Сириските безбедносни сили денеска убиле најмалку 20 демонстранти во градот Санамеин, пренесува телевизијата Al Jazeera, повикувајќи се на изјави на сведоци

Групата во која пукале силите за безбедност одела да им се приклучи на демонстрациите во градот Дараа, јужно од престолнината Дамаск, кој во изминативе две недели беше поприште на демонстрации и судири со безбедносните сили. Тие попат запалиле оган под споменикот на таткото на сегашниот претседател, Хафес ал-Асад, кој почина во 1980 година, што ги испровоцирало сите на редот да отворат оган со боева муниција.  Санамеин се наоѓа на 40 километри северно од Дараа. Во Дераа, пак, илјадници луѓе присуствува на погребот на 37-те демонстранти кои во средата беа убиени од силите на претседателот Башир ал-Асад. И покрај огромно присуство на силите за безбедност и нивната подготвеност да користат сила при разбивањето на демонстрациите, во градот се собраа луѓе од речиси сите околни места.  Демонстрантите во Дараа извикувале слогани против Мохар Асад, братот на претседателот, кој е командант на елитната Револуционерна гарда. Тие го повикуваа Мохар да не пука на демонстрантите, туку со своите трупи да ја ослободи висорамнината Голан, која Израел и ја одзема на Сирија во војната во 1967 година. Во Дамаск силите на редот привеле повеќе десетици демонстранти, кои учествувале во кусите демонстрации. Во градот Хама, се собрале повеќе стотици демонстранти, кои извикувале „ѕвони ѕвоното на слободата“, слоган кој се користеше при сите демонстрации на Блискиот исток. Во Хама во 1982 година сириските сили за безбедност задушија исламистичко востание, при што беа убиени илјадници луѓе.