Свет
Опасност од присуството на Ал Каеда во Либија?!
Стравот од исламистите е во сечие сеќавање во Либија. НАТО идентификуваше „знаци“ на исламистичко присуство во бунтовничките редови, а либиската пропаганда „се вози“ на истата порака и режимот убедува дека Ал Каеда стои зад бунтот, пишува францускиот печат
Од почетокот на конфликтот во Либија, полковникот Моамер ел-Гадафи ја повторува исламистичката закана во случај на интервенција на меѓународната коалиција и ги обвини бунтовниците во Тобрук и Бенгази дека се водени од исламскиот емират во Дерна. Муса Kуса, поранешниот либиски министер за надворешни работи кој пребегна во Лондон, исто така напомена за стравот од тоа да ја види својата земја како станува „една нова Сомалија“, пишува во понеделникот францускиот дневен весник L’еxpress. Како што пишува во продолжение парискиот весник, во неделата режимот на полковникот Гадафи остана упорен на оваа линија, и тврди дека „секојдневни се доказите за инволвираноста“ на Ал Каеда во конфликтот. Режимот тврди дека еден од лидерите на оваа организација со група свои борци бил на пат кон западниот град Мисрата кој е во рацете на бунтовницте„„Ние веруваме дека ќе биде многу опасно доколку овие луѓе успеат да се инсталираат во земјата, да ја преземат контролата врз нејзината иднина и врз нејзините огромни богатства, само неколку чекори до Европа“, изјави портпаролот на режимот, Ибрахим Муса, на прес-конференција, пренесува „Л’експрес“. Весникот посочува дека Муса мисли на Абделхаким Ал-Хасади „многу познат лидер на Ал-Каеда“, кој наводно го напуштил Бенгази, главното упориште на бунтовниците на околу илјада километри источно од престолнината Триполи, упатувајќи се во близина на градот Мисрата, со брод „полн со оружје и со современи комуникации“, заедно со 25 „добро обучени борци“. Според Ибрахим , Ал-Хасад „им е многу добро познат на разузнавачките служби во целиот свет“. „За жал, коалицијата е свесна за ова (…) и е подготвена да им дозволи на припадниците на Ал Каеда да преминат од Бенгази кон Мисрата“, се пожалил портпаролот на режимот во Триполи, кого го цитира францускиот весник. Друга цел на анти-исламстичкиот говор на либиската влада е Исмаил Салаби, член на Либиската исламистичка борбена група (Groupe islamique de combat libyen (Gicl) – Al-Jama’a al-Islamiyyah al-Muqatilah bi-Libya) којашто е поврзана со Ал Каеда. Салаби, според портпаролот Муса, предводи група од 200 „фундаменталисти“ стационирани во воениот камп „7 април“ во Бенгази каде ги обучуваат дваесетина експерти од Катар.И конечен „доказ“ за учеството на исламистите, како што пишува „Л’Експрес“ – во шемата на либискиот режим се дава со примерот на Абделмонем Ал-Мадуни, опишан како „член на Ал-Каеда од 1980-тите години“, кој неодамна беше убиен во борбите со бунтовниците во близина на нафтеното преистаниште Брега западно од Бенгази. Алиас – Мустафа Ал-Зави, Орва или Ибн ал-Вард, Абделмонем Ал-Мадун, инаку беше баран од Интерпол и од САД, потенцира портпаролот на либиската влада.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шојгу: Русија никогаш не планирала да ги нападне земјите на НАТО
Русија никогаш не планирала да ги нападне земјите на НАТО, изјави рускиот министер за одбрана Сергеј Шојгу.
„Руската Федерација никогаш не била закана за НАТО. Ние немаме ниту геополитички ниту воени интереси да ги нападнеме земјите од блокот, ние едноставно го штитиме нашиот народ на нашите историски територии“, рече Шојгу на состанокот на министрите за одбрана на земјите-членки на Шангајската организација за соработка (SCO) во главниот град на Казахстан, Астана.
Шојгу нагласи дека Русија секогаш вложувала максимални напори за одржување на стратешката стабилност и рамнотежа на силите во светот, пренесува Интерфакс.
Свет
Трамп: Подготвен сум да го обновам конзервативниот сојуз со Орбан
Поранешниот американски претседател и републикански претседателски кандидат Доналд Трамп изјави дека е подготвен да го обнови конзервативниот сојуз со унгарскиот премиер Виктор Орбан.
Во видео пораката Трамп изјави дека со нетрпение очекува блиска соработка со Орбан кога, како што наведе, повторно ќе положи заклетва како 47-ми претседател на САД, пренесе АП.
Во својата порака Трамп го нарече Орбан голем човек и истакна дека додека бил претседател на САД, работел со него на подобрување на вредностите и интересите на САД и Унгарија.
Свет
Блинкен пристигнува во Израел, седми пат од почетокот на војната
Американскиот државен секретар во вторник ќе го посети Израел, седми пат по нападот на палестински Хамас на 7 октомври врз јужен Израел и војната што следеше со израелскиот одговор во Појасот Газа.
Јавниот сервис Кан објави дека Блинкен ќе дојде во Израел за да разговара за најавената операција на израелската армија во Рафах, како и за напорите да се обезбеди пауза во борбите и да се ослободат повеќе од 100 заложници кои ги држеше Хамас.
Блинкен моментално е во посета на Кина.