„Њујорк Тајмс“ (САД)

„Бесни демонстрации во Висконсин во екот на кратењата“ е насловот на текстот, во кој весникот опишува како илјадници демонстранти упаднале во зградата каде што е канцеларијата на гувернерот на оваа сојузна држава, републиканецот Скот Волкер, кој е на таа функција шест недели. Демонстрантите се бесни поради планот на гувернерот да побара јавните службеници да плаќаат повеќе за нивното здравствено осигурување и за пензиите, со што им се намалувала заработувачката за седум проценти. „Гардијан“ (Велика Британија)

„Колин Пауел бара одговори зошто ЦИА го излажала за оружјата за масовно уништување“ е насловен текстот во кој пишува дека поранешниот американски Државен секретар зошто разузнавачите пропуштиле да го предупредат дека ирачкиот информатор признал дека ги фабрикувал информациите за оружјата за масовно уништување во Ирак. Откако весникот го откри името на информаторот, Пауел вината ја префрла кај службите што ја сокриле оваа информација. „Чајна дејли“ (Кина)

Општинските власти во Пекинг објавија пакет на правила со кои се ограничува купувањето на домови во престолнината, со цел да ги скротат побеснетите цени на имотот во градот. Пакетот следи по мерките на централната влада со кој се затега купувањето на имот, за да се „олади“ пазарот, пишува весникот во текстот со наслов “Пекинг ги затегнува рестрикциите за купување станови“. „Москва Тајмс “ (Русија)

По двојниот напад од женски бомбаши-самоубијци во московското метро во март минатата година, медиумските извештаи предупредуваат дека жените кои носат муслимански шамии може да се соочат со вербални или дури и физички напади, пишува весникот во текстот под наслов „Муслиманските шамии ја тестираат вербата, толеранцијата“. Предупредувањата се далеку од тоа да бидат неосновани,откако неколку инциденти поврзани со верска омраза се случија неколку часа по бомбашките напади. Во еден од нив, потсетува весникот, две жени со муслимански9 шамии биле исфрлени од воз во метрото.