничка група.
Според податоците од документот Халити е „ тој кој го контролира Хашим Тачи и ја претставува силата која стои зад премиерот“.
Весникот, повикувајќи се на тајниот документот на НАТО, пренесува дека американските и останатите западни сили биле запознаени со повеќегодишните криминални врски на членовите на косовската влада.
Тајниот документ вели дека Халити има врска со наводните заплашувања на политичките противници на Косово и две убиства во Албанија кон крајот на 90-те.
Лондонскиот весник заклучи дека специјалниот известувач Марти некои од своите заклучоци за Халити кого го спомнува во својот извештај , ги донел врз основа на податоците до кои дојде НАТО./крај/гд/ми
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Русија и Украина утре ќе разменат 175 воени заробеници

Русија и Украина утре ќе разменат 175 воени заробеници од двете страни, изјави претседателот Владимир Путин за време на телефонскиот разговор со неговиот американски колега Доналд Трамп.
-Путин објави дека на 19 март руската и украинската страна ќе разменат по 175 затвореници, се вели во соопштението на Кремљ.
Белата куќа, од своја страна, објави дека Трамп и Путин се договориле за 30-дневен прекин на огнот во енергетскиот и инфраструктурниот сектор на Украина и дека преговорите за ставање крај на конфликтот ќе започнат „веднаш“.
Тие разговори ќе бидат на Блискиот Исток, соопшти Белата куќа, пофалувајќи ги „огромните придобивки од подобрените односи“ меѓу САД и Русија
Свет
Трамп: Со Путин е договорен прекин на огнот за енергетските и инфраструктурните објекти

Американскиот претседател Доналд Трамп изјави дека во денешниот телефонски разговор со неговиот руски колега Владимир Путин се договорил за итен прекин на огнот меѓу Русија и Украина во сите енергетски и инфраструктурни објекти.
„Се согласивме на итен прекин на огнот на сите енергетски и инфраструктурни објекти, со разбирање дека ќе работиме брзо за да постигнеме целосен прекин на огнот и, на крајот, да ставиме крај на оваа многу страшна војна меѓу Русија и Украина. Оваа војна никогаш немаше да започне ако јас бев претседател“, рече Трамп на Truth Social.
Тој додаде дека имал „многу добар и продуктивен“ разговор со Путин и дека разговарале за „многу елементи од мировниот договор, вклучувајќи го и фактот дека илјадници војници умираат“.
„Тој процес сега е во полна сила и ефект, и се надеваме, заради човештвото, дека ќе ја завршиме работата“, рече Трамп.
Свет
Гутереш ги повика Израел и Хамас целосно да го почитуваат прекинот на огнот во Газа

Генералниот секретар на Обединетите нации Антонио Гутереш денеска ги повика Израел и палестинската милитантна група Хамас целосно да го почитуваат прекинот на огнот во Појасот Газа.
Тој рече дека Палестинците во Појасот Газа се подложени на „неподносливо страдање“ додека израелските напади продолжуваат немилосрдно.
Гутереш им рече на новинарите во Женева дека улогата на ОН е меѓународната заедница да изврши притисок врз Израел и Хамас целосно да го почитуваат прекинот на огнот во Појасот Газа, пренесе Ал Џезира.
Министерството за здравство на Хамас објави дека повеќе од 400 луѓе, главно палестински деца и жени, биле убиени во текот на ноќта во израелските напади врз Појасот Газа.