Свет
СЗО: размена на примероци на вируси во замена за вакцини
Примероци на вирусите во иднина ќе се разменуваат на глобално ниво,, во замена за вакцините кои од нив ќе бидат произведени, соопшти Светската здравствена организација (СЗО)
Од СЗО истакнуваат дека размената е резултат на историскиот договор, чија цел е да се зголеми нивото на подготвеност за можните пандемии на грип.Преговорите помеѓу 193-те земји – членки на СЗО започнаа пред четири години, кога во југоисточна Азија се појави смртоносниот вирус Х5Н1. Една година подоцна, Индонезија престана да ги разменува примероците од вирусот со другите членки на СЗО, барајќи го својот дел од вакцините. На последната рунда преговори во Женева, кои траеја до доцна синоќа, договорен е предлог – договор, кој треба да го потпишат сите членки, вклучувајќи ги и САД, кои последни го потпишаа предлогот.„Преговорите се завршени. Рамковниот договор е постигнат“, изјави кусо ко-претседателот на преговорите кои беа затворени за јавноста, Хуан Хозе Гомез Kамачо од Мексико.Како што се вели во рамковниот договор, земјите би ги разменувале примероците од вирусите со мрежата на лаборатории на СЗО, во замена за вакцините кои би биле произведени од истите тие вируси и тоа по многу поволни услови. Фармацевтската индустрија со договорот се обврзува дека ќе донира лекови и знаење, со што ќе покрие половина од 58-те милиони долари потребни за годишните трошоци за поефикасна борба против пандемиите на грип во сиромашните земји.Министрите за здравство на земјите – членки би требало да го потпишат рамковниот договор, кој го вклучува и придонесот на фармацевтската индустрија, на редовниот годишен состанок на СЗО, кој годинава ќе се одржи од 16-ти до 24-ти мај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.
Свет
Украина ги повлекува тенковите Абрамс од борба: Пет од нив веќе се уништени во руските напади
Украина ги повлече од борбата тенковите Абрамс М1А1 испратени до неа од САД, делумно затоа што нападите со руски беспилотни летала ја попречија работата на тие тенкови и затоа што тие се цел на напади, изјавија за АП двајца американски воени претставници.
Засега, тенковите се преместени од првите линии на фронтот, а САД ќе соработуваат со Украинците за да најдат нова тактика за користење на тие тенкови, изјавија заменик-претседателот на Здружениот генералштаб, адмирал Кристофер Грејди и неименуван претставник на одбраната.
САД одобрија испраќање 31 тенк Абрамс во Украина во јануари 2023 година, откако украинските власти побараа нивна испорака, тврдејќи дека тенковите, кои чинат по околу 10 милиони долари, се од витално значење за пробивање на руските борбени линии.
Оттогаш фронтот значително се промени, особено поради употребата на руски извидувачки беспилотни летала, што им отежна на украинските сили да ги заштитат тенковите Абрамс од руски напади, бидејќи беспилотните летала брзо ги откриваат, наведува АП.
Агенцијата додава дека пет од 31 тенк Абрамс веќе се уништени во руските напади.
Свет
Јенс Столтенберг: Украина се уште може да ја добие војната против Русија
Генералниот секретар на НАТО Јенс Столтенберг изјави дека Украина се уште може да победи во војната против Русија, но дека сојузниците ќе мора повеќе да се ангажираат за Киев да ја добие поддршката што ја вети Алијансата.
Во четвртокот, на состанокот на непрофитната организација „Атлантски мост“ во Берлин, Столтенберг рече дека членките на НАТО сега треба да го претворат она што и го ветија и обврзаа на Украина во итна испорака на оружје и муниција, објави Киев Индипендент.
„Во последните месеци, членките на НАТО не ја дадоа поддршката што ја ветија“, рече Столтенберг.