Свет
Авганистанските разузнавачи не ја потврдуваат смртта на Мула Омар
Главната управа за национална безбедност на Авганистан не потврдува дека е убиен лидерот на авганистанските талибани Мула Омар, пренeсува денеска Reuters повикувајќи се на претставник на авганистанските специјални структури
„Можеме да потврдиме дека Мула Омар исчезна од неговото засолниште во Квета, во провинцијата Белуџистан, пред четири или пет дена. Не можеме да потврдиме дали е жив или е мртов“, го цитира агенцијата портпаролот на Главната управа за национална безбедност на Авганистан, Латифуљ Машаљ. Претходно авганистанската телевизија TOLO, повикувајќи се на извор од авганистанските специјални сили, денеска пренесе дека водачот на радикалното муслиманско движење во Авганистан – Талибан, Мула Омер, бил убиен кога се обидел да го напушти пакистанскиот град Квета во покраината Северен Вазиристан, во пограничната со Авганистан планинска племенска област. Притоа не беа спомнати никакви други детали и датумот на загинувањето на Мула Омар. Потоа и претставници на безбедносните структури на Пакистан, исто така изјавија дека не можат да ги потврдат информациите за смртта на водачот на авганистанските талибани. Челниците на талибаните изјавија дека информацијата за ликвидацијата на Мула Омар „се фантастика и пропаганден трик“ со цел се шират дезинформации меѓу муџахедините и сите авганистански муслимани.Во соопштението на лидерите на движењето, објавено денеска на интернет страницата „Гласот на џихадот“, се тврди дека „емирот Муаменин (Мула Омар) е жив и во добра здравствена состојба… тој живее на безбедно место“. Информациите за смртта на Омар за талибаните е „пропаганда патка на окупаторските сили, чија цел е да ги минимизираат успесите постигнати во пролетната офанзива на талибаните“. Мула Омар стана познат откако во 1994 година во екот на граѓанската војна којашто следеше по повлекувањето на советските трупи од Авганистан, во административниот центар на авганистанската истоимена покраина Кандахар застана на чело на движењето на „муслиманските студенти – Талибан, кое стана опозиција на тогашната влада на претседателот Бурханудин Рабани.По соборувањето на талибанскиот режим од страна на американските сили и авганистанската Северната алијанса, Мула Омар пребега во странство. Претходно медиумите повеќепати пишуваа дека талибанскиот лидер раководи со операциите на неговите борци од соседен Пакистан. Во исто време, во медиумите во неколку наврати се појавија информација дека Мула Омар престанал со активното учество во раководството на движењето Талибан и неговото име се јавува само номинално како авторитетВо почетокот на мај, набргу по пораките на елиминирање на водачот на Ал Каеда Осама бин претставници Ладен на военото и политичкото раководство на САД и Италија, изјави дека следната лице за борба против тероризмот може да стане лидерот на талибанците во Авганистан, Мула Омар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.
Свет
(Видео) Израелски министер доживеа сообраќајка: автомобилот превртен
Автомобилот на министерот за национална безбедност на Израел, Итамар Бен Гвир се превртел при сообраќајна несреќа.
Полицијата соопшти дека во судирот учествувале две возила и дека три лица се пренесени во болница откако биле полесно повредени, додека службениот автомобил на министерот завршил на неговиот покрив.
השר בן גביר היה מעורב בתאונת דרכים סמוך לזירת הפיגוע ברמלה, מצבו קל
(אורלי אלקלעי) @OferHalfonKan pic.twitter.com/iDT6Aq0OIo
— כאן חדשות (@kann_news) April 26, 2024
Од кабинетот на Бен Гвир велат дека министерот е во добра состојба и свесен, но е префрлен на понатамошно лекување во блискиот медицински центар Шамир.
Сликите од местото на настанот покажуваат дека неговото службено возило се превртело, додека друг автомобил бил згмечен напред.
Полицијата соопшти дека ги истражува причините за несреќата.