Свет
ЕУ и САД бараат итно ослободување на кинескиот уметник
Европската Унија и Соединетите Американски Држави и се приклучија на меѓународната поддршка на кинескиот уметник – дисидент, Аи Веивеија, остар критичар на кинеските власти, кој исчезна овој викенд, пренесува Гардијан.
Европската Унија и Соединетите Американски Држави и се приклучија на меѓународната поддршка на кинескиот уметник – дисидент, Аи Веивеија, остар критичар на кинеските власти, кој исчезна овој викенд, пренесува Гардијан.Амбасадорот на ЕУ во Кина по реакциите на другите земји и организации за човековите права, изрази загриженост за судбината на уметникот Аи Веивеија.„Нашето внимание го привлече случајот на Аи Веивеија, познатиот уметник кој исчезна овој викенд додека се обидел да се качи на авион за Хонгконг“, се наведува во соопштението на амбасадорот на ЕУ во Кина, Маркус Едерер, пренесува Бета.„Ги повикуваме кинеските власти да се воздржат од произволно притворање под било какви околности“, додал Едерер.Портпаролот на Стејт департментот на САД, Марк Тонер, повика на итно ослободување на уметникот додавајќи: „Очигледно сме длабоко загрижени за трендот на присилни исчезнувања, нелегални притвори, апсења и обвиненија на активистите за човекови права кои го користеле своето меѓународно препознаено човеково право на слободата на говор“.Во последните 24 часа, САД, Британија, Франција и Германија изразија загриженост за судбината на овој уметник, кој неодамна го критикуваше режимот во Кина оценувајќи го како „нехуман“. Амнести интернешенал и други организации за човековите права исто така повикаа на негово ослободување. /крај/гардијан/бета/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.