Меѓународната агенција за атомска енергија (IAEA), пред повеќе од две години, ја предупредила Јапонија дека силен потрес би можел да преставува „сериозен проблем“ за неговите нуклеарни централи.

Меѓународната агенција за атомска енергија (IAEA), пред повеќе од две години, ја предупредила Јапонија дека силен потрес би можел да преставува „сериозен проблем“ за неговите нуклеарни централи. Ова го покажува една строго доверлива депеша која ја објави „Викиликс“, а ја пренесува британскиот весник „Телеграф“. Американската депеша открива дека стручњакот на  „IAEA“ бил загрижен од фактот што јапонските реактори биле конструирани да можат да издржат потреси до 7 степени според Рихтеровата скала. Според документот, функционер на „IAEA“ на состанокот на Групата за заштита и нуклеарна безбедност Г8, во Токио во 2008 година, рекол дека безбедносните системи на Јапонија се застарени. „Тој појаснил дека прописите за нуклеарна безбедност биле ревидирани само три пати во последните 35 години и дека истите „IAEA“ ги преиспитува“, пишува во известувањето од тој период. Функционерот предупредил дека се „работи за сериозен проблем, кој бара работи на сеизмолошката безбедност“, се додава во документот.Јапонската влада реагирала веднаш со формирање на центар за одговори на итни сосотојби во постројките во Фукушима, но нуклеарната централа и понатаму била способна да издржи потреси до 7 степени според Рихтеровата скала, пишува весникот „Телеграф“.   крај/telegraph/н.ц