Свет
Британија и САД ги повикаа своите граѓани да ја напуштат зоната околу Фукушима
Британците и Американците денеска ги повикаа своите државјани да се евакуираат од северната зона околу јапонската нуклеарна централа Фукушима 1, каде што јапонските власти се борат да спречат нуклеарна катастрофа од поголеми размери по оштетувањата предизвикани од земјотресот и цунамито во Јапонија.
Британците и Американците денеска ги повикаа своите државјани да се евакуираат од северната зона околу јапонската нуклеарна централа Фукушима 1, каде што јапонските власти се борат да спречат нуклеарна катастрофа од поголеми размери по оштетувањата предизвикани од земјотресот и цунамито во Јапонија.
Цунамито ги онеспособи системите за разладување на реакторот во централата Фукушима 1 на североистокот на земјата, пренесува агенцијата Франс прес.
Американската амбасада во Токио денеска упати совет до сите американски граѓани да се евакуираат од кругот на 80 километри околу Фукушима. Американската војска истото го направи за своите војници.
Јапонската влада денеска соопшти дека е подготвена да побара помош од американската војска за да се спречи нуклеарна катастрофа.
Британскиот Форин офис подели слични инструкции за британските граѓани, односно напуштање на критичната зона околу Фукушима.
Франција беше првата земја што уште во неделата им препорача на своите граѓани да ја напуштат областа околу Токио поради можно зголемено зрачење. /крај/афп/б/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Блинкен пристигнува во Израел, седми пат од почетокот на војната
Американскиот државен секретар во вторник ќе го посети Израел, седми пат по нападот на палестински Хамас на 7 октомври врз јужен Израел и војната што следеше со израелскиот одговор во Појасот Газа.
Јавниот сервис Кан објави дека Блинкен ќе дојде во Израел за да разговара за најавената операција на израелската армија во Рафах, како и за напорите да се обезбеди пауза во борбите и да се ослободат повеќе од 100 заложници кои ги држеше Хамас.
Блинкен моментално е во посета на Кина.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Европа
Уапсен украински министер
Украинските антикорупциски тела денеска го уапсија министерот за земјоделство Микола Солски. Судот на министерот му изрече превентивна мерка притвор во траење од 60 дена, до 24 јуни. Сепак, Солски ќе биде ослободен од притвор доколку плати кауција од 75,7 милиони гривни (околу 1,7 милиони евра).
Обвинителството побара притвор поради ризик од попречување на истрагата, влијание врз сведоци и бегство. Тие истакнаа дека Солски во текот на вонредната состојба неколку пати ја минувал границата.
Адвокатот одговори дека Солски ја преминал границата поради службени патувања, освен во еден случај кога заминал на договорено отсуство. Тој се осврна и на тоа дека Солски како функционер може да патува во странство само со согласност на премиерот. Тој исто така изјави дека нема докази дека Солски би можел да се меша во истрагата или да влијае на сведоците.
Солски вчера понуди оставка откако беше осомничен за вмешаност во незаконско стекнување државно земјиште. Обвинителите тврдат дека Солски бил фатен дека поседува државно земјиште во вредност од 291 милион гривни и дека се обидел да добие друго земјиште во вредност од 190 милиони гривни.
Солски ги негира обвиненијата, за кои обвинителите велат дека се однесуваат на настани од 2017 до 2021 година, пред да стане министер за земјоделство во март 2022 година. Солски е еден од најбогатите функционери во администрацијата на претседателот Володимир Зеленски.
Ако плати кауција, ќе мора да ја предаде својата обврзница на властите и нема да му биде дозволено да разговара со други осомничени и сведоци во случајот.