Свет
Чавез со Гадафи за формирање на блок на пријателски земји
Претседателот на Венецуела Уго Чавез разговарал со либискиот лидер Моамер ел Гадафи за создавање на блок пријателски земји кои би посредувале за решавање на кризата во Либија.
Претседателот на Венецуела Уго Чавез разговарал со либискиот лидер Моамер ел Гадафи за создавање на блок пријателски земји кои би посредувале за решавање на кризата во Либија.Ова ноќеска го соопшти венецуелскиот министер за информирање Андрес Изара, пренесува Асошиејтед прес.Чавез, кој е во пријателски врски со Гадафи, разговарал со либискиот лидер во вторникот, соопшти Изара преку социјалната мрежа Твитер.Венецуела меѓу сојузниците во Латинска Америка веќе го покрена прашањето за создавање на блок од нации кој би се нарекувал „Комитет на мирот“ и кој би посредувал во решавање на кризи.Венецуелските власти не соопштија како Гадафи реагирал на овој предлог.Шефот на дипломатијата на Венецуела Николас Мадуро оцени дека создавањето на таков блок би помогнало да се разреши конфликтот во Либија, при тоа додавајќи дека владата во Каракас смета дека за прекин на насилствата во таа земја на северот на Африка, треба да се користи дипломатија, а не воени закани.Мадуро ги критикуваше претставниците на САД и Европската унија(ЕУ) поради приклонувањето кон политиката на изолирање на Гадафи и разгледување на можноста за пружање на воена помош на Либијците кои се побунија против својот лидер.Уго Чавез изјави дека нема да се приклучи на осудите на Гадафи и предупреди дека Вашингтон подготвува воена инвазија врз Либија.Чавез во повеќе наврати ја посети Либија откако стана претседател, а Гадафи во 2004. година го одликуваше со својата годишна награда во областа на човековите права поради борбата против „ефектите на империјализмот и против непријателот на слободата внатре и надвор“ од Венецуела. /крај/ап/б/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Паника во Лондон: На сред возење извадил нож и избол човек пред патниците
Продолжува потрагата по напаѓачот кој избоде маж во воз пред очите на преплашени патници.
Човекот кој бил нападнат се здобил со повреди опасни по живот во нападот што се случил во јужен Лондон. Засега нема уапсени, а полицијата ги повикува сведоците да дојдат во станицата.
На само тринаесет километри, друга станица е затворена и евакуирана поради дојава за напад со нож. На дел од видеата може да се види како осомничениот вчера шетал по улиците на Лондон носејќи маска, вооружен со голем нож, пренесува „Јутарњи лист“.
Од службите за превоз во Лондон подоцна соопштиле дека метро станицата Кенингтон била затворена поради инцидент со патниците, додека приказните за напад со нож кружеле на социјалните мрежи.
Според медиумите, не се пронајдени врски меѓу инцидентите во Кенингтон и Бекенхем.
Регион
Државниот хрватски инспекторат повлече KitKat чоколада од продажба
Државниот хрватски инспекторат го повлече од пазарот производот Nestle KIT KAT Mini Waffle поради присуство на минерални масла, извести Хрватската агенција за земјоделство и храна, пренесе Индекс.хр.
Како што објаснуваат во соопштението, станува збор само за Nestle KIT KAT Mini 200 грама во кесичка (производ од вафли прелиен со млечно чоколадо), серија 40580734, со рок на употреба 01.2025 година.
Производител е Nestle Deutschland AG, Франкфурт, Германија, а производот е пласиран на пазарот од Nestle Adriatic d.o.o., Загреб, Хрватска.
Свет
Родителите на Кејт Мидлтон се нејзиниот темел додека таа бори во најтешката животна битка
Во петокот, принцезата од Велс го шокираше светот со веста за нејзината болест.
„Таа има навистина тесен круг на пријатели, особено во Норфолк, таму има многу блиски пријатели“, изјави за странските медиуми за принцезата Кејт Мидлтон, кралскиот експерт Кејти Никол. Таа неодамна и откри на јавноста дека и е дијагностициран рак, по неколкумесечни шпекулации дека нејзината здравствена состојба не е добра, но и дека се повлече од јавноста затоа што нејзиниот сопруг Вилијам ја изневерил.
Никол појасни кој всушност претставува основа на се, во животот на принцезата.
„Нејзиното безбедно пристаниште дефинитивно се нејзините родители, братот Џејмс и сестрата Пипа. Иако не ги гледаме често на заеднички фотографии, тие речиси секогаш се некаде блиску до неа. Тие се апсолутно нејзиниот темел”, рекол тој. Со неговата изјава се согласија и следбениците на социјалните мрежи кои раскажаа како Кејт се дружела со мајка си откако дознала за тешката дијагноза, бидејќи знаела дека може да и каже такви информации, но и дека ќе добие утеха и совет. Нејзините родители ја поддржувале во веројатно најтешките моменти од нејзиниот живот.
Керол и Мајкл Мидлтон добиле олеснување кога слушнале дека ракот е откриен во рана фаза и се чувствувале безбедно бидејќи нивната ќерка е на превентивна хемотерапија.
„Кетрин ќе ги има најдобрите доктори на светот кои ќе ја чуваат, така што таа е во сигурни раце. Керол и Мајкл отсекогаш биле силна двојка и многу приземни. Она што сега го прават е да се здружат и да ја поддржуваат неа, и не само Вилијам и Кејт, туку и нивните внуци“.
Братот Џејмс испрати порака за поддршка на својата постара сестра. Тој објави фотографија кога биле деца и и посвети прекрасни зборови:
„Искачивме многу планини заедно низ годините. Како семејство, оваа ќе ја искачиме со вас.