Свет
Путин ја критикува Јапонија за бавната реакција во Фукушима
Рускиот премиер Владимир Путин денеска ја критикуваше Јапонија во врска со нејзината бавна реакција врз нуклеарната катастрофа во Фукушима и во врска со изградбата на нуклеарни реактори на трусни подрачја
Владимир Путин учествува на состанокот на руската нуклеарна индустрија во градот Пенза, 630 километри јужно од Москва.Јапонскиот нуклеарен реактор Фукушима, најпрво го погодија силен земјотрес и цунами на 11 март што ја предизвика најголемата нуклеарна криза по Чернобил во 1986 година.Рускиот премиер оцени дека главната грешка на Јапонија е што стручњаците на време не ги пронајдоа и доопремија резервните извори на енергија, потребни за ладење на централата.Јапонците ги вклучија резервните генератори кои потоа ги погоди цунами и ги уништи, рече Путин, при тоа истакнувајќи дека „требало навреме да се вклучат преносните извори на енергија од другите делови на земјата, а проблемите настанале бидејќи не го сториле тоа“.Путин во прашање ја доведува и јапонската одлука за изградба на нуклеарни централи во области кои се особено изложени на ризици од земјотрес.„Што се однесува до Јапонците, тие се во посебна ситуација. Не знам зошто, тоа е нивна одлука, но градат реактори во сеизмолошки опасни зони“ – рече Путин.За разлика од јапонските, тој истакна дека руските нуклеарни реактори работат три дена без надворешни извори за снабдување со струја, што е доволно за да се преземат потребните мерки. Тој потсети дека Русија планира да го зголеми влијанието на атомската и вкупната енергија од сегашните 16 на 25 отсто.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Блинкен пристигнува во Израел, седми пат од почетокот на војната
Американскиот државен секретар во вторник ќе го посети Израел, седми пат по нападот на палестински Хамас на 7 октомври врз јужен Израел и војната што следеше со израелскиот одговор во Појасот Газа.
Јавниот сервис Кан објави дека Блинкен ќе дојде во Израел за да разговара за најавената операција на израелската армија во Рафах, како и за напорите да се обезбеди пауза во борбите и да се ослободат повеќе од 100 заложници кои ги држеше Хамас.
Блинкен моментално е во посета на Кина.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Европа
Уапсен украински министер
Украинските антикорупциски тела денеска го уапсија министерот за земјоделство Микола Солски. Судот на министерот му изрече превентивна мерка притвор во траење од 60 дена, до 24 јуни. Сепак, Солски ќе биде ослободен од притвор доколку плати кауција од 75,7 милиони гривни (околу 1,7 милиони евра).
Обвинителството побара притвор поради ризик од попречување на истрагата, влијание врз сведоци и бегство. Тие истакнаа дека Солски во текот на вонредната состојба неколку пати ја минувал границата.
Адвокатот одговори дека Солски ја преминал границата поради службени патувања, освен во еден случај кога заминал на договорено отсуство. Тој се осврна и на тоа дека Солски како функционер може да патува во странство само со согласност на премиерот. Тој исто така изјави дека нема докази дека Солски би можел да се меша во истрагата или да влијае на сведоците.
Солски вчера понуди оставка откако беше осомничен за вмешаност во незаконско стекнување државно земјиште. Обвинителите тврдат дека Солски бил фатен дека поседува државно земјиште во вредност од 291 милион гривни и дека се обидел да добие друго земјиште во вредност од 190 милиони гривни.
Солски ги негира обвиненијата, за кои обвинителите велат дека се однесуваат на настани од 2017 до 2021 година, пред да стане министер за земјоделство во март 2022 година. Солски е еден од најбогатите функционери во администрацијата на претседателот Володимир Зеленски.
Ако плати кауција, ќе мора да ја предаде својата обврзница на властите и нема да му биде дозволено да разговара со други осомничени и сведоци во случајот.