Свет
Протести во Грузија продолжуваат петти ден

Активистите на грузиската опозиција денеска, петти ден по ред, ги продолжија протестите пред зградата на државната телевизија во престолнината Тбилиси, со барања за оставка на претседателот Михаил Саакашвили
Активистите на грузиската опозиција денеска, петти ден по ред, ги продолжија протестите пред зградата на државната телевизија во престолнината Тбилиси, со барања за оставка на претседателот Михаил СаакашвилиЗа разлика од другите денови, демонстрантите денеска се упатија и кон центарот на градот, кон Плоштадот на слободата, каде што треба да се одржи главниот протест. Неколкуте стотици активисти носат сини капи, симбол на опозициското движење „Народно собрание“, кои им ги делат на сите, вклучувајќи ги и новинарите. „Народно собрание“ објави дека промената на местото за протести кон Плоштадот на слободата е со цел да се попречи денешната парада за Денот на независноста. Лидерката на „народно собрание“, Нина Бурџанадѕе, се пожали на расцепканоста на опозицијата, но и самата ја одби понудата на радикалната опозициска група , Грузиската партија, денес да се одржи на „Ден на бесот“, поради што идејата беше откажана. Бурџанадѕе во неделата објави дека во Грузија започнала револуција и истакна дека неа треба да ја спроведат самите Грузијци, без интервенции од надвор. Сепак, и покрај распространетата корупција, катастрофалната економска состојба и огромната беда, како и срамниот пораз кој Саакашвили го доживеа во кратката војна со Русија во 2008 година, досега на протестите на опозицијата им се приклучија само неколку стотици луѓе. /крај/aljazeera/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Зеленски: Русија купува време, треба да се притисне со уште посилни санкции

Еден ден по телефонскиот разговор меѓу американскиот претседател Доналд Трамп и рускиот претседател Владимир Путин, украинскиот претседател Володимир Зеленски рече дека војната мора да заврши со преговори, но со реални и јасни предлози.
„Очигледно е дека Русија се обидува да купи време за да ја продолжи војната и окупацијата“, напиша Зеленски на апликацијата Телеграм.
Тој додаде дека Украина работи со партнерите за да го зголеми притисокот врз Москва.
„Санкциите се важни и благодарен сум на сите што ги прават поопипливи за оние кои ја започнаа војната“, вели Зеленски.
Тој повтори дека Украина е „подготвена за сите ефективни формати на преговори“, но и предупреди дека ако Русија продолжи да поставува нереални услови, мора да следат сурови последици.
Свет
Лавров: Путин му ја потврди на Трамп целта за праведно решение во Украина

Рускиот претседател Владимир Путин му ја потврди на претседателот на САД Доналд Трамп посветеноста на Москва за постигнување праведно решение на конфликтот во Украина, изјави рускиот министер за надворешни работи Сергеј Лавров.
Лавров потсети на цврстата позиција на Русија за „праведно решавање на украинската криза создадена од Западот“, нагласувајќи дека оваа позиција уште еднаш јасно ја потврди Путин вчера по телефонскиот разговор со Трамп, јави ТАСС.
Путин претходно им изјави на новинарите дека разговорот со Трамп траел повеќе од два часа и дека бил суштински и искрен.
Ова беше трет телефонски разговор меѓу лидерите на Русија и САД од почетокот на годината.
Путин додаде дека Трамп во разговорот нагласил дека Русија се стреми кон мирно решение во Украина.
Свет
Писториус: Русија само купува време во мировните преговори со Украина

Германскиот министер за одбрана Борис Писториус денес го обвини рускиот претседател Владимир Путин дека не е заинтересиран за мир во Украина, велејќи дека Русија „всушност купува време“ во преговорите со САД.
Писториус додаде дека Европа треба да го зголеми притисокот врз Русија со воведување нови санкции, особено врз продажбата на руска енергија, објави Ројтерс.
„Повторно сме сведоци на масовни напади (од страна на Русија) во последните денови. Овие напади зборуваат многу погласно од усните ветувања за мир што ги слушаме долго време. Путин очигледно си го губи времето. За жал, мора да кажеме дека Путин всушност не е заинтересиран за мир“, рече Писториус пред состанокот на министрите за одбрана и надворешни работи на ЕУ во Брисел.
Русија и Украина требаше да започнат разговори откако Путин разговараше со американскиот претседател Доналд Трамп во понеделник, но Путин рече дека процесот ќе потрае некое време.
Откако Трамп ги информираше за разговорот со Путин, европските лидери се согласија да го зголемат притисокот врз Русија преку нови санкции.
Пред состанокот, францускиот министер за надворешни работи Жан-Ноел Баро го обвини Путин за лицемерие.
„Верувам дека иако Владимир Путин продолжува да го користи својот лицемерен јазик, на сите им е јасно дека ќе продолжи со својата колонијална војна до крај, ако ние не му застанеме на патот. Да се обидеме да го принудиме Владимир Путин да ја заврши својата империјалистичка фантазија со усвојување (на ЕУ) санкции кои се навистина обесхрабрувачки“, рече Баро.
Високата претставничка на ЕУ за надворешна политика, Каја Калас, исто така, изјави дека САД треба да се приклучат на блокот во зголемувањето на притисокот врз Русија.
„Сите се согласивме и рековме, дека ако не се согласат на безусловно примирје, како што се согласи Украина пред 60 дена, ќе бидат преземени силни мерки“, рече Калас пред состанокот.