Свет
Протестите во Јемен станаа смртоносни
Најмалку 28 луѓе се убиени и десетици се ранети откако безбедносните сили на Јемен отворија оган врз демонстрантите на универзитетскиот плоштад во престолнината Санаа, јавува Al Jazeera
Најмалку 28 луѓе се убиени и десетици се ранети откако безбедносните сили на Јемен отворија оган врз демонстрантите на универзитетскиот плоштад во престолнината Санаа, јавува Al JazeeraБезбедносните почнале да пукаат во демонстрантите во обид да ги спречат да излезат надвор од плоштадот каде што биле собрани. Групи на прорежимски насилници исто така почнале да стрелаат врз демонстрантите од куќите во близина на универзитетот. Според болнички извори, повеќето ранети се во критична состојба, а најголем број од убиените биле застрелани во главата или во вратот. Истите извори велат дека преку 200 луѓе биле донесени во болниците со рани од оружје и стравуваат дека конечниот биланс на загинати ќе биде многу поголем. Тие нападот врз демонстрантите го нарекоа „масакр“.На нападот му претходеше масовно собирање на демонстрантите ширум земјата, со исто барање претседателот Али Абдула Салех, кој со земјата владее 31 година, да си замине од власта. Претседателот Салех ги одбива повиците да се повлече од функцијата и вели дека тоа ќе го стори кога ќе му истече мандатот во 2013 година. Јемен, сосед на пребогатата Саудиска Арабија, е една од најсиромашните држави во регионот. /крај/Aljazeera/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Драма во Америка: во куќа пронајдени тела на пет лица, меѓу нив и деца
Телата на пет лица, меѓу кои и две деца, се пронајдени во куќа во Оклахома Сити, соопшти денеска американската полиција.
Получникот Гери Најт од полицијата на државата Оклахома изјави дека загинатите биле семејство и дека починале од насилна смрт, пренесува „Ен-би-си њуз“.
Најт додаде дека полицијата сè уште не може да открие што точно откриле инспекторите.
Полицијата беше испратена во дом на 20-ина милји западно од центарот на Оклахома Сити под сомнение дека таму се наоѓаат телата, рече Најт.
Според него, на сите тела имало повреди, кои изгледале како да се работи за убиство.
Свет
Швајцарија ги замрзна руските средства во вредност од 5,8 милијарди франци
Швајцарија го замрзна рускиот имот во вредност од 5,8 милијарди швајцарски франци или 5,95 милијарди евра, објави денеска Државниот секретаријат за економски прашања на земјата (SECO).
Оваа бројка се однесува на вкупната вредност на руските средства замрзнати од Швајцарија од почетокот на војната во Украина до крајот на 2023 година.
Вредноста на замрзнатите руски средства во Швајцарија е значително помала отколку на крајот на 2022 година кога изнесуваше 7,5 милијарди швајцарски франци, пренесува „Ројтерс“.
Регион
(Видео) Во Хрватска падна снег
На подрачјето на Горски Котар во Хрватска синоќа падна снег, а на места имаше и вистинска снежна покривка.
Снег ја зафати и горанската делница на автопатот А6 Риека – Загреб, но работниците на зимската служба минаа низ снегот и до утрово нема ограничувања во сообраќајот, јавува Н1.