Свет
Гадафи се согласи со доаѓање на хуманитарниот тим на ОН
Генералниот секретар на ОН, Бан Ки Мун го именуваше поранешниот министер за надворешни работи на Јордан, Абделилаха Ал – Катиба за нов претставник за Либија
Тој соопшти дека полковникот Моамер ел-Гадафи се согласил да дозволи доаѓање на хуманитарниот тим на ОН кој треба да изврши процена во Триполи во моментите кога борбите меѓу бунтовниците и силите лојални на Гадафи се заоструваат.Либискиот лидер ја обвини Франција за мешање во внатрешните работи на Либија и ја обвини Ал Каеда за антирежимска побуна во земјата. На прашањето за француската поддршката на новоформиран Национален совет – привремената влада која ја формирале бунтовниците во Бенгази, Гадафи одговорил дека тоа е мешање во внатрешните работи.„Тоа е мешање во внатрешните работи, А што ако ние се мешаме во внатрешните работи на Корзика и Сардинија“ прашува Гадафи во интервју кое денеска го емитуваше француската телевизија France 24, пренесува АFP.Според Гадафи заверата во Либија ја испровоцирале вооружени екстремисти и ќелиите на Ал Каеда.„Ние сме партнери во борбата против тероризмот“ потсети Гадафи.Во соопштението на канцеларијата на генералниот секретар на ОН се констатира дека цивилите биле изложени на насилство и се повикува на итно престанување на непропорционалната употреба на сила од страна на владините сили.Бунтовниците во градот Завиј, 50 километри од Триполи, тврдат дека вчера одбиле нов напад на владините сили, поголем отколку претходните, додека во Бенгази бунтовниците формирале Преоден национален совет, кој од меѓународната заедница бара да го признае како единствена влада во Либија.Вчера вооружени хеликоптери го нападнаа и важниот нафтен центар Рас Лануф, кој исто така го зазедоа бунтовничките сили. Според процените на ОН, во текот на немирите во Либија кои траат скоро три недели загинале повеќе од 1.000 лица, додека околу 200.000 бегалци ја напуштиле земјата
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Учениците во Италија ќе ја повторуваат годината поради недоличното однесување
Италијанскиот парламент усвои закон со кој на наставниците и професорите им се дозволува да отпуштаат ученици поради недолично однесување. Целта на новата мерка е да се заштитат наставниците од агресивно однесување на учениците.
Воведувањето оценки за поведението им овозможува на училиштата да воведат повторување на годината за учениците само врз основа на нивното лошо однесување. Средношколците и учениците од високите училишта чие владеење е оценето со пет или помалку од максималните десет ќе паднат во годината и ќе мора да ја повторат дури и ако имаат добри оценки по други предмети, пренесува РТС.
Оние кои ќе постигнат шест во поведението ќе мора да полагаат граѓански тест.
Оценките во поведението значително ќе влијаат и на можноста за полагање на клучниот испит „матура“, кој е задолжителен за добивање на завршната диплома.
Новата мерка предизвика бурни реакции во Италија, а многумина велат дека е многу слична на онаа што ја усвоија властите на Бенито Мусолини во 1924 година.
Министерот за образование Џузепе Валдитара вели дека реформата на „оценките од поведението“ ќе го врати значењето на индивидуалната одговорност, почитувањето на другите и јавниот имот и ќе го врати авторитетот на наставниците.
Законот воведе и казни за агресивно однесување кон воспитно-образовниот кадар, кои се движат од 500 до 10.000 евра.
Италијанското здружение на просветни работници АНП го поддржа усвојувањето на законот. Од почетокот на годинава има драстично зголемување на бројот на инциденти во однос на лани – дури 110 проценти, пренесува медиумот.
Според написите, на наставниците често морало да им се укаже медицинска помош, а во многу случаи главни актери на инцидентите биле родителите на учесниците.
Претседателот на АНП, Антонело Џанели, истакна дека законот е чекор напред.
Свет
Во хакерски напад украдени имињата на холандски полицајци
Имињата на сите холандски полицајци се украдени во сајбер напад, изјави денеска министерот за правда на земјата.
Дејвид ван Вел, министерот за правда и безбедност во Холандија, попладнево во писмо до Претставничкиот дом на Холандија рече дека вчера бил информиран од началникот на полицијата дека „податоци поврзани со работата“ на сите полицајци во Холандија биле украдени во хакерски напад.
Сè уште не е јасно кои точно детали се украдени, но во писмото се вели дека хакерскиот напад не влијаел на „приватните и на податоците од истрагите“.
Полицијата го истражува инцидентот и холандскотот тело за заштита на податоците е известено, рече ван Вел. Тој додаде дека ќе му достави на Парламентот повеќе детали кога ќе станат достапни.
Тој за холандскиот печат изјави дека владата проценува дали има некакви ризици за тајните службеници.
Регион
Вучиќ: Работите во светот не одат во добра насока, Косово е многу комплициран јазол
Работите во светот „не одат во добра насока“, оцени денеска во Њујорк српскиот претседател Александар Вучиќ на крајот од шестдневниот престој во САД по повод заседанието на Генералното собрание на Обединетите нации.
„Единствената суштинска вест овде е Блискиот Исток“, изјави тој за РТС.
„Блискиот исток го јаде американското внимание, не сум сигурен дека тоа е добра вест за Украина. Европа прави се за да ја запре таа војна“, рече Вучиќ и нагласи дека приоритет мора да биде прекинот на конфликтот во Украина.
Тој рече дека имал повеќе разговори на тема политика и економија и оти „за првпат биле остварени важни контакти“ за економски напредок на Србија.
Вучиќ рече дека „ситуацијата во рударството и енергетиката“ во Србија ќе мора да се подобри бидејќи „лошо им оди“, додека „индустриското производство добро расте, производството расте, но потребни се повеќе инвеститори“, рече Вучиќ.
Тој рече и дека „немал лесни разговори“ за Косово и дека не може да зборува за деталите од средбите.
„Тоа е многу комплициран јазол. Мораме да го зачуваме мирот, да ги зачуваме животите, опстанокот и напредокот на нашето население на Косово, зачувувајќи ја правната и политичката државност на Србија и интересите на сите граѓани на Србија“, изјавил Вучиќ.
„Ќе се погрижиме да не направиме ниту една грешка, никој да не може нам ништо да ни забележи и да се зголемува силата на нашата економија и да се зголемува нашата поддршка за нашиот народ на Косово“, заклучил Вучиќ.