Свет
Незгода на астронаутите при престојот во Вселената
Вжештената материја којашто во средата го погоди во око американскиот астронаут и речиси ја прекина неговата работа во отворениот космос било средство за одмаглување на шлемот, пренесува Асошиетед прес повикувајќи се на главниот менаџер на мисијата за вселенската прошетка, Алисон Болинџер.
Вжештената материја којашто во средата го погоди во око американскиот астронаут и речиси ја прекина неговата работа во отворениот космос било средство за одмаглување на шлемот, пренесува Асошиетед прес повикувајќи се на главниот менаџер на мисијата за вселенската прошетка, Алисон Болинџер.На прошетка во отворениот космос во средата излегоа астронаутите на американската агeнција за вселенски истражувања NASA, Ендрју Фјустел и Мајкл Финк. Претходно беше соопштено дека астронаутите работеле во вселената пет часа, кога Фјустел почувствувал силно печење во десното око. Според Болинџер, болката кај Фјутсел била предизвикана од стандардното средство против замаглување со кое се обработуваат шлемовите на астронаутите пред секое излегување во Вселената. Кога невнимателно ќе се нанесе ова средство, капки од него може да се одделат од шлемот и да капнат од внатрешната страна на шлемот и да навлезат во очите на астронаутот кој работи во отворениот космос. Фјустел и Финк се подготвиле да ја прекинат работата и да се вратат на Меѓународната вселенска станица (ISS), но Фјустел сепак успеал ја реши својата незгода. Како што изјавил Болинџер, во внатрешноста на шлемот астронаутот има можност да искористи пластичен блок кој е дизајниран токму за тоа – на пример при солзење на очите. По оваа постапка, Фјустел се чувствувал многу подобро и продолжил со работа. Искусни астронаути за Асошиетед прес изјавија дека солзењето во космосот е многу непријатно и истовремено необично чувство – солзите не течат од очите, туку се акумулираат во нив. Вселенскиот шатл Индевоар, за кој овој лет во Вселената ќе биде последен, на 18-ти мај се спои со Меѓународната вселенска станица. Астронаутите ги имаат веќе извршено три од четирите планирани излези во отворениот космос, а при вториот во неделата исто така учествуваа Фјустел и Финк. Третиот излез започна во 07,46 и траеше до 14,37 часот по македонско време во средата. Непланираните проблеми не ги спречија астронаутите да ги извршат сите задачи од програмата за излез во отворениот космос. Според предвиденото, Индевоар треба да се одвои од станицата на 30-ти мај и на 1-ви јуни да се врати на Земјата. Ова е последниот лет во вселената на Индевоар и претпоследниот до американската „спејс шатл“ програмата./крај/ап//рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украина ги повлекува тенковите Абрамс од борба: Пет од нив веќе се уништени во руските напади
Украина ги повлече од борбата тенковите Абрамс М1А1 испратени до неа од САД, делумно затоа што нападите со руски беспилотни летала ја попречија работата на тие тенкови и затоа што тие се цел на напади, изјавија за АП двајца американски воени претставници.
Засега, тенковите се преместени од првите линии на фронтот, а САД ќе соработуваат со Украинците за да најдат нова тактика за користење на тие тенкови, изјавија заменик-претседателот на Здружениот генералштаб, адмирал Кристофер Грејди и неименуван претставник на одбраната.
САД одобрија испраќање 31 тенк Абрамс во Украина во јануари 2023 година, откако украинските власти побараа нивна испорака, тврдејќи дека тенковите, кои чинат по околу 10 милиони долари, се од витално значење за пробивање на руските борбени линии.
Оттогаш фронтот значително се промени, особено поради употребата на руски извидувачки беспилотни летала, што им отежна на украинските сили да ги заштитат тенковите Абрамс од руски напади, бидејќи беспилотните летала брзо ги откриваат, наведува АП.
Агенцијата додава дека пет од 31 тенк Абрамс веќе се уништени во руските напади.
Свет
Јенс Столтенберг: Украина се уште може да ја добие војната против Русија
Генералниот секретар на НАТО Јенс Столтенберг изјави дека Украина се уште може да победи во војната против Русија, но дека сојузниците ќе мора повеќе да се ангажираат за Киев да ја добие поддршката што ја вети Алијансата.
Во четвртокот, на состанокот на непрофитната организација „Атлантски мост“ во Берлин, Столтенберг рече дека членките на НАТО сега треба да го претворат она што и го ветија и обврзаа на Украина во итна испорака на оружје и муниција, објави Киев Индипендент.
„Во последните месеци, членките на НАТО не ја дадоа поддршката што ја ветија“, рече Столтенберг.
Свет
Во Аргентина откриен нов вид диносаурус
Аргентинските палеонтолози објавија дека откриле нов вид диносаурус, наречен Chakisaurus nekul, кој живеел пред околу 90 милиони години во областа на денешна Патагонија.
Chakisaurus nekula е тревојаден диносаурус со средна големина, а фосилот е пронајден во природниот резерват Пуебло Бланко, во јужната провинција Рио Негро, каде што претходно биле пронајдени бројни остатоци од други диносауруси, цицачи и риби.
Се смета дека најголемиот чакисаурус достигнал големина од три метри во должина и 70 сантиметри во висина, а новите студии покажуваат дека овој тип на диносаурус трчал брзо и имал невообичаено закривена опашка, наведува Ројтерс.